بۇل تۋرالى تۇركىستان وبلىسىنىڭ وڭىرلىك كوممۋنيكاتسيالار قىزمەتىندە وتكەن بريفينگتە «Turkistan invest» ينۆەستيتسيالىق كومپانياسىنىڭ باسشىسى الىبەك نەسىپبەكوۆ مالىمدەدى. ء «ىرى جوبالاردىڭ قاتارىندا جالپى قۇنى 13 240 ملن. تەڭگەلىك «ەكوپروتەح-استانا» جشس-ءىنىڭ كۇن ەلەكتروستانتسياسى - 20 ادامدى, قۇنى 95 000 ملن. تەڭگەنى قۇرايتىن «Standard Petroleum & Co» جشس-ءىنىڭ مۇناي وڭدەۋ زاۋىتى - 1 000 ادامدى جۇمىسپەن قامتىماق», - دەدى الىبەك نەسىپبەكوۆ.
«تۇركىستان» الەۋمەتتىك-كاسىپكەرلىك كورپوراتسياسى» اكتسيونەرلىك قوعامىنىڭ كەڭسەسى جانىنان بۇگىندە «Turkistan invest», «تسيفرلاندىرۋ ورتالىعى» جانە «تۇراقتاندىرۋ قورى» فيليالدارى قۇرىلعان. "تۇركىستان" اكك" اق توراعاسى ايتمۇحاممەد الداجاروۆتىڭ ايتۋىنشا, قازىرگى تاڭدا كورپوراتسيا قۇرىلىس, الەۋمەتتىك ماڭىزدى جوبالار, تۋريزم, ينۆەستيتسيا تارتۋ, تسيفرلاندىرۋ, تۇراقتاندىرۋ قورى سىندى باعىتتار بويىنشا جۇمىس اتقارادى. سونداي-اق ينۆەستورلارعا قولداۋ كورسەتۋ ماقساتىندا ازىرلەنگەن «InvestInTurkistan.org» ينۆەستيتسيالىق پورتالى اقپاراتتى قازاق, اعىلشىن, فرانتسۋز, قىتاي, تۇرىك, اراب جانە ورىس تىلدەرىندە تاراتادى. بۇل پورتالدىڭ كومەگىمەن ينۆەستور كەز-كەلگەن ۋاقىتتا وزىنە قاجەتتى اقپاراتتى الۋ مۇمكىندىگىنە يە بولادى.
عالىمجان ەلشىباي,
«ەگەمەن قازاقستان»
تۇركىستان وبلىسى
