ەندى كەنت تۇرعىندارى جىبەك ماتالار كومبيناتى ىقشام اۋدانىنداعى سولجاعالاۋلىق ەمحاناعا سابىلماي, وسى جەردە ەم قابىلدايتىن بولادى. دەنساۋلىق نىسانى كۇلەنوۆ اۋدانى مەن سول جاعالاۋدىڭ 12 مىڭ تۇرعىنىنا, ناقىتراق ايتساق, كۇنىنە 212 ادامعا قىزمەت كورسەتپەك.
«ەلباسىمىز دەنساۋلىق ساقتاۋ سالاسىنا ءاردايىم ايرىقشا كوڭىل بولەدى. وسى ورايدا ءبىز مەرەكە قارساڭىندا وبلىس ورتالىعىندا جاڭارتىلعان ەمحانا اشىپ وتىرمىز. بۇل عيمارات كوپ ۋاقىتتان بەرى بوس تۇرعان ەدى. ءبىز ونى ءبىر جارىم جىلدىڭ ىشىندە قالىپقا كەلتىردىك», دەدى دانيال احمەتوۆ.
وبلىستىق دەنساۋلىق ساقتاۋ باسقارماسى باسشىسى مارات شورانوۆتىڭ ايتۋىنشا, عيماراتتى كۇردەلى جوندەۋدەن وتكىزىپ, جاڭارتۋعا بيۋدجەتتەن 500 ميلليون تەڭگەدەن استام, مەديتسينالىق قۇرىلعىلار الۋعا 301,7 ملن. تەڭگە قاراجات جۇمسالىپتى.
ازامات قاسىم,
«ەگەمەن قازاقستان»
وسكەمەن
