ەلىمىزدە مەملەكەت باسشىسى نۇرسۇلتان نازارباەۆتىڭ «قازاقستاندىقتاردىڭ ءال-اۋقاتىنىڭ ءوسۋى: تابىس پەن تۇرمىس ساپاسىن ارتتىرۋ» اتتى جولداۋىنىڭ نەگىزگى ەرەجەلەرىن ءتۇسىندىرۋ جانە ونى قالاي جۇزەگە اسىرۋدى تالقىلاۋ جۇمىستارى جان-جاقتى جۇرگىزىلۋدە. جاقىن دا جارقىن كەلەشەكتەگى جۇمىستاردىڭ جاي-جاپسارى ەگجەي-تەگجەيلى ايتىلعان ەلباسىمىزدىڭ كوڭىلگە كوپ سەرپىلىس اكەلىپ, كوكەيگە تىڭ ويلار تۇيگىزىپ, جاڭا مۇمكىندىكتەرگە جول اشار بۇل جولعى جولداۋىنىڭ بىزگە – قازاقستاننىڭ ءاربىر ازاماتىنا ارتار جۇگى سالماقتى. ويتكەنى بۇل – مەملەكەت باسشىسى قويعان قوماقتى مىندەتتەردىڭ الدا اتقارىلۋى ءتيىس نەگىزگى باسىمدىقتارىن ايقىن بەلگىلەپ بەرگەن ستراتەگيالىق قۇجات. مۇنداعى ەلباسىنىڭ سەنىمگە تولى ءاربىر ءسوزى قاراپايىم حالىقتى قۋانتقان جاقسى جاڭالىقتار مەن جاعىمدى تالاپتاردان تۇرادى. ەڭ باستىسى, حالىق يگىلىگى ءۇشىن قوزعالعان الەۋمەتتىك تاقىرىپ.
وسى ورايدا ەلباسى جەرگىلىكتى بيۋدجەتتەن جەڭىلدەتىلگەن يپوتەكانىڭ العاشقى جارناسىن سۋبسيديالاۋ بويىنشا جان-جاقتى جۇمىس جۇرگىزۋدى تاپسىردى. مەملەكەت باسشىسى مالىمدەگەندەي, مۇنداي تۇرعىن ءۇي سەرتيفيكاتتارىن بەرۋ مۇعالىمدەر, دارىگەرلەر, پوليتسيا قىزمەتكەرلەرى جانە باسقا دا جەرگىلىكتى وڭىرلەرگە قاجەتتى ماماندىق يەلەرى ءۇشىن يپوتەكانىڭ قولجەتىمدىلىگىن ارتتىرا تۇسپەك. بۇل تۇرعىدا ەلىمىزدە العاشقى جارنانى ازايتۋ بويىنشا جۇمىستار باستالىپ تا كەتتى. وسىعان سايكەس, «7-20-25» باعدارلاماسىنا قاتىسۋعا نيەت بىلدىرگەن ازاماتتاردىڭ العاشقى جارناسىن ارزانداتۋ ءۇشىن جالپى سانى 50 مىڭ دانادان كەم ەمەس تۇرعىن ءۇي سەرتيفيكاتتارى شىعارىلاتىن بولىپتى. سوندا, قازاقستان حالقىنا ۇستىمىزدەگى جىلدىڭ اياعىنا دەيىن 10 مىڭداي سەرتيفيكات تاپسىرىلماق.
اقى تولەنبەيتىن قىرۋار جۇمىستارعا جەگىلىپ جاتقان مۇعالىمدەر مارتەبەسى تۋرالى زاڭ قابىلداۋ, وقۋشىنىڭ ءۇش اۋىسىمدا وقۋىنا جول بەرمەۋ تۋرالى, تولىپ جاتقان سپورت كەشەندەرىنىڭ حالىق يگىلىگى ءۇشىن جۇمىس ىستەپ, ولاردىڭ ءاربىر بالدىرعان ءۇشىن تەگىن بولۋىن, ساۋىقتىرۋ ورتالىقتارىنىڭ ءاربىر اۋلادا سالىنۋىن تاپسىرعان ەلباسىمىز «نازارباەۆ زياتكەرلىك مەكتەبى» ستاندارتىنىڭ ورتا مەكتەپتەردە دە قولدانىلۋىن, قولدا بار ينفراقۇرىلىم نەگىزىندە نازارباەۆ ۋنيۆەرسيتەت ۇلگىسىمەن پوليتەحنيكالىق جوعارى وقۋ ورنىن قۇرۋ تۋرالى, ەلىمىزدىڭ جوعارى وقۋ ورىندارىنا دەگەن حالىق سەنىمىن نىعايتۋ, ول ءۇشىن, ەڭ الدىمەن وقىتۋ مەن ءبىلىم ساپاسىن ارتتىرۋ, جوعارى ءبىلىمنىڭ قولجەتىمدىلىگىنە جاعداي تۋعىزۋ, ولاردى بىتىرگەن ستۋدەنتتەردى ماماندىقتارى بويىنشا جۇمىسقا ورنالاستىرۋ تۋرالى تالاپتاردى ورىندى كوتەردى.
شىنىندا دا جۇمىسقا تۇرۋعا جول اشپايتىن ديپلومنىڭ قاجەتى قانشالىقتى؟ ەڭبەككە ارالاسۋعا مۇمكىندىگى بولمايتىن بىلىمگەرلەرىنىڭ سانى سول جوعارى وقۋ ورنىنىڭ ساپاسىنىڭ دا ايقىن ايعاعى ەكەنى راس. سول سەبەپتى ءالسىز ءبىلىم وردالارى اشەيىن ءومىر ءسۇرۋىن توقتاتىپ, نارىق ەكونوميكاسىنا توتەپ بەرە الاتىن جوو-لار عانا ساقتالۋى ءتيىس.
ءبىلىم سالاسى عانا ەمەس, تكش, ينفراقۇرىلىمدار ساپاسى, دەنساۋلىق ساقتاۋ سالاسى جونىندە دە قولعا الىنىپ جاتقان شارالار جەتەرلىك. كەلەر جىلدان باستاپ جالاقىسى 20 پايىزعا ۇلعايتىلاتىن ۋچاسكەلىك مەديتسينالىق قىزمەتكەرلەر, جاپپاي يپوتەكانى الۋلارىنا ەندى مۇمكىندىك جاسالاتىن دارىگەرلەر, پوليتسەيلەر, مۇعالىمدەر قاۋىمى, كەزىندە ۋربانيزاتسيانىڭ قاۋىپتى تاسقىنىمەن بولاشاعى بۋالدىر تارتقان تۋعان مەكەنىن تاستاۋعا ءماجبۇر بولىپ, ۇلكەن قالالاردى پانالاعان شاراسىز جۇرت تا ەلباسى قامقورلىعىنا كوز جەتكىزۋدە. وتباسىلارعا ارنالعان جاتاقحانا تيپتەس كوپپاتەرلى ۇيلەر سالىناتىن بولىپ جاتىر. الماتى وبلىسىندا ەتتى سۇيەگىنە دەيىن وڭدەيتىن ءىرى زاۋىتتىڭ ىرگەتاسى قالانىپ, ىسكە قوسىلعالى جاتقان ءسۇيىنشى حابارىن ەلباسىنىڭ ءوز اۋىزىنان ەستىدىك. ەندەشە, ازىق-ت ۇلىكتى شەتتەن اكەلۋ دوعارىلىپ, سىرتقا شيكىزات ەمەس وندىرىلگەن ءونىمىمىزدى ساتىپ, وتانىمىزدا حالىقتىڭ تۇتىنۋىنا قولايلى تاۋارلار كوپتەپ شىعارىلىپ, ءوز ەلىمىزدەن شىققان وتاندىق كيىممەن ەمىن-ەركىن كيىنە باستايتىنىمىز كەرەمەت قوي.
زاڭگەرلەر مەن ءتارتىپ ساقشىلارىنىڭ دا ءىس-ارەكەتتەرىنە توقتالىپ, 2019 جىلعى 1 قاڭتاردان باستاپ شاعىن جانە ورتا بيزنەسكە «سالىق امنيستياسىن» جاريالاعان ەلباسىنىڭ ايتقانىنداي, دۇنيەجۇزىلىك بانكتىڭ «بيزنەس جۇرگىزۋ جەڭىلدىگى» جونىندەگى رەيتينگىسى بويىنشا قازاقستاننىڭ 190 ەلدىڭ ىشىندە 36-ورىنعا كوتەرىلگەنى زور قۋانىش. وسى جىلدار ىشىندە سانى 18 ميلليوننان اسىپ, ءومىر ءسۇرۋ ۇزاقتىعى 72,5 جاسقا جەتكەن حالقىمىزدىڭ دەنى ساۋ بولۋى ءۇشىن تاماق پەن ءدارى-دارمەكتىڭ, اۋىز سۋدىڭ ساپالى بولۋى, مۇمكىندىگى شەكتەۋلى جانداردىڭ كۇندەلىكتى قاجەتتەرىن وتەۋگە ۇدايى كومەك بەرىلۋى, ءبىلىم, عىلىم, مەديتسيناعا ىشكى جالپى ءونىمنىڭ 10 پايىزىنىڭ جۇمسالۋى باستى نازاردا ۇستالاتىندىعىن باسا ايتقان نۇرسۇلتان نازارباەۆ ءبىر بولىمدە وتىرعان ون ادامنىڭ ۇشەۋى عانا وندىرتە جۇمىس ىستەپ, قالعاندارىنىڭ ماڭداي تەرى توگىلمەي-اق جالاقى الاتىنى جايلى جايتتاردان دا قاراپايىم مىسالدار كەلتىردى. ەڭبەگىنە قاراي اقى تولەۋ جاقتارىن قاراستىرىپ, جۇمىستاردى وڭتايلاندىرۋ, ءىشىنارا قىسقارتۋ ءىسىن ۇيىمداستىرعاندا تۇركىستان وبلىسىنىڭ ءبىر وزىندەگى ەكى بىردەي مەكتەپكە ەكى ءتۇرلى باعا – جەر مەن كوكتەي ايىرماسى بار ەكى ءتۇرلى قۇن بەلگىلەنگەنىن قاتتى سىنعا الا وتىرىپ, فورماليزمگە ۇرىنباۋ كەرەكتىگىن قاتاڭ ەسكەرتتى.
ەلباسىنىڭ بيىلعى جولداۋىندا جاستارىمىزعا دا ۇلكەن كوڭىل بولگەنىنە كۋامىز. ەلباسى نۇرسۇلتان نازارباەۆ ولارعا ەرەكشە سەنىم ارتا وتىرىپ, بارلىعىنىڭ جاعدايىن جاساۋعا باسا نازار اۋدارادى. ەل پرەزيدەنتىنىڭ جىل سايىنعى جولداۋلارىنىڭ باسىم باعىتتارى جاستارمەن تىكەلەي بايلانىستى بولۋى, كەز كەلگەن مەملەكەتتىك ماڭىزى بار ستراتەگيالار مەن ماقالالارىندا, سوزدەرىندە اركەز وسكەلەڭ ۇرپاقتى تىلگە تيەك ەتۋى – سونىڭ ايقىن دالەلى. ءبىلىم جانە عىلىم مينيسترلىگىنىڭ جانىندا ەلباسىنىڭ تىكەلەي تاپسىرماسىمەن جاستار ساياساتى جونىندەگى كوميتەتتىڭ, جەرگىلىكتى جەرلەردە باسقارمالاردىڭ قۇرىلۋى, جاستار ساياساتى تۋرالى مەملەكەتتىك زاڭعا وزگەرىستەر مەن تولىقتىرۋلاردىڭ ەنگىزىلەتىندىگى, 2020 جىلعا دەيىنگى ارنايى تۇجىرىمدامانىڭ قابىلدانعانى – جاستاردى قاناتتاندىردى. ەلدىڭ بولاشاعى ولارعا بەرىلگەن تاربيەگە بايلانىستى. سوندىقتان بۇگىننىڭ وزىندە جاستارمەن جۇمىس ىستەيتىن مەملەكەتتىك ورگانداردىڭ بارىندە پرەزيدەنتتىڭ جاستار جىلى دەپ جاريالاۋى اياسىندا جۇرگىزىلەر جۇمىستاردىڭ جۇيەسى جوسپارلانۋدا.
جالپى, پرەزيدەنت جولداۋىنداعى مىندەتتەردى جۇزەگە اسىرۋعا ءبىر جارىم تريلليون تەڭگە اۋدارىلاتىنىن ەسكە الساق, بۇل – قازاقستاندىقتاردىڭ ءال-اۋقاتىن ارتتىرۋعا بارىنشا ءتيىمدى جۇمساۋىمىزدى قاجەت ەتەتىن ۇلكەن قاراجات. تەك قانا ىسكە ساتتىلىك تىلەيمىز.
ءۇمىت بيتەنوۆا,
اقىن, قازاقستان جازۋشىلار وداعىنىڭ مۇشەسى
