لەكتوري جۇمىسىنا قازاقستان حالقى اسسامبلەياسى توراعاسىنىڭ ورىنباسارى – حاتشىلىق مەڭگەرۋشىسى لەونيد پروكوپەنكو, اتىراۋ وبلىسىنىڭ اكىمى نۇرلان نوعاەۆ, قازاقستان حالقى اسسامبلەياسىنىڭ, انالار كەڭەسىنىڭ مۇشەلەرى, كورنەكتى قوعام قايراتكەرلەرى, قحا عىلىمي-ساراپشىلىق كەڭەسى مەن ەتنومادەني بىرلەستىكتەردىڭ مۇشەلەرى, مەملەكەتتىك ورگاندار مەن رەسپۋبليكالىق جاستار بىرلەستىكتەرىنىڭ, جوعارى وقۋ ورىندارىنىڭ, قوعامدىق كەلىسىم كەڭەستەرىنىڭ وكىلدەرى, جازۋشىلار قاتىستى.
باستاما تۋرالى قازاقستان حالقى اسسامبلەياسى توراعاسىنىڭ ورىنباسارى لەونيد پروكوپەنكو: «قازاق حالقىنىڭ دارقاندىعىنىڭ ارقاسىندا ەلىمىزدە قاقتىعىس بولعان ەمەس. تاۋەلسىز بەيبىت ەلدىگىمىزگە سىن تۇسپەۋى ءۇشىن قازاقتىڭ بولمىسىن, تاريحىن, مادەنيەتىن, ءداستۇرىن ناسيحاتتاۋ – پارىزىمىز» دەپ اتاپ ءوتتى. «قازاقتانۋ» جوباسى ەلباسىنىڭ « ۇلى دالانىڭ جەتى قىرى» ماقالاسى جاريالانعان تۇستا وزەكتىلىگىن ارتتىرا ءتۇستى. قازىر اتىراۋ وبلىسىندا 80-نەن استام ەتنوس وكىلى تۇرادى. ەتنو-مادەني بىرلەستىكتەر جۇمىسى جاقسى جولعا قويىلعان.
لەكتوري جۇمىسى عابدول سلانوۆ اتىنداعى وبلىستىق امبەباپ كىتاپحانادا, كاسپي ءوڭىرىنىڭ قازىرگى زامانعى كوللەدجىندە دە ءوتتى, ح.دوسمۇحامەدوۆ اتىنداعى اتىراۋ مەملەكەتتىك ۋنيۆەرسيتەتىندە «ۇلتتىق سالت-داستۇرلەر» تەاترلاندىرىلعان قويىلىمى كورەرمەن نازارىنا ۇسىنىلدى.
«قازاقتانۋ» جوباسىنىڭ ءبىر ەرەكشەلىگى – وبلىس ورتالىقتارىمەن شەكتەلمەي, الىستاعى اۋىلداردى دا قامتيدى. اتىراۋ وبلىسىنداعى ماحامبەت جانە جىلىوي اۋداندارىنىڭ ەلدى مەكەندەرىندە دارىستەر تسيكلى ۇيىمداستىرىلدى.
قازاقستان حالقى اسسامبلەياسىنىڭ «قايىرىمدىلىق كەرۋەنى» جوباسى بويىنشا قايىرىمدىلىق ۇيىمدار, مەتسەناتتار مەن دونورلاردىڭ رەسپۋبليكالىق فورۋمى دا جايىق جاعاسىندا سالتاناتتى تۇردە اشىلدى.
باقىتگۇل باباش,
«ەگەمەن قازاقستان»
اتىراۋ
