سەبەبى ءتول تاريحىمىزعا قايتا ءۇڭىلۋ, ونى بايىپپەن زەرتتەپ-زەردەلەۋ, ۇلتتىق بولمىسىمىزدى قايتا جاڭعىرتۋ, ەجەلگى مادەنيەتىمىزدى قايتا قاراۋ, بارىمىزدى باعامداپ, جوعىمىزدى تۇگەندەۋ – مەملەكەتىمىزدىڭ جان-جاقتى دامىعان الەمنىڭ وزىق ەلدەرىمەن تەڭ دارەجەدە قاتار تۇرۋىنا مۇمكىندىك بەرەدى.
قازاق دالاسى – تاريحتا قالعان ۇلىلاردىڭ التىن بەسىگى بولعان قاسيەتتى مەكەن. ۇلى دالا تالاي ۇلىلاردى دۇنيەگە اكەلگەنىن ءبىز جاقسى بىلەمىز. ەلباسىنىڭ « ۇلى دالانىڭ ۇلى ەسىمدەرى» اتتى وقۋ-اعارتۋ ەنتسيكلوپەديالىق ساياباعىن اشۋ يدەياسى عيبراتتى عۇمىرىمەن ەستە قالعان تۇلعالارىمىزعا كورسەتىلگەن زور قۇرمەت دەپ بىلەمىن. « ۇلى دالا تۇلعالارى» اتتى عىلىمي-كوپشىلىك سەريالاردى شىعارۋ ۇلىلاردان قالعان ۇلاعاتتى ناسيحاتتاۋ مەن وسكەلەڭ ۇرپاقتىڭ ساناسىنا ءسىڭىرۋ جولىندا جاسالعان ۇلكەن ەڭبەك بولاتىنى انىق.
ءبىزدىڭ بولاشاعىمىز جاستار دەسەك, بۇل ماقالادا كورسەتىلگەن تىڭ يدەيالار مەن باستامالار جاستاردىڭ ءوسۋى مەن شىعارماشىلىق دامۋى جولىندا ماڭىزدى ءرول اتقاراتىن فاكتور بولماق. وسى مازمۇنى باي تۇجىرىمدامادا كورسەتىلگەن تىلەكتەرگە ساي جاستارىمىز بەلسەندى ەڭبەك ەتىپ, قىزمەت جاساسا, تالاي شىڭدارعا جەتىپ, تالاي اسۋلاردى باعىندىراتىنىنا كامىل سەنىمدىمىن.
رافاەل نيازبەكوۆ,
اقىن, قازاقستاننىڭ ەڭبەك سىڭىرگەن قايراتكەرى
