شىمكەنتتىڭ اكىمى تۇرعىنداردى اشىق شىنى تەرەزەلى كابينەتتە قابىلدايدى

بۇل تۋرالى بۇگىن قازاقستان رەسپۋبليكاسى پرەزيدەنتىنىڭ جانىنداعى ورتالىق كوممۋنيكاتسيالار قىزمەتىندە وتكەن بريفينگتە شىمكەنت قالاسىنىڭ اكىمى عابيدوللا ءابدىراحىموۆ مالىمدەدى.

مۇنان بىلاي قالا اكىمى حالىقپەن ايىنا ءبىر ەمەس, ءتورت رەت كەزدەسەدى. جەكە ماسەلەلەر بويىنشا قابىلداۋعا جازىلۋ ءۇشىن قالا تۇرعىندارى اكىمدىك كەڭسەسىنە كەلمەي-اق, shymkent.gov.kz سايتىنا ونلاين جازىلۋ ارقىلى  تىركەلە الادى.

«جەرگىلىكتى بيلىك پەن حالىق اراسىنداعى ءوزارا قارىم-قاتىناستى ارتتىرۋ ماقساتىندا مەن ازاماتتاردى جەكە قابىلداۋدى ءار جۇما كۇنى ساعات 16.00-دەن 18.00-گە دەيىن وتكىزۋ تۋرالى شەشىم شىعاردىم. سونىمەن قاتار, ازاماتتارعا ىڭعايلىلى بولۋ ءۇشىن اكىمدىك عيماراتىنىڭ ءبىرىنشى قاباتىندا زاماناۋي كابينەت جابدىقتادىق», - دەيدى  عابيدوللا راحماتوللا ۇلى.

سونداي-اق بريفينگ بارىسىندا قالا مەرى مەگاپوليستەگى ىسكە اسىپ جاتقان اۋقىمدى جوبالارمەن تانىستىرىپ ءوتتى. اتاپ ايتار بولساق, بۇلدىرشىندەردى ونلاين رەجيمىندە بالاباقشاعا كەزەككە قويۋ, ءبىرىنشى سىنىپ وقۋشىلارىن مەكتەپكە قابىلداۋ, «7-20-25» باعدارلاماسى بويىنشا تۇرعىن ءۇي ساتىپ الۋعا باستاپقى جارنانى سۋبسيديالاۋ بويىنشا ىسكە اسقان جوبالار باسقا وڭىرلەرگە دە تاجىريبە رەتىندە ۇسىنىلىپ جاتقاندىعىن جەتكىزدى.

ەستەرىڭىزگە سالار بولساق, ءۇشىنشى مەگاپوليس باسشىسىنىڭ تۇرعىندارمەن كەزدەسەتىن كابينەتى  اشىق شىنى تەرەزەلەردەن جاسالعان.

نۇرشات توكەن,
«ەگەمەن قازاقستان»