احمەتجان ەسىموۆ ساۋات مىڭباەۆتىڭ بۇعان دەيىنگى قىزمەت ورنىنداعى جاقسى ناتيجەلەرىن ەرەكشە اتاپ ءوتتى.
بۇعان دەيىن س.مىڭباەۆ قارجى قۇرىلىمدارىندا ءارتۇرلى لاۋازىمداردا ەڭبەك ەتتى. ءارتۇرلى جىلدارى قازاقستان رەسپۋبليكاسى قارجى ءمينيسترىنىڭ ورىنباسارى, قازاقستان رەسپۋبليكاسىنىڭ قارجى ءمينيسترى, قازاقستان رەسپۋبليكاسىنىڭ اۋىل شارۋاشىلىعى ءمينيسترى, قازاقستان رەسپۋبليكاسى پرەمەر-ءمينيسترىنىڭ ورىنباسارى, قازاقستان رەسپۋبليكاسى يندۋستريا جانە ساۋدا ءمينيسترى, قازاقستان رەسپۋبليكاسىنىڭ ەنەرگەتيكا جانە مينەرالدى رەسۋرستار ءمينيسترى, قازاقستان رەسپۋبليكاسى مۇناي جانە گاز ءمينيسترى بولدى. 2013 جىلدان بەرى «قازمۇنايگاز» ۇك» اق باسقارماسى توراعاسى قىزمەتىن اتقاردى.
سونداي-اق بۇگىن «سامۇرىق-قازىنا» ۇاق» اق باسقارما توراعاسى احمەتجان ەسىموۆ «قازمۇنايگاز» ۇك» اق جاڭا باسقارما توراعاسى رەتىندە ايدارباەۆ اليك سەرىك ۇلىن تانىستىردى. بۇعان دەيىن ول «سامۇرىق-قازىنا» ۇاق» اق باسقارما توراعاسىنىڭ ورىنباسارى قىزمەتىن اتقاردى.
ءارتۇرلى جىلدارى اليك ايدارباەۆ «وڭتۇستىكقازمۇنايگاز» ماق, «قۇمكول-لۋكويل» كومپانياسىنىڭ (كەيىن اتاۋى «تورعاي پەتروليۋم» جاق دەپ وزگەرتىلدى), «ماڭعىستاۋمۇنايگاز» اق, «قازمۇنايگاز» ۇك» اق باcقارۋشىلىق لاۋازىمداردى اتقاردى. 2011 جىلدىڭ جەلتوقسان ايىنان 2013 جىلعا ءدايىن «قازمۇنايگاز» ءبو» اق باس ديرەكتورى بولدى. 2013-2017 جج. ماڭعىستاۋ وبلىسىنىڭ اكىمى, 2017 جىلدىڭ ناۋرىز ايىنان 2018 جىلدىڭ قاڭتار ايىنا دەيىن - قازاقستان رەسپۋبليكاسىنىڭ ينۆەستيتسيا جانە دامۋ ءبىرىنشى ۆيتسە-ءمينيسترى قىزمەتىن اتقاردى. 2018 جىلدىڭ 15 قاڭتارىنان «سامۇرىق-قازىنا» ۇاق» اق باسقارما توراعاسىنىڭ ورىنباسارى بولدى.
