PrimeMinister.kz-كە بەرگەن ەكسكليۋزيۆتى سۇحباتىندا قر ۇلتتىق ەكونوميكا مينيسترلىگىنىڭ تابيعي مونوپوليالاردى رەتتەۋ, باسەكەلەستىكتى جانە تۇتىنۋشىلاردىڭ قۇقىقتارىن قورعاۋ كوميتەتىنىڭ توراعاسى ازامات مايتيەۆ قانداي جۇمىستار جۇرگىزىلىپ جاتقانى جانە قانداي ناتيجەلەر كۇتىلەتىنى تۋرالى ءمالىم ەتتى.
«بيىلعى 12 قاراشادان باستاپ وبلىستىق ماڭىزى بار بارلىق قالالاردا, استانا, الماتى جانە شىمكەنت قالالارىندا تۇرعىندارعا ارنالعان قوعامدىق قابىلداۋلار اشىلدى, ونىڭ بارىسىندا كەلىپ تۇسكەن ۇسىنىستار مەن شاعىمدار جۇيەلەنىپ, تاريف قالىپتاستىرۋ ءۇردىسى تۋرالى تۇسىنىك بەرىلەدى جانە كەلىپ تۇسكەن شاعىمداردى قاراستىرۋدىڭ قورىتىندىسى بويىنشا تۇرعىن ءۇي-كوممۋنالدىق شارۋاشىلىعى سالاسىنداعى مونوپوليستەرگە جوسپاردان تىس تەكسەرۋلەر جۇرگىزىلەتىن بولادى», — دەدى ا. مايتيەۆ.
تاريف قالىپتاستىرۋ ءۇردىسىنىڭ اشىقتىعىن قامتاماسىز ەتۋدى كۇشەيتۋ, مونوپوليستەردىڭ تاريفتىك سمەتالار مەن ينۆەستيتسيالىق باعدارلامالاردى ورىنداۋىنا باقىلاۋدى كۇشەيتۋ ماقساتىندا ءبىز زاڭناماعا وزگەرىستەر ەنگىزۋگە باستاما بىلدىردىك. بۇگىنگى تاڭدا تابيعي مونوپوليالار تۋرالى جاڭا زاڭدار پارلامەنت ءماجىلىسىنىڭ قاراۋىندا, ولار تابيعي مونوپوليالار سۋبەكتىلەرىنىڭ تاريفتىك سمەتالارىن جانە ينۆەستيتسيالىق باعدارلامالارىن ورىنداۋى بويىنشا ەسەپتەرىن قاراۋعا تۇتىنۋشىلاردىڭ قۇقىقتارىن قورعاۋ قوعامىن قاتىستىرۋدى كوزدەيدى.
ء«بىز 2019 جىلدىڭ 1 قاڭتارىنان باستاپ تابيعي مونوپوليالار سۋبەكتىلەرى ءۇشىن ەلەكتروندى تاريفتەردى بەكىتۋ وتىنىمدەرىنىڭ مىندەتتى فورماتىن ەنگىزەمىز. بۇل رەتتە تۇتىنۋشىلارعا اتالعان بازانىڭ ماتەريالدارىنىڭ تولىق قولجەتىمدى بولۋى قامتاماسىز ەتىلەدى. تيىسىنشە, تۇتىنۋشىلاردىڭ تابيعي مونوپوليالار وتىنىمدەرى بويىنشا ۇسىنىستارى, ەسكەرتپەلەرى مەن سۇراقتارى جۇيەلەنىپ, جاريا تىڭداۋلاردا قاراستىرىلادى, ولارعا تۇسىنىكتەر بەرىلەدى. وسىلايشا, تۇتىنۋشى ءوزىنىڭ بارلىق سۇراقتارىنا جاۋاپ الادى», — دەدى مونوپولياعا قارسى ۆەدومستۆونىڭ باسشىسى.
سونىمەن قاتار زاڭناماعا تۇزەتۋلەر ەنگىزۋگە باستاما بىلدىرىلگەن. ماسەلەن, تابيعي مونوپوليالار سۋبەكتىلەرىنىڭ تۇتىنۋشىلاردىڭ الدىندا تاريفتىك سمەتالارىنىڭ جانە ينۆەستيتسيالىق باعدارلامالاردىڭ ورىندالۋ بارىسى تۋرالى جىل سايىن ەسەپ بەرۋىنەن جارتى جىل سايىن جاريا ەسەپ بەرۋىنە اۋىستىرۋ.
ء«بىز تابيعي مونوپوليالار سۋبەكتىلەرىنىڭ تاريفتىك سمەتالار مەن ينۆەستيتسيالىق باعدارلامالاردى ورىنداۋى بويىنشا قوعامدىق مونيتورينگ ينستيتۋتىن ەنگىزۋدى كوزدەيمىز. ياعني, بۇقارالىق اقپارات قۇرالدارىنىڭ, ءتۇرلى قوعامدىق بىرلەستىكتەر مەن ۇيىمداردىڭ, جەرگىلىكتى اتقارۋشى ورگانداردىڭ, "اتامەكەن" ۇلتتىق كاسىپكەرلەر پالاتاسىنىڭ وكىلدەرىنىڭ, تۇتىنۋشىلاردىڭ جانە باسقا دا مۇددەلى تۇلعالاردىڭ تابيعي مونوپوليالار سۋبەكتىلەرىنىڭ ينۆەستيتسيالىق باعدارلامالارىن قالاي ىسكە اسىرىپ جاتقانىن كورۋلەرى ءۇشىن سول سۋبەكتىلەردىڭ تۇرعىن ءۇي-كوممۋنالدىق شارۋاشىلىق نىساندارىنا بارۋى قامتاماسىز ەتىلەتىن بولادى», — دەدى ا. مايتيەۆ.
سونىمەن قاتار, ونىڭ ايتۋىنشا, كوممۋنالدىق قىزمەتتەردى تۇتىنۋ نورمالارىن بەكىتۋ كەزىندە جەرگىلىكتى اتقارۋشى ورگانداردىڭ تۇتىنۋشىلاردىڭ الدىندا جاريا تىڭداۋلار وتكىزۋ مىندەتتەرى قاراستىرىلاتىن بولادى.
«قازىر كوممۋنالدىق قىزمەتتەردى تۇتىنۋ نورمالارىن جەرگىلىكتى اتقارۋشى ورگاندار بەكىتەدى. ءبىز بۇل ءۇردىستى, بۇل مەحانيزمدى جاريا فورماتقا اۋىستىرعىمىز كەلەدى», — دەپ تۇيىندەدى كوميتەت توراعاسى.
