قازاقستاندىق دەلەگاتسيانى قازاقستان سىرتقى ىستەر مينيسترلىگى كونسۋلدىق قىزمەت دەپارتامەنتىنىڭ ديرەكتورى تاۋبولدى ۇمبەتباەۆ, ال يراندىق دەلەگاتسيانى يران سىرتقى ىستەر مينيسترلىگى كونسۋلدىق قىزمەت دەپارتامەنتىنىڭ ديرەكتورى ءالي اسعار موحاممادي باسقاردى.
وتكىزىلگەن ءىس-شارا بارىسىندا تاراپتار كونسۋلدىق سالاداعى ەكىجاقتى ىنتىماقتاستىقتىڭ اۋقىمدى ماسەلەلەرىن تالقىلادى.
اتاپ ايتقاندا, تاراپتار ءوزارا كونسۋلدىق-قۇقىقتىق جانە ۆيزالىق قاتىناستار, ونىڭ ىشىندە ەكى ەل اۋماقتارىنداعى ازاماتتارىنىڭ قۇقىقتارى مەن مۇددەلەرىن قورعاۋ ماسەلەلەرىن جان-جاقتى تالقىلادى. قازاقستاندىق كولىك كومپانيالارىنىڭ جۇرگىزۋشىلەرىنە ءار جولى 30 كۇندىك مەرزىممەن بولۋ قۇقىعى بار 1 جىلدىق ۆيزالاردى بەرۋ تۋرالى كەلىستى.
قازاقستان مەن يران اراسىنداعى كونسۋلدىق كونسۋلتاتسيالاردىڭ سەگىزىنشى وتىرىسىنىڭ ەكى كۇندىك جۇمىسى ناتيجەسىندە تاراپتار ءتيىستى حاتتاماعا قول قويدى.
