وڭىردە قۇنى 55,8 ملرد. تەڭگە بولاتىن 15 جوعارى تەحنولوگيالىق ينۆەستيتسيالىق جوبالار جۇزەگە اسىرىلىپ, 1300 جاڭا جۇمىس ورنى قۇرىلدى. بايعانين اۋدانىنىڭ قوجاساي كەن ورنىندا قۇنى 33 ملرد. تەڭگە بولاتىن «Gas Proسessing Company» جشس گاز وڭدەۋ كەشەنى قۇرىلىسىنىڭ جوباسى جۇزەگە اسىرىلىپ جاتىر. نىسان ىسكە قوسىلىسىمەن ىلەسپە گازدى وڭدەۋ ارتىپ, تاۋارلى گاز, گاز كۇكىرتى, پروپان-بۋتان قوسپاسى سىندى ونىمدەردى ءوندىرۋدى يگەرۋگە مۇمكىن بولادى. بۇدان وزگە, قوندىرعى ىلەسپە گازدى الاۋ ارقىلى جاقپاۋعا مۇمكىندىك بەرەدى. بۇل ءوڭىردىڭ ەكولوگيالىق جاعدايىن جاقسارتۋعا اسەر ەتەدى. زاماناۋي تيىمدىلىگى جوعارى تەحنولوگيالار زياندى قالدىقتاردى ازايتىپ گازدى تولىق وڭدەۋدى قامتاماسىز ەتەدى.
سونداي-اق, وڭىردە التىن كومبيناتىنىڭ, كەراميكالىق پليتالار مەن قۇرىلىس ماتەريالدارىن شىعاراتىن زاۋىتتاردىڭ, «ا» كلاستى لوگيستيكالىق ورتالىقتىڭ قۇرىلىسى ءجۇرىپ, كوكتەمگى-ارال كەن ورنى يگەرىلۋدە جانە ت.ب. جۇمىستار ءجۇرىپ جاتىر.
بۇدان باسقا, اقتوبە وبلىسى مەملەكەت باسشىسىنىڭ «قازاقستاننىڭ ءۇشىنشى جاڭعىرۋى: جاھاندى باسەكەگە قابىلەتتىلىك» اتتى جولداۋىن جۇزەگە اسىرۋ بويىنشا بەلسەندى جۇمىستاردى جالعاستىرۋدا. وڭىردە بيىل جول كارتاسى اياسىندا 55 كاسىپورىن جاڭعىرتىلدى. جالپى العاندا جابدىقتار مەن پروتسەستەردى تەحنولوگيالىق جەتىلدىرۋگە 85 ملرد تەڭگە سالىندى.
جالپى, جىل سوڭىنا قاراي, وبلىس 510 ملرد تەڭگە ينۆەستيتسيا تارتۋدى كوزدەپ وتىر (2017 ج. - 437 ملرد تەڭگە), ونىڭ 85 %-ى بيۋدجەتتەن تىس قاراجات, 35 % -ى سىرتقى ينۆەستيتسيا.
تەمىر قۇسايىن,
«ەگەمەن قازاقستان»
اقتوبە وبلىسى
