«ەلباسى تاپسىرماسىنا سايكەس, وڭىردە مەملەكەتتىك ورگانداردىڭ, مونوپولياعا قارسى قىزمەت پەن پروكۋراتۋرا ورگاندارى وكىلەدرىنىڭ قاتىسۋىمەن جۇمىس توبى قۇرىلدى. باستى ماقسات – ءاربىر ءتاريفتىڭ وزىندىك قۇنىن جەتە زەرتتەۋ, كاسىپورىنداردىڭ ارتىق شىعىندارىن الىپ تاستاۋ, وسىلايشا قىزمەتتەردىڭ اقىرعى قۇنىن حالىق ءۇشىن تومەندەتۋ. مۇنداي جۇمىستار كوممۋنالدى قىزمەتتەردىڭ بارلىق تۇرلەرىنە جۇرگىزىلۋدە», دەدى ب.ساپارباەۆ.
وسىلايشا, بۇگىنگى كۇنى «اقتوبەەنەرگوسناب» جشس-ءنىڭ 2016-2017 جىلدارداعى قىزمەتىندە 314,49 ملن تەڭگە سوماسىندا نەگىزسىز تابىس انىقتالدى. ناتيجەسىندە, وسى جىلدىڭ 1 قاراشاسىنان باستاپ تۇرعىندار ءۇشىن ەلەكتر ەنەرگياسى 1 كۆت/ساع ءۇشىن ققس قوسا العاندا 10,35 تەڭگەدەن 9,62 تەڭگەگە دەيىن, نەمەسە 7%-عا تومەندەتىلدى.
سونداي-اق, 2019 جىلدىڭ باسىنان باستاپ گازبەن جابدىقتاۋ ءتاريفى 12,6%, جىلۋ مەن ىسسى سۋ - 3,7%, سالقىن سۋ - 1,5% تومەندەتىلمەك.
كومىر 15%-عا دەيىن ارزاندايدى»,-دەپ قوستى وبلىس اكىمى.
