وبلىستىق مادەنيەت, ارحيۆتەر جانە قۇجاتتاما باسقارماسىنىڭ مالىمەتىنشە, ەلباسى ومىرىنەن ۇسىنىلاتىن كورىنىستەر «تاۋەلسىزدىك ءداۋىرى», «حالقىممەن ءبولىسۋ», «نۇرسۇلتان نازارباەۆ. ءومىربايان» كىتابتارىنان الىنادى. قازىر باستى رولگە اكتەرلەردى ىرىكتەۋ جۇرگىزىلۋدە.
قويىلىمنىڭ رەجيسسەرى-التىنبەك راحمەتوۆتىڭ ايتۋىنشا, تەاترلاندىرىلعان كورىنىستەردە تۇڭعىش پرەزيدەنتتىڭ بالالىق شاعى, ستۋدەنتتىك كەزەڭى, تەمىرتاۋ قالاسى جانە قازىرگى جاڭارعان ەلىمىز كورسەتىلمەكشى.
بارلىق قويىلىمدارعا ج. ايماۋىتوۆ اتىنداعى قازاق مۋزىكالى-دراما تەاترى مەن ا. چەحوۆ اتىنداعى دراما تەاترىنىڭ ارتىستەرى قاتىسادى.
ءاربىر تەاترلاندىرىلعان ءومىر كەزەڭى مۋزىكالىق اۋەندەرمەن, حورەوگرافيامەن اياقتالادى.
كورىنىستە بارلىعى 11 ءان ورىندالادى. مۋزىكالىق تۋىندىلاردى يسا بايزاقوۆ اتىنداعى وبلىستىق فيلارمونيانىڭ انشىلەرى مەن ەلىمىزدىڭ ەسترادا جۇلدىزدارى ءان شىرقايدى.
سوڭىندا ءانشى التىناي جوراباەۆا ونەر كورسەتەدى. وڭىردە پرەزيدەنت كۇنىنە وراي كونتسەرتتەر, كورمەلەر, ۇلت كوشباسشىسى تۋرالى فيلمدەر كورسەتۋ, تاقىرىپتىق باعدارلامالار بار 200-گە جۋىق مادەني شارالار وتەدى دەپ جوسپارلانۋدا.
فاريدا بىقاي,
«ەگەمەن قازاقستان»
پاۆلودار
