فورۋم جۇمىسىنا پرەزيدەنت اكىمشىلىگىنىڭ وكىلدەرى, پارلامەنت دەپۋتاتتارى, ورتالىق اتقارۋشى ورگاننىڭ باسشىلارى, «اتامەكەن» ۇلتتىق پالاتا, «نۇر وتان» پارتياسى جانە بيزنەس قوعامداستىقتىڭ وكىلدەرى قاتىستى. جيىن بارىسىندا مەملەكەت باسشىسىنىڭ بيزنەستى زاڭسىز اكىمشىلىك قىسىمنان جانە قىلمىستىق قۋدالاۋ قاۋپىنەن قورعاۋدى ودان ءارى ارتتىرۋ جونىندەگى تاپسىرماسى بويىنشا قابىلدانىپ جاتقان شارالار جايىندا ايتىلدى. سونداي-اق ۇلتتىق پالاتامەن بىرلەسە وتىرىپ, ەكى جول كارتاسىنىڭ ىسكە اسىرىلعانى, نەگىزگى باعىتتار بويىنشا 200-گە جۋىق ءىس-شارانىڭ ورىندالعانى اتاپ ءوتىلدى.
بيزنەس سۋبەكتىلەرىن تەكسەرۋلەردىڭ جۇيەلى تۇردە قىسقارۋى اكىمشىلىك قىسىمنىڭ ازايعانىن كورسەتەدى. بۇعان كوبىنەسە جوسپارلى تەكسەرۋلەردەن باس تارتۋ جانە كاسىپكەرلەردىڭ قىزمەتىنە ءتۇرلى تالاپتاردى 60 %-عا بارىنشا ازايتۋ ارقىلى قول جەتكىزىلدى.
زاڭسىز تەكسەرۋلەر ءبىر جارىم ەسەگە ازايعان. زاڭسىز ارالاسۋ جاعدايلارىنىڭ الدىن الۋ ءۇشىن پروكۋراتۋرا ورگاندارى تەكسەرۋلەردىڭ اۆتوماتتاندىرىلعان اقپاراتتىق جۇيەسى – تەكسەرۋ سۋبەكتىلەرى مەن وبەكتىلەردىڭ بىرىڭعاي ءتىزىمىن ىسكە قوستى. ول ءىس جۇزىندە تاۋەكەلدەردى باعالاۋ ارقىلى زاڭسىز تەكسەرۋلەردىڭ تاعايىندالۋىن بولدىرمايدى.
باس پروكۋرور بيزنەس سالاسىندا ءالى دە شەشىمىن تاپپاعان بىرقاتار اسپەكتىلەردىڭ بار ەكەنىن, سونداي-اق ولاردى جويۋ ءۇشىن بىرلەسكەن جاڭا شارالاردى قابىلداۋ قاجەت ەكەنىن ايتىپ ءوتتى. جيىن قورىتىندىسى بويىنشا جاڭا جول كارتاسى بەكىتىلدى. وعان باسەكەلەستىكتى جانە مەملەكەتتىك-جەكە سەرىكتەستىكتى ودان ءارى دامىتۋ بويىنشا كەشەندى ءىس-شارالار, سونداي-اق ەكولوگيا,ي ەڭبەك, جەر جانە ۆەتەريناريا سالالارىندا ۋاكىلەتتى ورگانداردىڭ تەكسەرۋلەردى تاعايىنداۋىنا قويىلاتىن تالاپتارىن قايتا قاراۋ بويىنشا نىسانالى جۇمىس ەنگىزىلەدى دەپ كۇتىلۋدە.
