مەملەكەت باسشىسى ەلىمىزدىڭ ەنەرگيا سىيىمدىلىعىن تومەندەتۋ قاجەتتىگىن بەلگىلەگەن بولاتىن.
بۇگىنگى تاڭدا ونەركاسىپ سالالارىنىڭ ەنەرگيا سىيىمدىلىعىن تومەندەتۋ بويىنشا تەك جالپى دەرەكتەر بار. بۇل تەتىك ونى قاداعالاۋ پروتسەسىن: ءاربىر ءونىمدى ءوندىرۋ بارىسىندا ەنەرگيانى تۇتىنۋ تومەندەدى مە, نەمەسە تەك ءوندىرۋ تومەندەپ, سونىڭ سالدارىنان ەنەرگيا تاراتۋشىلاردى تۇتىنۋ ازايدى ما, ونى باقىلاۋدى قيىنداتادى.
وسىعان بايلانىستى پرەمەر-مينيستر ينۆەستيتسيالار جانە دامۋ مينيسترلىگىنە ءاربىر ءونىم بىرلىگىنە ەنەرگيانى تۇتىنۋدى تومەندەتۋ الگورتيمىن ازىرلەۋدى تاپسىردى (بولات, اليۋميني, كومىر ت.س.س. تونناسىنا).
سونىمەن قاتار مەملەكەتتىك ەنەرگەتيكا تىزىلىمىندە 5198 سۋبەكتىدەن تەك 710-ى زاڭدى تۇلعا, ال قالعاندارى كۆازيمەملەكەتتىك سەكتور, «سامۇرىق قازىنا» ۇلتتىق ءال-اۋقات قورىنداعى كومپانيالار ەكەنىن ەسكەرە وتىرىپ, ولار ەنەرگيا تيىمدىلىگىن ارتتىرۋ بويىنشا جۇمىستاردى جولعا قويۋى ءتيىس.
ب.ساعىنتاەۆ وڭىرلەردىڭ اكىمدەرىنە ينۆەستورلارمەن جانە ەنەرگيا سىيىمدىلىقتى كاسىپورىندارمەن جۇمىستى جانداندىرۋدى تاپسىردى, ونىڭ ىشىندە مەملەكەتتىك-جەكەمەنشىك ارىپتەستىك جوبالارى مەن ەنەرگيا ۇنەمدەۋدى ناسيحاتتاۋ نازاردان تىس قالماۋى كەرەك.
ينۆەستيتسيالار جانە دامۋ مينيسترلىگىنىڭ مالىمەتىنشە, وڭىرلەردە ەنەرگيا ۇنەمدەۋ سالاسىندا جالپى سوماسى 9,7 ملرد تەڭگەدەن اساتىن سوماعا 4 ءمجا جوباسى (پاۆلودار, اتىراۋ, قىزىلوردا وبلىستارىندا) ىسكە اسىرىلىپ جاتىر. 4 ءمجا جوباسىنا قول قويىلۋ ۇستىندە, 10 ءمجا جوباسى بويىنشا قۇجاتتامالاردى ازىرلەۋ جانە سەرىكتەستەر ىزدەۋ جۇمىستارى جۇرگىزىلىپ جاتىر. باسقا وبلىستاردا ەنەرگيا ۇنەمدەۋ سالاسىنداعى ءمجا جوبالارى جۇزەگە اسىرىلىپ جاتقان جوق.
