تسيفرلاندىرۋ كەڭسەسىنىڭ باسشىسى د. ەگىزباەۆتىڭ ايتۋىنشا, «تسيفرلى قازاقستان» مەملەكەتتىك باعدارلاماسى اياسىندا جامبىل وبلىسىندا «سمارت-تاراز» جوباسى ىسكە اسىرىلىپ جاتىر. وعان نەگىزگى بەس باعىت بويىنشا: ءبىلىم بەرۋ, دەنساۋلىق ساقتاۋ, تۇرعىن ءۇي-كوممۋنالدىق شارۋاشىلىق, كولىك, اگروونەركاسىپتىك كەشەن جانە قاۋىپسىزدىك بويىنشا 20 جوبا كىرەدى.
دەنساۋلىق ساقتاۋ سالاسىندا وبلىس حالقىنىڭ 70%-ىندا ەلەكتروندى دەنساۋلىق پاسپورتى بولادى. ءتىپتى, بۇگىنگى كۇننىڭ وزىندە تاراز قالاسىنىڭ 34 مىڭ تۇرعىنى مەديتسينالىق قىزمەت الۋ ءۇشىن ارنايى قوسىمشانى قولدانادى. كەلەسى جىلعا قاراي پايدالانۋشىلار سانى 200 مىڭعا جەتپەك.
ءبىلىم بەرۋ جۇيەسىندە كومپيۋتەرلەرمەن جابدىقتالعان سىنىپتار سانى وسى جىلدىڭ 10 ايىندا 22%-دان 58,5%-عا دەيىن ءوستى. جىل سوڭىنا دەيىن 100% قامتۋ جوسپارلانىپ وتىر. جۇزەگە اسقان جوبالار اراسىندا «بالالاردى ءبىرىنشى سىنىپقا جانە مەكتەپكە دەيىنگى مەكەمەلەرگە قابىلداۋ قىزمەتتەرىن اۆتوماتتاندىرۋ» جوباسى بار, ال كەلەسى جىلى مەكتەپ سىنىپتارى ءۇشىن روبوتتاردى شىعارۋ جوباسى ىسكە قوسىلماق. اۋىلدىق كىتاپحانالار بازاسىندا 24 تسيفرلىق سىنىپ اشىلدى, جىل سوڭىندا مۇنداي ورتالىقتاردىڭ سانى 57-گە دەيىن كوبەيمەك. 2019 جىلدىڭ سوڭىنا قاراي تسيفرلى سىنىپتار 250 مىڭنان استام تۇرعىنى بار بارلىق ەلدى مەكەندەردە جۇمىس ىستەيتىن بولادى.
كولىك سالاسىندا بىرىڭعاي ديسپەتچەرلىك ورتالىق پەن اۆتوبۋس باعدارلارىنا ارنالعان ءموبيلدى قوسىمشا ەنگىزىلدى. كەلەسى جىلى ەلەكتروندىق اۆتوبۋس بيلەتتەرى ىسكە قوسىلادى.
تۇرعىن ءۇي-كوممۋنالدىق شارۋاشىلىعىن تسيفرلاندىرۋ تۇرعىسىندا بيىل وڭىردە قالالىق سۋمەن جابدىقتاۋ جۇيەسى اۆتوماتتاندىرىلعان. جىل سوڭىنا دەيىن «اقىلدى ورام» جوباسى باستاۋ الىپ, 315 كوپپاتەرلى تۇرعىن ءۇي «ە-شاڭىراق» بىرىڭعاي اقپاراتتىق جۇيەسىنە قوسىلادى. كەلەر جىلى كوممۋنالدىق قىزمەتتەر تولەمى ءۇشىن بىرىڭعاي ەسەپ ايىرىسۋ ورتالىعىن ەنگىزۋ جوسپاردا بار.
بيىل اوك-تە جايىلىمدار 100%-عا تسيفرلاندىرۋدان وتەدى. سونداي-اق, وبلىستا تالاس وزەنىنىڭ بويىندا سۋ رەسۋرستارىن باقىلاۋ جانە ءبولۋ جونىندەگى ورتالىق اشىلعان. 4 فەرما اقىلدى تەحنولوگيالار يگىلىگىن كورىپ ءجۇر. بولاشاقتا اكىمدىك 20 فەرمانى تولىق تسيفرلاندىرماق نيەتتە, ال 316-نا ءبىلىم تاراتۋ ورتالىقتارىنىڭ نەگىزىندە تسيفرلاندىرۋ ەلەمەنتتەرىن ەنگىزبەك.
پرەمەر-مينيسترگە اۋىلدىق جەرلەردە «تسيفرلىق سىنىپتار» جۇمىس ىستەيتىنى تۋرالى باياندالدى. ورتالىق ماماندارى تۇرعىندارعا ەلەكتروندى ۇكىمەت انىقتامالارىن الىپ بەرۋگە كومەكتەسەدى. ال, جىل سوڭىنا دەيىن اقپاراتتىق دەرەكقورلاردى بىرىكتىرۋ ارقاسىندا ولار بارلىق مەملەكەتتىك باعدارلامالار بويىنشا تولىق كەڭەس بەرۋ مۇمكىندىگىنە يە بولادى. قازىرگى تاڭدا 32 سىنىپ جۇمىس ىستەيدى, جىل سوڭىنا دەيىن تاعى 34-ءى ىسكە قوسىلادى. 2019 جىلى قوسىمشا 209 سىنىپ اشىلماق. قابىلدانعان شارالار وسى جىلدىڭ مامىر–قىركۇيەك ايلارىندا 182 مىڭ ادامنىڭ تسيفرلىق ساۋاتتىلىعىن ارتتىرۋعا مۇمكىندىك بەردى. جالپى كورسەتكىش 61%-دان 78,5%-عا دەيىن ءوستى.
بۇگىندە جامبىل وبلىسى تۇرعىندارىنىڭ 99%-ى ينتەرنەتپەن قامتىلعان, بۇل — 378 ەلدى مەكەننىڭ 347-ىندە ينتەرنەت بار دەگەن ءسوز. بيىل جانە كەلەسى جىلى ينتەرنەت جىلدامدىعى 4 مبيت/س-تان تومەن ەلدى مەكەندەردە جىلدامدىقتى ارتتىرۋ جۇمىسى اتقارىلىپ جاتىر. 2020 جىلى 250-دەن استام تۇرعىنى بار ەلدى مەكەننىڭ ءبارى ينتەرنەتكە قوسىلادى.
جەلتوقساننىڭ 1-ىندە جامبىل وبلىسىندا Astana Hub اT-ستارتاپتار حالىقارالىق تەحنوپاركىنە ۇقساس تاراز حابى ىسكە قوسىلادى. بۇل تۋرالى جوبا جەتەكشىسى ت. وماروۆ حابارلادى. ات-ورتالىق اتالمىش سالا ماماندارىنىڭ جاڭا بۋىنىن ءوسىرىپ, ولارعا روبوتتى تەحنيكا جانە ۆەب-باعدارلامالاۋدى ۇيرەتۋدى كوزدەيدى.
«ورتالىق بازاسىندا 2019 جىلدىڭ باسىنان باستاپ ينفورماتيكا, روبوتتى تەحنيكا جانە 3D مودەلدەۋ وقىتۋشىلارىن وقىتپاقپىز. “تسيفرلىق قازاقستان” باعدارلاماسى ارقاسىندا ءۇش ءبىلىم بەرۋ جوباسىن جۇزەگە اسىرامىز. ءبىرىنشىسى – بالاباقشالاردى اۆتوماتتاندىرۋدى كوزدەيتىن “اقىلدى بالاباقشا” جوباسى. ونىڭ ارقاسىندا جامبىل وبلىسىنىڭ بارلىق مەكتەپكە دەيىنگى ۇيىمدارى 100%-عا (508 ۇيىم) تەگىن اۆتوماتتاندىرىلعان. ەكىنشى جوبا – “اقىلدى مەكتەپ” دەپ اتالادى, ءبىرىنشى سىنىپ بالالارىن مەكتەپكە قابىلداۋعا ارنالعان جوبا بۇگىنگى تاڭدا 119 مەكتەپكە ەنگىزىلدى. قالعان 326 مەكتەپ 15 جەلتوقسانعا دەيىن اۆتوماتتاندىرىلادى. ءۇشىنشىسى – “اقىلدى كوللەدج” جوباسى, ول ارقىلى جامبىل وبلىسىنىڭ بارلىق كوللەدجدەرى اۆتوماتتاندىرىلادى», — دەدى ت. وماروۆ.
پرەمەر-مينيستر باقىتجان ساعىنتاەۆ, تسيفرلاندىرۋ سالاسىنداعى جوبالاردى ىسكە اسىرۋ كەزىندە ايماقتىڭ ەكونوميكالىق تيىمدىلىگىن ەسكەرۋدىڭ ماڭىزدى ەكەنىن اتاپ ءوتتى.
تسيفرلاندىرۋ بارىسىمەن ءىس جۇزىندە تانىسۋ ءۇشىن ات-ليتسەيدىڭ ۆەب-باعدارلامالاۋ جانە روبوتتى تەحنيكا سىنىپتارى تانىستىرىلىپ, وندا پرەمەر-مينيستر وڭىردە ءبىلىم بەرۋ قىزمەتتەرىنىڭ ساپاسىن جاقسارتۋ بويىنشا قابىلدانعان شارالار تۋرالى حاباردار بولدى. زاماناۋي تسيفرلىق تەحنولوگيالار مەن باعدارلامالار تسيفرلىق ەكونوميكاعا قاجەتتى داعدىلاردى وسكەلەڭ ۇرپاق بويىنا سىڭىرۋگە سەپتىگىن تيگىزەدى.
جامبىل وبلىسى اكىمدىگىنىڭ اقپاراتى بويىنشا اقپاراتتىق تەحنولوگيالارعا وقىتۋ ءىسى قالالىق ءارى اۋداندىق مەكتەپتەردە دە جۇرگىزىلىپ كەلەدى. بيىل وبلىستا 120 روبوتتى تەحنيكالىق سىنىپ اشىلعان. وبلىستىڭ بارلىق اۋدان ورتالىقتارىندا, سونداي-اق تاراز قالاسىندا اT-سىنىپتاردا قوسىمشا ساباقتار وقىتىلادى. بۇدان باسقا, تاراز تەحنيكالىق شىعارماشىلىق ورتالىعىندا روبوت قۇراستىرۋ ىسىمەن 100-گە جۋىق ستۋدەنت اينالىسادى.
