سەمينار-ترەنينگكە وبلىس اكىمىنىڭ ورىنباسارى اينا ءمىسىرالىموۆا, «نۇر وتان» پارتياسى وبلىستىق فيليالى توراعاسىنىڭ ءبىرىنشى ورىنباسارى عالىم بەكماعامبەتوۆ, وبلىستىق ىشكى ساياسات باسقارماسىنىڭ باسشىسى گۇلجانار شوكەەۆا, جەرگىلىكتى قۇقىق قورعاۋ جانە سوت ورگاندارىنىڭ, ءبىلىم بەرۋ, دەنساۋلىق ساقتاۋ جانە مادەنيەت مەكەمەلەرىنىڭ قىزمەتكەرلەرى, وقىتۋشىلار, ازاماتتىق قوعام ينستيتۋتتارىنىڭ, جاستار ۇيىمدارى جانە باق وكىلدەرى قاتىستى.
سەمينار-ترەنينگتە قازاقستان رەسپۋبليكاسىنداعى ادام قۇقىقتارىن قورعاۋدىڭ ۇلتتىق جانە حالىقارالىق جۇيەسى جان-جاقتى پىسىقتالىپ, قاتىسۋشىلار قوعامدا پايدا بولاتىن ەڭبەك جانە الەۋمەتتىك جانجالداردىڭ الدىن الۋ جانە ولاردى شەشۋ تەتىكتەرىمەن تانىستىرىلدى.
كوميسسيا مۇشەلەرى مەن ساراپشىلارى تاستەمىر ابىشەۆ, سۆەتلانا جاركەنوۆا, ولگا ۆولكوۆا ناقتى مىسالدارمەن تىڭداۋشىلارعا ادام قۇقىقتارى مەن بوستاندىقتارى تۋرالى عانا ەمەس, سونىمەن بىرگە ازاماتتاردىڭ مەملەكەت پەن قوعام الدىنداعى مىندەتتەرى تۋرالى دا ايتىپ بەردى.
ترەنينگ بارىسىندا تىڭداۋشىلار بۇۇ-نىڭ ادام قۇقىقتارى سالاسىنداعى باقىلاۋ فۋنكتسيالارىمەن, ادام قۇقىقتارى جونىندەگى حالىقارالىق كونۆەنتسيالارعا قاتىستى قۇرىلعان باقىلاۋ ورگاندارىنىڭ قۇزىرەتىمەن تانىسىپ, بۇۇ-نىڭ ءتيىستى كوميتەتتەرىندە ازاماتتاردىڭ جەكە شاعىمدارىن قاراۋ تەتىگىنە توقتالدى. سونداي-اق ەلباسىنىڭ بەس ينستيتۋتتىق رەفورماسى مەن بەس الەۋمەتتىك باستامالارى, حالىققا ارناعان بيىلعى جاڭا جولداۋى, ونى ىسكە اسىرۋ تەتىكتەرى, «رۋحاني جاڭعىرۋ» باعدارلاماسى اياسىندا قازاقستانداعى قوعامدىق سانانى جاڭعىرتۋدىڭ ەرەجەلەرى ەگجەي-تەگجەيلى تالقىلاندى.
بايقال ءبايادىل,
«ەگەمەن قازاقستان»
اقمولا وبلىسى
