تۇڭعىش پرەزيدەنت كۇنىنە ارنالعان باسقوسۋعا «نۇر وتان» پارتياسى توراعاسىنىڭ ءبىرىنشى ورىنباسارى ماۋلەن اشىمباەۆ, حالىقارالىق تۇركى اكادەمياسىنىڭ پرەزيدەنتى دارحان قىدىرالى, «ۇلتتىق كارديوحيرۋرگيالىق عىلىمي ورتالىعى» اق باسقارما توراعاسى يۋري پيا, «مەيىرىم» قايىرىمدىلىق قورىنىڭ نەگىزىن قالاۋشى ارۋجان ساين جانە ستۋدەنت-جاستار قاتىستى.
العاش بولىپ ءسوز العان «نۇر وتان» پارتياسى توراعاسىنىڭ ءبىرىنشى ورىنباسارى م.اشىمباەۆ ەلباسى شەشىمدەرىنىڭ ەل دامۋىنداعى ءرولى مەن ماڭىزىنا قاتىسۋشىلاردىڭ نازارىن اۋداردى. ءوز تاجىريبەسىندەگى كەيبىر ەستەلىكتەرمەن ءبولىسىپ, جاس قازاقستاندىقتاردىڭ ەرتەڭگى كۇنگە دەگەن سەنىمىن كۇشەيتە ءتۇستى.
«ەل دامۋىنداعى ەرەكشە وقيعالاردىڭ ءبىرى بولعان ەلباسىنىڭ كەلەسى ستراتەگيالىق باستاماسى دا «بولاشاق» باعدارلاماسى سياقتى ءالى كۇنگە دەيىن قازاقستاندى جارقىن بولاشاققا باستاپ كەلەدى. ول – قازاقستان پرەزيدەنتىنىڭ وسىدان 20 جىل بۇرىن ەلوردامىزدى الماتىدان سول كەزدەگى اقمولاعا اۋىستىرۋ تۋرالى تاريحي شەشىمى. ءۇشىنشى ستراتەگيالىق باستاما – «رۋحاني جاڭعىرۋ» باعدارلاماسىنىڭ جۇزەگە اسىرىلۋى. بۇگىندە جۇيەلى تۇردە جۇرگىزىلىپ كەلە جاتقان بۇل باعىتتاعى جۇمىستاردىڭ دا ەل بولاشاعى ءۇشىن ماڭىزى زور», دەدى م.اشىمباەۆ.
قاتىسۋشىلار تاقىرىپقا ساي تاۋەلسىز قازاقستاننىڭ تۇڭعىش پرەزيدەنتى, ەلباسى نۇرسۇلتان ءابىش ۇلى نازارباەۆتىڭ ەلىمىزدى دامۋدىڭ جاڭا دەڭگەيىنە الىپ شىققان باستامالارى مەن تاريحي شەشىمدەرى جايىندا كەڭىنەن ءسوز قوزعادى. سونداي-اق ولار وزدەرىنىڭ مەملەكەت باسشىسىمەن كەزدەسۋلەرى, بۇل وقيعانىڭ ومىرلەرىنە قالاي اسەر ەتكەنىنە توقتالدى. ودان بولەك, ەلباسىنىڭ ماڭىزدى باستامالارى قالاي ومىرگە كەلگەنىن, ولاردىڭ قابىلدانۋىنا قانداي وقيعالاردىڭ سەبەپ بولعانىن جانە سول باستامالاردى جۇزەگە اسىرۋدا وزدەرىنىڭ ناقتى قانداي ۇلەس قوسقانىن دا كوپشىلىككە اڭگىمەلەپ بەردى.
اباي اسانكەلدى ۇلى,
«ەگەمەن قازاقستان»
