ءىس-شارا الماتى قالاسىنىڭ ءبىلىم باسقارماسىنىڭ, الماتى قالاسىنىڭ اكىمدىگى, «الماتى قالاسىنىڭ كاسىپكەرلەر پالاتاسى», الماتى قالاسىنداعى كوللەدجدەر قاۋىمداستىعى, «رۋحاني جاڭعىرۋ» جوبالىق بيۋروسىنىڭ قولداۋىمەن ءوتتى.
حالىقارالىق بيزنەس اكادەمياسى كوللەدجىنىڭ ديرەكتورى الفيا حيسماتۋللينا, الماتى قالاسىنداعى كوللەدجدەر قاۋىمداستىعىنىڭ پرەزيدەنتى جانتىلەۋ ازيسحانوۆ, الماتى قالاسىنىڭ كاسىپكەرلەر پالاتاسى ادامي كاپيتالدى دامىتۋ ءبولىمىنىڭ باستىعى ۆەرا تسزين, الماتى قالاسى «رۋحاني جاڭعىرۋ» جوبالىق ءوفيسىنىڭ مەنەدجەرى گ.ت.دجۋمادۋللاەۆا, قر الەۋمەتتىك ماسەلەلەرىن شەشۋ جونىندەگى جاستار دامۋ قورىنىڭ پرەزيدەنتى ر.گاسانوۆ, «اتامەكەن» عىلىمي-وندىرىستىك كاسىپورنىندا سپورت دۇكەنىنىڭ جانە «Korean Medical Travel» كومپانياسىنىڭ نەگىزىن قالاۋشى, الماتى قالاسىنىڭ ىسكەر ايەلدەرى كەڭەسىنىڭ مۇشەسى, ىسكەرلىك باسقارۋدىڭ دوكتورى, «ID Group» كومپانياسىنىڭ ديرەكتورى گ.شاكيروۆا, «جاڭا ۇرپاق» رەسپۋبليكالىق كوشباسشىلىق مەكتەبىنىڭ باس ديرەكتورى ا.ابجانوۆ, «شىعارماشىلىق شەشىمدەر اگەنتتىگى «SHAIKH»جشس ديرەكتورى ش.قازىبەك, سونداي-اق حالىقارالىق بيزنەس اكادەمياسى كوللەدجىنىڭ ستۋدەنتتەرى جانە كاسىپكەر اتا-انالار كلۋبىنىڭ مۇشەلەرى قاتىستى.
«مەن كاسىپكەرمىن» اتتى ءVىىى قالالىق ىسكەرلىك ەكونوميكالىق ويىنىنىڭ كونكۋرسىنا كەلەسى سالالار بويىنشا 120-دان استام جوبا ۇسىنىلدى: ءوندىرىس (30 جوبا), قىزمەتتەر (33 جوبا), ەكولوگيا جانە تۋريزم (31 جوبا), الەۋمەتتىك كاسىپكەرلىك, ءبىلىم جانە عىلىم (31 جوبا).
جەڭىمپازدار مەن جۇلدەگەرلەرگە ارنايى كۋبوكتار مەن سەرتيفيكاتتار بەرىلدى. سونىمەن قاتار, دەمەۋشىلەر ايرىقشا جوبالاردى باعالى جۇلدەلەر مەن سەرتيفيكاتتارمەن ماراپاتتادى.
ەلۆيرا سەرىكقىزى,
«ەگەمەن قازاقستان»
الماتى
