شارا QazaqGeography جاڭا كەڭسەسىن تانىستىرۋ راسىمىنەن باستالدى. 1968 جىلى سالىنعان ەسكى عيمارات از ۋاقىت ىشىندە قايتا جوندەلىپ, قازىر زاماناۋي كەڭسەگە اينالدىرىلعان, وندا مۇراجاي, ەلەكتروندى كىتاپحانا مەن مەديا ورتالىق جۇمىس ىستەيدى.
سەزد جۇمىسىنا QazaqGeography قامقورلىق جانە باسقارۋشىلىق كەڭەسىنىڭ مۇشەلەرى, قازاقستاننىڭ بارلىق وڭىرلەرىندەگى وكىلدەرى قاتىستى.
QazaqGeography توراعاسى ا. مامين بۇگىنگى تاڭدا قازاقستاندا تاريحي جانە مادەني مۇرالاردىڭ ساقتالۋىنا بەي-جاي قارامايتىن عالىمداردىڭ, مادەنيەت قايراتكەرلەرىنىڭ, ءتۇرلى سالالاردىڭ كاسىبي ماماندارى مەن ەل جاستارىنىڭ باسىن بىرىكتىرىپ وتىرعان ۇيىمنىڭ ماڭىزدىلىعىن اتاپ ءوتتى. QazaqGeography قازاقستاندىقتار ءۇشىن دە, الەمدىك قاۋىم ءۇشىن دە تۋريستىك نىسانداردى قولداۋدا باستى ءرول اتقارا الادى جانە اتقارۋى ءتيىس.
ونىڭ ايتۋىنشا, QazaqGeography قازاقستاننىڭ عىلىمىن, مادەنيەتى مەن تاريحىن ناسيحاتتاۋ ورتالىعىنا اينالۋى ءتيىس, بۇل مەملەكەت باسشىسى ن. نازارباەۆ «بولاشاققا باعدار: رۋحاني جاڭعىرۋ» اتتى ءوزىنىڭ باعدارلامالىق ماقالاسىندا ەرەكشە اتاپ وتكەن ەلىمىزدىڭ مادەني كودىنىڭ ساقتالۋىنا ۇلەسىن قوسادى.
ەسەپتى كەزەڭدەگى قىزمەت قورىتىندىلارى تۋرالى QazaqGeography باسقارما توراعاسى جانا رۇستەم باياندادى. ونىڭ ايتۋىنشا, وتكەن بەس جىلدا بىرلەستىك 60 جوبانى ىسكە اسىرعان, 10 ەكسپەديتسيا جاساعان, 13 كىتاپ شىعارعان. 2015 جىلدان باستاپ جىل سايىن بۇگىندە حالىقارالىق شاراعا اينالعان «حان قورىق» جاستار فەستيۆالى وتكىزىلىپ كەلەدى. وعان قازاقستاننىڭ جاستارى عانا ەمەس, جاقىن جانە الىس شەتەلدەردەن كەلگەن ستۋدەنتتەر دە قاتىسادى.
ج. رۇستەمنىڭ ايتۋىنشا, 2018 جىلدان باستاپ «Kazakh Tourism» ۇك اق ىنتىماقتاستىق اياسىندا QazaqGeography « ۇلى دالا Eلىنە ساياحات» جوباسىنا قاتىستى. بىرلەستىك ۇلىتاۋعا, شوقان ءۋاليحانوۆتىڭ ىزىمەن قاشعارياعا, تورعاي گەوگليفتەرى مەن ارال تەڭىزىنە ەكسپەديتسيالار جاسادى. جىل سايىن ەلىمىزدىڭ كيەلى جەرلەرىنە «كيەلى قازاقستان» ەكسپەديتسيالارى وتكىزىلەدى. ەسكپەديتسيالاردىڭ بارلىق باعىتتارى بويىنشا GPS-كوورديناتالار بەلگىلەنەدى.
سارىارقا جانە جاڭا جىبەك جولى باعىتتار بويىنشا جاسالعان ەكسپەديتسيالار ناتيجەسىندە جاڭا تۋريستىك باعىتتار ءتۇزىلىپ, يلليۋستراتسيالانعان جولنۇسقالار ازىرلەندى, تابيعي جانە تاريحي-مادەني نىساندار تۋرالى ساپالى فوتو- جانە بەينەبانك جاسالدى, ولاردىڭ جاي-كۇيى تۋرالى اقپاراتتار جاڭارتىلدى.
سەز جۇمىسىن اياقتاي وتىرىپ, QazaqGeography توراعاسى ا. مامين ءتورت سانات: «تابيعات», «ادامدار», «قالالار» جانە «استانا» تاقىرىپتارى بويىنشا «مەنىڭ قازاقستانىم» فوتوبايقاۋىنىڭ جەڭىمپازدارىن ماراپاتتادى.
سونىمەن قاتار QazaqGeography بەس جىلدىعىنىڭ قۇرمەتىنە ۇيىمنىڭ قالىپتاسۋى مەن دامۋىنا قوسقان ۇلەستەرى ءۇشىن بىرلەستىكتىڭ بەلسەندى مۇشەلەرىنە سىي-قۇرمەت كورسەتىلدى.
