شارا بارىسىندا, ادەتتەگىدەي, استانا اكىمىنىڭ ورىنباسارى ەرمەك امانشاەۆ كونكۋرسانتتارعا ساتتىلىك تىلەپ, ەلوردا باسشىلىعىنىڭ اتىنان بايقاۋدى دايىنداپ, ۇيىمداستىرعاندارعا, سونداي-اق قازىلار القاسىنىڭ مۇشەلەرى مەن قوناقتارعا – تىعىز جۇمىس كەستەلەرىنە قاراماستان ۋاقىت تاۋىپ, «شابىت» فەستيۆالىنە كەلگەن تانىمال ونەر شەبەرلەرىنە العىسىن ءبىلدىردى.
- مەملەكەت باسشىسى قازاقستاندىق جاستاردىڭ شىعارماشىلىعىن دامىتۋعا ايىرىقشا كوڭىل بولەدى. جاقىندا حالىققا جولداۋىندا رەسپۋبليكا پرەزيدەنتى نۇرسۇلتان ءابىش ۇلى نازارباەۆ كەلەسى جىلدى جاستار جىلى دەپ جاريالادى. بۇگىندە جەر-جەرلەردە جانە مەملەكەتتىك دەڭگەيدە, استانا اكىمدىگىنىڭ دەڭگەيىندە ۇلكەن كەشەندى باعدارلاما ازىرلەنۋدە, وندا جاستاردى, ونىڭ ىشىندە ەلىمىزدىڭ جانە ەلوردامىزدىڭ شىعارماشىل جاستارىن قولداۋدىڭ ءتۇرلى شارالارى قاراستىرىلادى. وسىمەن, «شابىت» 21-رەت وتكىزىلىپ وتىر. فەستيۆال ەلوردامىزبەن بىرگە دۇنيەگە كەلىپ, بىرگە جاساپ, وركەندەپ كەلەدى, شىعارماشىلىق پەن ونەر شىڭدارىن باعىندىرۋدا. جىل سايىن كوزدەرىندە وت ويناعان, سوزدەرىندە جالىن بار جاس تالانتتارىمىزدى قارسى الامىز, - دەدى ەرمەك امانشاەۆ.
ءسوز سوڭىندا ەلوردا باسشىسىنىڭ ورىنباسارى «شابىت» شىعارماشىل جاستار فەستيۆالىنىڭ نەگىزىن قالاۋشىلاردىڭ ءبىرى قر ەڭبەك سىڭىرگەن قايراتكەرى تولەگەن مۇحامەدجانوۆ پەن پروفەسسور, ونەر ۋنيۆەرسيتەتىنىڭ رەكتورى. ولاردى ەل ىشىندە اۋقىمدى بايقاۋدىڭ «اتا-اناسى» دەپ اتاپ كەتكەن.
- استانانىڭ جانە ءبىزدىڭ ۋنيۆەرسيتەتىمىزدىڭ 20 جىلدىعى اتاپ وتىلەتىن جىلى فەستيۆال 21-رەت وتكىزىلمەك. بايقاۋدىڭ بارشا الەم بويىنشا تابىنۋشىلارى بار, ونىڭ لاۋرەاتتارى مادەنيەت قايراتكەرلەرى اتانىپ ءجۇر دەپ زور ماقتانىشپەن, قۋانا ايتا الامىز, - دەدى ايمان قوجابەكقىزى. ول كونكۋرسانتتارعا جوعارى دەڭگەيدە ونەر كورسەتۋدى تىلەدى.
تولەگەن مۇحامەدجانوۆ فەستيۆالدىڭ پايدا بولعان تاريحىنا توقتالدى. 20 جىل بۇرىن قازاقستان پرەزيدەنتى ونىڭ ۇسىنعان يدەياسىن قولداپ, بايقاۋدى ءوز قامقورلىعىنا العان.
- نۇرسۇلتان ءابىش ۇلى ءبىرىنشى فەستيۆالدى ءوزى اشتى, زالدا وتىرىپ, قاتىسۋشىلاردى قوشەمەتتەدى. سوندىقتان فەستيۆالدىڭ باستاماسى جاقسى بولدى, بۇگىن دە وسى جولدان تايماي كەلەدى. ءبىر كەزدەرى ونەر كورسەتكەن جاستار قازىر 40-تان استى, كەيبىرى 50-گە كەپ قالدى. كەيبىرى بۇگىن قازىلار القاسىنىڭ قۇرامىندا وتىر, ەندى سىزدەردىڭ ونەرلەرلەرىڭىزدى باعالايدى. ساباقتاستىق دەگەن وسى, بۇل ۇرپاقتان-ۇرپاققا بەرىلەتىن ەستافەتانىڭ سيمۆولى دەۋگە بولادى. جاستارعا ءوز ونەرلەرىن جارقىن, باتىل كورسەتۋلەرىن جانە ساتتىلىك پەن باقىت تىلەيمىن! – دەدى تولەگەن مۇحامەدجانوۆ.
«شابىت» فەستيۆالىنىڭ سالتاناتتى اشىلۋى بيىلعى نوميناتسيالار بويىنشا باسەكەگە تۇسەتىن كونكۋرسانتتاردىڭ ونەر كورسەتۋىمەن جالعاستى. حالىقارالىق كونكۋرستاردىڭ جەڭىمپازدارى مەن لاۋرەاتتارى اسلانا گۋماروۆا, نۇراي مىقتى, «باستاۋ» دۋەتى, سونداي-اق, ۆيتەبسكىدە «سلاۆيان بازارى-2018» بايقاۋىنىڭ التىن جۇلدەسىن العان, امىرە اتىمەن تانىمال بولعان ەرنار سادىرباەۆ ءوز ونەرلەرىن ورتاعا سالدى. كونتسەرت سوڭىندا ساحناعا قايرات باەكەنوۆ پەن «فورمات» توبى شىقتى. ايتا كەتەيىك, ۇجىم سوليستەرى دە فەستيۆال لاۋرەاتتارى بولىپ تابىلادى.
ۇستىمىزدەگى جىلى بايقاۋعا قاتىسۋعا 613 ادام نيەت ءبىلدىردى. ولاردىڭ باسىم بولىگى استانانىڭ نامىسىن قورعايدى. جىلدان جىلعا قاتىسۋشىلار گەوگرافياسى كەڭەيسە, قازىلار القاسى مۇشەلەرىنىڭ سانى ارتۋدا. كونكۋرسانتتار اراسىندا بارشا قازاقستاننىڭ جاستارى, سونىمەن قاتار رەسەي, بەلارۋس, ۋكراينا, گرۋزيا, يزرايل, باشقۇتستان, قىرعىزستان, ازەربايجان, وزبەكستان مەملەكەتتەرىنىڭ دە وكىلدەرى بار.
ەسكە سالايىق, بايقاۋ باعدارلاماسىنا 5 نەگىزگى نوميناتسيا ەنگەن: كلاسسيكالىق مۋزىكا, حالىق مۋزىكاسى, ەسترادالىق ۆوكال, حورەوگرافيا, جۋرناليستيكا.
كەيبىر نوميناتسيالار سەكتسيالارعا بولىنەدى, ولاردىڭ ارقايسىسىندا نەگىزگى جۇلدەلى ورىندار مەن گران-پريدەن باسقا, تانىمال ونەر قايراتكەرلەرىنىڭ قۇرمەتىنە ارنايى اتاۋلى ديپلومدار دا قاراستىرىلعان.
- جىل سايىن 10-20 نوميناتسيادان وتكىزۋ وتە قيىن. سوندىقتان, ولاردى وزگەرتىپ وتىرۋ تۋرالى شەشىم قابىلدادىق. بيىلعى بايقاۋدىڭ ەرەكشەلىگى سوڭعى رەت 2011 جىلى بولعان جۋرناليستيكا نوميناتسياسىنىڭ ەنگىزىلگەندىگى. بيىل ونى قايتا قوستىق. قاتىسۋشىلار مەن قازىلار القاسىنىڭ مۇشەلەرىنىڭ گەوگرافياسى ءارتۇرلى. قازىلار القاسىنىڭ قۇرامىندا, رەسەي, ۋكراينا, قىرعىزستان سياقتى كورشى مەملەكەتتەردىڭ, اۆستريا, گەرمانيا, گرۋزيا, ماكەدونيا, يزرايل, شەشەنستان رەسپۋبليكاسىنىڭ كورنەكتى مادەنيەت قايراتكەرلەرى دە بار. بايقاۋ تۋرالى تورتكۇل دۇنيەدە بىلەدى, - دەدى استانا اكىمدىگىنىڭ مادەنيەت جانە سپورت باسقارماسى باسشىسىنىڭ ورىنباسارى ناريما مۇحامبەتالينا.
