«بىزدە قازاق ءتىلىنىڭ مامانى جوق. سوندىقتان قازاق ءتىلىن جاقسى بىلەتىن كىسىلەردىڭ ۇيرەتكەنىن قاناعات تۇتامىز. مۇنىڭ ءوزى قوستاناي وبلىستىق تىلدەردى دامىتۋ باسقارماسى ماماندارى كومەگىنىڭ ارقاسىندا مۇمكىن بولدى. اتامەكەننىڭ مۇنداي كومەگىنە العىسىمىز شەكسىز. ەكاتەرينبۋرگ قالاسىندا تۇراتىن گۇلدەن قاراەۆا مەن ەلميرا الدامجاروۆا قازاق ءتىلىن جەتىك بىلەدى, ولار تولەۋتاي جۇمانيازعا كومەكتەسىپ, ىنتا تانىتقاندارعا قازاق ءتىلىن ۇيرەتەدى » دەيدى عاليا باقىتقىزى.
قوستاناي وبلىستىق تىلدەردى دامىتۋ باسقارماسىنىڭ جانە ءتىل ۇيرەتۋ ورتالىعىنىڭ ماماندارى رەسەيدىڭ قوستانايعا ىرگەلەس چەليابى وبلىسىنداعى قازاقتارعا ءتىل ۇيرەنۋدىڭ وڭاي, جەڭىل باعدارلاماسىن, باسقا دا ادىستەمەلىك قۇرالدار بەرىپ تۇرادى. سونىمەن قاتار ءتىل ۇيرەتۋگە بەلسەندىلىك كورسەتكەن رەسەيلىك قازاقتاردى جىل سايىن ءبىر اپتا وقىتىپ, سەرتيفيكات تاپسىرادى. ەندى ولار سۆەردلوۆ وبلىسىنداعى قازاقتارعا دا كومەك قولىن سوزىپ وتىر.
ء«بىز ەكاتەرينبۋرگتەگى قانداستارىمىزعا قازاق ءتىلىن وقىتۋعا ارنالعان ادىستەمەلەر, وقۋ قۇرالدارى جانە سوزدىكتەر, ء«تىلاشارلار» بەردىك. كەلەسى جىلى قازاق ءتىلىن ۇيرەتۋ جۇمىسىندا چەليابىلىكتەرمەن قاتار سۆەردلوۆ وبلىسىنداعى قازاقتاردى دا قامتيتىن بولامىز. ولاردان دا قازاق ءتىلىن جاقسى بىلەتىن بەلسەندىلەردى شاقىرىپ نەمەسە ءوزىمىزدىڭ مامانداردى سوندا جىبەرىپ, قازاق ءتىلىن وقىتۋدىڭ ادىستەمەلەرىن ۇيرەتەتىن بولامىز» دەيدى وبلىستىق تىلدەردى دامىتۋ باسقارماسىنىڭ ءبولىم باسشىسى باقىتگۇل سۇلەيمەنوۆا.
قوستانايلىق ماماندار الداعى جىلدان باستاپ رەسەيدىڭ كورشى وبلىستارىنداعى قانداستارعا لاتىن گرافيكاسىنداعى ءالىپبيدى دە ۇيرەتەتىن بولادى.
ءنازيرا جارىمبەت,
«ەگەمەن قازاقستان»
قوستاناي
