قازىرگى تاڭدا زامان تالابىنان تۋىنداعان وسى ءبىر قاجەتتىلىكتى 100 پايىزعا وتەپ, قوعام الدىندا ءوز ارتىقشىلىعىن تولىعىمەن مويىنداتقان نازارباەۆ زياتكەرلىك مەكتەپتەرى ون جىلدى ارتقا تاستاپ ۇلگەردى.
مەنىڭ نازارباەۆ زياتكەرلىك مەكتەپتەر جۇيەسىنە كەلىپ ەڭبەك ەتكەنىمە بەس جىلدىڭ ءجۇزى بولدى. وسى بەس جىل ون جەتى جىل پەداگوگيكالىق جۇمىس وتىلىمىمدەگى ەڭ جارقىن كەزەڭ بولعانىنا بەك سەنىمدىمىن. وقۋشىنى كوماندادا جۇمىس ىستەۋگە, ونىڭ سىني ويلاۋ قابىلەتىن دامىتۋعا, ءوز ءبىلىمى ءۇشىن جاۋاپكەرشىلىگىن ارتتىرىپ, باعالاۋ كريتەريلەرىن مۇعالىممەن بىرگە قۇرۋعا, العان ءبىلىمىن ءىس جۇزىندە قوعام يگىلىگىنە پايدالانۋعا مۇمكىندىك بەرەتىن بۇل ءبىلىم پلاتفورماسى تاۋەلسىز ەلىمىزدىڭ دامۋ تالاپتارىنا جاۋاپ بەرەتىن وزىق ۇلگىدەگى وقۋ ءۇردىسى ەكەنى ءشۇباسىز.
بيىلعى ەلباسى جولداۋىندا مەكتەپ ءبىلىمىن رەفورمالاۋدىڭ قورىتىندى كەزەڭى ءۇشىن نازارباەۆ زياتكەرلىك مەكتەپتەرىنىڭ وقىتۋ جۇيەسى مەن ادىستەمەسى مەملەكەتتىك مەكتەپتەردىڭ بىرىڭعاي ستاندارتىنا اينالۋى ءتيىس ەكەنى باسا ايتىلدى. مەن ەلباسىنىڭ ۇسىنىسىن تولىق قۇپتايمىن جانە ءوز تاراپىمنان نازارباەۆ زياتكەرلىك مەكتەپتەرىنىڭ تاجىريبەسىن مەملەكەتتىك ءبىلىم بەرۋ ۇلگىسىنە اينالدىرۋعا بار كۇش-جىگەرىمدى جۇمساۋعا دايىن ەكەنىمدى جەتكىزەمىن. ءبىز, نازارباەۆ زياتكەرلىك مەكتەپتەرىنىڭ مۇعالىمدەرى, ەلىمىزدىڭ جالپى ءبىلىم بەرۋ ۇدەرىسىن جاڭا فورماتقا كوشىرۋگە بەلسەندى تۇردە اتسالىسۋىمىز كەرەك. ياعني دەربەس مەملەكەتىمىزدىڭ جارقىن بولاشاعىنا جەتكىزەر جولداعى ەڭبەك مايدانىنىڭ ناق ورتاسىنان تابىلساق, قۇبا-قۇپ. بۇل رەتتە ناقتى قادامداردى كەزەڭ-كەزەڭىمەن جۇزەگە اسىرا وتىرىپ, نازارباەۆ زياتكەرلىك مەكتەپتەرى مۇعالىمدەرىنىڭ ءرولى ايقىندالاتىنىنا, ولارعا تاجىريبەسىن بولىسۋگە مۇمكىندىك بەرىلەتىنىنە قۋانىشتىمىن.
ينديرا نابيوللاقىزى,
استانا قالاسىنداعى حالىقارالىق مەكتەپتىڭ اعىلشىن ءتىلى پانىنىڭ مۇعالىمى
