قازاقستان • 08 قاراشا، 2018

سالانى تسيفرلاندىرۋ – قىزمەت كورسەتۋ ساپاسىن ارتتىرۋ كەپىلى

206 رەتكورسەتىلدى

مەديتسينالىق قىزمەت كورسەتۋ ساپاسىن ارتتىرۋعا بايلانىستى سالانى تسيفرلاندىرۋ، زاماناۋي تەحنولوگيالىق جەتىستىكتەرمەن جۇمىس ىستەۋ سالا ماماندارىنىڭ كۇندەلىكتى ءىس-تاجىريبەسىنە دەندەپ ەنىپ كەتتى.  

ددۇ دەرەكتەرى بويىنشا، الەم دارىگەرلەرىنىڭ 15 پايىزى ءوز تاجىريبەسىندە جاساندى ي­ن­تەللەكتىنى پايدالانادى. ال جاساندى ينتەللەكت تاجىريبەسىمەن الەمنىڭ الدىڭعى قاتارلى 15-تەن اسا مەملەكەتى جۇمىس ىستەيدى. وسى تۇرعىدان العاندا قازاقستان­دىق ماماندار ءۇشىن دە زاماناۋي جەتىستىكتەردى مولىنان يگەرەتىن كەزەڭ تۋدى. سەبەبى وتاندىق مەديتسينادا قاتەرلى ىسىك سياقتى قاۋىپ­تى اۋرۋلاردى ەرتە انىقتاۋدا كوپ­تەگەن قيىندىق كەزدەسۋدە. وعان دالەل رەتىندە قازاق ونكولوگيا جانە راديولوگيا عىلىمي-زەرتتەۋ ينستيتۋتى مالىمەتتەرى بويىنشا قاتەرلى ىسىكپەن ەسەپتە تۇرعان 180 مىڭعا جۋىق ناۋقاستىڭ جاعدايىن ايتساق تا جەتكىلىكتى. ال ەلىمىزدە قاتەرلى دەرتتەن جىلىنا 15 مىڭ ادام كوز جۇمادى. سوندىقتان مەديتسينا سالاسىن تسيفرلاندىرۋعا كوشىرۋدىڭ قاتەرلى ىسىكتى ەرتە انىق­تاۋ مەن دياگنوستيكالاۋداعى ماڭىزى زور. وسى رەتتە دەنساۋلىق ساقتاۋ مينيسترلىگى مەن IBM كومپانياسى ارىپتەستىك جونىندەگى مەمو­راندۋمعا قول قويىپ، اعىم­داعى جىلى قازاق ونكولوگيا جانە راديولوگيا عىلىمي-زەرتتەۋ ينس­تيتۋتىندا Watson for oncology جاساندى ينتەللەكتى جوباسىن ىسكە اسىرعاندىعىن ايتا كەتۋ قاجەت. مامانداردىڭ ايتۋىنشا، جاساندى ينتەللەكت قاتەرلى ىسىكتى ەرتە كەزەڭدە انىقتاۋ مەن ەمدەۋدە دارىگەر ءۇشىن تاپتىرماس كومەكشى بولا الادى. ءارى ميلليونداعان دەرەكتەردى تالداپ، ساراپتاۋعا مۇمكىندىگى زور. جاساندى ينتەللەكت روبوتتىڭ كومەگى ارقىلى بۇگىندە ەلىمىزدە 70 مىڭنان استام قاتەرلى ىسىك انىقتالعان ناۋقاستاردىڭ جاعدايىن جاقسارتۋعا مۇمكىندىك تۋىپ وتىر. 

دەنساۋلىق ساقتاۋ مينيسترلى­گى­نىڭ دەرەكتەرى بويىنشا، 2019 جىل­عا دەيىن ەلىمىزدەگى بارلىق دەن­ساۋ­لىق ساقتاۋ مەكەمەلەرى قاعازسىز مەدي­تسينا رەجىمىنە وتەدى. بۇگىندە ەمحا­نالارعا بەكىتىلگەن 1 951 338 ازامات ءموبيلدى قوسىمشا ارقى­لى دارىگەر كەڭەسىنە جۇگىنگەن. ەلى­مىز­دە تسيفر­لى ساۋاتتىلىقتى ارت­تىرۋعا بايلانىستى 546 تىرەك قۇرى­لىپ، 10،2 ملن ەلەكتروندى دەن­ساۋ­لىق كار­تاسى تولتىرىلعان. ال مەدي­تسي­نا­لىق مەكەمەلەر تولىق اق­پا­راتتىق جۇيەلەرمەن قامتا­ماسىز ەتىلگەن. 

الماتى قالاسى بويىنشا رەس­پۋب­ليكالىق ەلەكتروندى دەن­ساۋ­لىق ساقتاۋدى دامىتۋ ورتا­لىعى ديرەكتورىنىڭ ورىنباسارى ەربول دارحامباەۆتىڭ ايتۋىنشا، تسيفرلى جۇيە بۇگىندە الماتى قالاسىنداعى اۋرۋحانالار مەن ەمحانالاردا دا بەلسەندى تۇردە ەنگىزىلە باستادى. قالا تۇر­عىندارى جسن ارقىلى ەلەكترون­دى قىزمەت تۇرلەرىنە e-gov.kz نەمەسە telegram مەسسەندجەرى ار­قىلى تىركەلەدى. بۇل باعىتتا DamuMed ءموبيلدى قوسىمشاسى كومەككە كەلەدى. ياعني سمارتفون ارقىلى ەمحانادان وزىنە قاتىستى اقپارات الىپ، دارىگەر كەڭەسىنە قاشىقتىقتان جۇگىنۋ مۇمكىندىگى قاراستىرىلعان. سونىمەن قاتار دارىگەر كەڭەسىنە جۇگىنگەن كەز كەلگەن ازاماتتىڭ دەنساۋلىعى جايىن­داعى اقپاراتتار دا ەلەكترون­دى جۇ­يەگە ەنگىزىلگەن. اتالعان ءمو­بيل­­دى قو­سىم­شانىڭ قىزمەت ايا­سى ال­داعى ۋاقىتتا تاعى دا تولىقتىرىلادى. 

بۇگىندە وڭتۇستىك استاناداعى مەديتسينالىق مەملەكەتتىك مەكەمە­لەردىڭ 74-ءى تولىقتاي اقپاراتتىق جۇ­يەمەن قامتاماسىز ەتىلدى. جاڭا تەح­نولوگيالىق مۇمكىندىكتەردى يگە­رۋگە بايلانىستى دارىگەرلەر تو­لىق بىلىكتىلىكتەن ءوتتى دەۋگە نەگىز بار. سەبەبى ەلىمىزدىڭ مەديتسينا سال­ا­سىنا دەندەپ ەنگەن تسيفرلاندىرۋ ناتيجەسىنە وراي دارىگەردى ۇيگە شاقىرۋ، دارىگەر كەڭەسىنە جاز­ىلۋ، جەدەل جاردەم قىزمەتىنە جۇ­گىنۋ، ت.ب. سالالاردى اقپاراتتىق جۇيە­لەرسىز ەلەستەتۋ مۇمكىن ەمەس ءارى بۇل جۇيە سالا ماماندارىنان جو­عارى بىلىكتىلىكتى تالاپ ەتەدى. سون­داي-اق زەرتحانالىق ساراپ­تاما­­­لار­دى جەتىلدىرۋگە بايلانىستى PACS (تسيفرلى رەنتگەن) جۇيە­­سىن ەنگىزۋ جۇمىستارى جولعا قويىلۋدا. 

قازىرگى كەزدە ەلىمىزدىڭ بار­لىق وڭىرىندە جۇرتشىلىقتى اقپارات­تاندىرۋ ماسەلەسى جولعا قويىلىپ كەلەدى. وسى ورايدا سكرينينگ جۇيەلەرىنىڭ تيىمدىلىگىن اتاپ ءوتۋ قاجەت. ياعني، سكرينينگ ءوتۋ ءۇشىن حابارلاما جىبەرۋ دە اقپاراتتىق جۇيەلەرگە جۇكتەلگەن. 

الماتى قالاسىندا 15 قىر­كۇيەك­تەن 15 قاراشاعا دەيىن قالا ەم­حانالارىنا ەركىن تىركەلۋ جۇر­گىزىلۋدە. سونداي-اق جسن ارقىلى جاڭا تۋعان سابيلەردى دە ەلەكتروندى تىركەۋ مۇمكىندىكتەرى قاراس­تىرىلعان. ەڭ باستىسى، ەلىمىزدە جۇرگىزىلىپ جاتقان تسيفرلاندىرۋ شارالارى كەز كەلگەن ازاماتتان زامان كوشىنەن قالماي، ءوز دەن­ساۋ­لى­عىنا قىراعى بولۋدى تالاپ ەتەدى.

ەلۆيرا سەرىكقىزى،

«ەگەمەن قازاقستان»

الماتى

سوڭعى جاڭالىقتار

مارقاكولدە كۇزەت كۇشەيتىلدى

ايماقتار • بۇگىن، 10:41

پورترەت (ۇشتاعان)

ادەبيەت • بۇگىن، 08:51

ءار ادام – جەردىڭ تۇتىنۋشىسى

ەكولوگيا • بۇگىن، 08:48

وسىنداي ەلىم بار!

پىكىر • بۇگىن، 08:42

ءار ەلدىڭ ءوز دامۋ جولى بولادى

ساياسات • بۇگىن، 08:40

بايلامى بەكەم ءباتۋالى ءسوز

ساياسات • بۇگىن، 08:37

كەي وڭىردە ۆيرۋس ءورشي ءتۇستى

كوروناۆيرۋس • بۇگىن، 08:24

«مەنىڭ تۋىم» اكتسياسى ءوتتى

ايماقتار • بۇگىن، 08:09

ەلىمىزدىڭ باستى قۇندىلىقتارى

ساياسات • بۇگىن، 08:06

شارالار قاتاڭ ساقتالۋى ءتيىس

تەننيس • بۇگىن، 08:04

«بارىس» – ۇزدىكتەر قاتارىندا

حوككەي • بۇگىن، 08:03

ۇشتى، ۇشتى، شاتىر ۇشتى!..

قوعام • بۇگىن، 07:56

الماتىدا اقىن كوپ...

ادەبيەت • بۇگىن، 07:44

«اقبىلەك». جان جاراسى...

ادەبيەت • بۇگىن، 07:42

شۇعىلا-نۇردى بەتكە الىپ...

رۋحانيات • بۇگىن، 07:38

ابايعا ارنالعان ءمۇشايرا

اباي • بۇگىن، 07:36

ۇقساس جاڭالىقتار