ون جىل ىشىندە وڭىردە وڭ وزگەرىستەر ورىن الدى, مىسالى تەمىرجولدىڭ اشىلعان جىلعى ۇزىندىعى 814,4 شاقىرىم بولسا, بۇگىنگى تاڭدا 1359,8 شاقىرىمدى قۇرايدى, ال ستانتسيالار مەن بەكەتتەر سانى 35-تەن 60-قا دەيىن ارتقان. سونداي-اق, وڭىردەگى جالپى تەمىرجولشىلاردىڭ سانى ەكى ەسەگە ياعني, 2800 ادامنان 5804 ادامعا دەيىن جەتىپ وتىر, بۇل الەۋمەتتىك توپتىڭ جۇمىسپەن قامتىلۋىنا سەپتىگىن تيگىزەتىن كورسەتكىش.
سونىمەن قاتار, كەلەسى جىلى «ماڭعىشلاق-اقتوبە» جانە «ماڭعىشلاق-الماتى» باعىتىنداعى جولاۋشىلار پويىزدارىنىڭ ۆاگوندارى جاڭارتىلاتىن بولدى. بۇل تۋرالى وڭىرلىك كوممۋنيكاتسيالار قىزمەتىنىڭ الاڭىندا «قازاقستان تەمىر جولى – جۇك تاسىمالى» اق فيليالىنىڭ «ماڭعىستاۋ جۇك تاسىمالى بولىمشەسىنىڭ» ديرەكتورى ن.عۇباشەۆ مالىمدەدى. ونىڭ ايتۋىنشا, اتالعان, ماسەلەنى شەشۋ ءۇشىن «قازاقستان تەمىر جولى» كومپانياسى مەن قر كولىك جانە كوممۋنيكاتسيالار مينيسترلىگى اراسىندا كەلىسىم جاسالدى. ۋكراينادا جاسالعان ۆاگوندار 2019 جىلدىڭ جاز ايىنا دەيىن قولدانىسقا بەرىلەدى دەپ كۇتىلۋدە.
گۇلايىم شىنتەمىرقىزى,
«ەگەمەن قازاقستان»
ماڭعىستاۋ وبلىسى
