اۋىل • 06 قاراشا، 2018

مەملەكەت پەن جەكەمەنشىك اراسىنداعى ناتيجەلى بايلانىس

252 رەتكورسەتىلدى

مەملەكەت پەن جەكەمەنشىك سەكتور اراسىنداعى ارىپتەستىك بايلانىس نىعايعان سايىن ناتيجەلى جۇمىستار سانى دا ارتىپ كەلەدى. اسىرەسە ايماقتارداعى ەكى جاقتى قارىم-قاتىناستىڭ جەمىسىن ەل كورىپ وتىر.  

مىسالعا، الماتى وبلىسىندا 2016-2019 جىلدار ارالىعىندا جالپى سوماسى 220،5 ملرد تەڭگە بولاتىن 41 جوبانى ىسكە اسىرۋ جوسپارلانعان بولسا، بۇگىندە 8،7 ملرد تەڭگەنى قۇرايتىن 12 جوبا ءساتتى جۇزەگە اسىرىلعان. ياعني، بۇل جوبالاردىڭ بارلىعى ءوڭىر تۇرعىندارىنىڭ يگىلىگىنە قىزمەت ەتۋدى باستادى دەگەن ءسوز. زەردەلەپ قاراساق، وبلىستاعى مەملەكەت پەن جەكە سەكتور اراسىندا جۇزەگە اسا باستاعان جوبا­لاردىڭ باسىم بولىگىن اۋىل شارۋا­شىلىعى مەن ءبىلىم بەرۋ سالاسىنا بايلانىستى قول قويىلعان كەلىسىمشارتتار قۇرايدى ەكەن. بۇل – قوس تاراپتىڭ قول جەتكىزگەن ۋاعدالاستىعىنىڭ ناتيجەسىندە جاڭادان سالىناتىن قۇرىلىس نىساندارى مەن باعدارلامالىق باستامالاردىڭ ناعىز سۇرانىسقا يە ءارى دەمەۋدى قاجەت ەتەتىن سالالارعا باعىتتالعانىن بىلدىرەدى.

– مەملەكەت باسشىسى نۇرسۇلتان نازارباەۆ بيىلعى جولداۋىندا ەلىمىز­دىڭ كاسىپكەرلەرىن ءوڭىردى دامىتۋعا اتسا­لىسۋعا شاقىردى. بۇل – وتانشىل ازامات­تاردىڭ پارىزى. ال مەملەكەت پەن بيزنەس اراسىنداعى بايلانىس ۇلكەن جوبالار­دى بىرىگىپ جۇزەگە اسىرۋعا كەڭ جول اشىپ وتىر. قازىر قارجىسى بار كاسىپ­كەر ەكىجاقتى ارىپتەستىك اياسىندا ايماقتان كاسىپورىن، مەكتەپ، بالاباقشا، باسقا دا الەۋمەتتىك نىسانداردى سالۋ­عا، قۇرىلىسىن قارجىلاندىرۋعا قاتىسۋ­عا ىنتالى. بۇل جەردە ەلىمىزدىڭ «مەم­لەكەتتىك-جەكەشەلىك ارىپتەستىك تۋرالى» زاڭىنا ەنگىزىلگەن وزگەرتۋلەر مەن تولىق­تىرۋلاردىڭ ناتيجەسىن اتاپ ايتۋىمىز كەرەك. زاڭدا جوبالاردى جوسپارلاۋدىڭ بىرقاتار ۇردىستەرى وڭتايلانعان. مىسالى، بۇرىن جوسپارلاۋ ءۇردىسى 5 كەزەڭنەن تۇرسا، قازىر ول جەڭىلدەتىلىپ، 3 كەزەڭگە دەيىن قىسقاردى. ونىڭ ىشىندە ينۆەستيتسيالىق ۇسىنىسقا ساراپتاما جۇرگىزۋ، كونكۋرس­تى وتكىزۋ مەن كەلىسىمشارتتى ازىرلەۋ كەزەڭدەرى جەدەلدەتىلىپ، بيۋروكراتيا جويىلدى. ناتيجەسىندە مەملەكەت پەن جەكە كاسىپكەر اراسىنداعى بايلانىستى زاڭداستىرۋعا كەتەتىن جارتى جىل مەرزىمى 3 ايعا دەيىن قىسقاردى. وسى جەڭىلدىكتەر جەكە كاسىپكەردىڭ وڭىرگە ينۆەستيتسيا سالۋعا دەگەن ىنتاسى مەن سەنىمىن ارتتىردى، دەيدى «اتامەكەن» ۇلتتىق كاسىپ­كەر­لەر پالاتاسىنىڭ جوبالاردى سۇيەمەلدەۋ ءبولىمىنىڭ باسشىسى دانا جامبولاتوۆا.

وتكەن جىلى وسى كاسىپكەرلەر پالاتا­سى­نىڭ تىكەلەي ارالاسۋىمەن قۇنى 6،6 ملرد تەڭگە بولاتىن 4 جوبا ىسكە اسى­رىل­عان ەكەن. ارىپتەستىك اياسىندا قاراساي اۋدانىندا بىرەشە نىسان اشىل­دى. ونىڭ العاشقىسى 150 ورىنعا لايىق­تالعان  بالالار باقشاسى بولسا، ەكىن­شىسى كوپسالالى «وليمپ» زەرتحانا­سى. بۇل كەشەندە مەديتسينالىق اقپا­رات­­تىق جۇيە قۇراستىرىلىپ، مەديتسينا ماماندارى مەن جەدەل جاردەم جۇرگىزۋشىلەرىنىڭ كاسىبي بىلىكتىلىگىن ارتتىرۋ جانە جۇمىس پروتسەستەرىن اۆتوماتتاندىرۋ ءبىر ورتالىقتان باسقارىلادى. ناتيجەسىندە اۋدان تۇرعىندارىنىڭ دەن­ساۋلىعىن ساقتاۋعا قاتىستى جۇمىستا ىل­گە­رى­لەۋشىلىك بولدى. ال مەكتەپكە دە­يىن­­گى تاربيەمەن قامتۋ ءىسى بارلىق ءوڭىر ءۇشىن وزەكتى بولعاندىقتان، جەكەمەنشىك بالاباقشالاردىڭ اشىلۋى ەشقاشان كوپتىك ەتپەيدى. 

جالپى الماتى وبلىسىنداعى مەم­لە­كەت پەن جەكەمەنشىك اراسىنداعى ارىپتەستىكتى دامىتۋدىڭ ناتيجەسىندە جەكەمەنشىك بالاباقشالار ۇلەسى 70 پايىزعا جەتكەن ەكەن. ال وتكەن ءبىر جىل ىشىندە جەكە ينۆەستورلاردىڭ مەكتەپكە دەيىنگى ءبىلىم بەرۋ باعىتىنا سالعان قارجىسى 1،7 ملرد تەڭگەنى قۇراپ وتىر. وسىلايشا جەتىسۋدا مەملەكەت پەن جەكەمەنشىك اراسىنداعى ارىپتەستىكتى جۇزەگە اسىرۋ بەلسەندى  جالعاسۋدا. بۇل ماق­ساتقا 2018-2019 جىل ىشىندە عانا 50،5 ملرد تەڭگە ءبولۋ جوسپارلانىپ، ول قار­جىعا 31 جوبا جۇزەگە اسۋى ءتيىس. 

ەكىجاقتى كەلىسىمنىڭ نەگىزىندە اشىلىپ جاتقان نىسانداردىڭ ءبىر قاتارىن بۇقارالىق سپورتتى دامىتۋعا ارنالعان دەنە شىنىقتىرۋ-ساۋىقتىرۋ  ورىندارى قۇرايدى. ماسەلەن، قازىر وڭىردە 3 مىڭنان استام سپورتپەن شۇعىلدانۋشىعا ارنالعان زال جانە بالالار مەن جاسوسپىرىمدەردىڭ 37 سپورت مەكتەبى قىزمەت كورسەتۋدە. بۇلاردىڭ دەنى جەكەمەنشىك سەكتوردىڭ قاتىسۋىمەن جۇزەگە اسقان جوبالار. ەل يگىلىگىن كورىپ وتىر­عان سپورت ينفراقۇرىلىمىنىڭ قاتارى ءالى دە تولىعۋدا. بۇعان دەيىن جامبىل، ەڭبەكشىقازاق، كەربۇلاق جانە الاكول اۋداندارىندا جالپى سانى 4 دەنە شىنىقتىرۋ-ساۋىقتىرۋ كەشەنىنىڭ قۇرى­لىسى تولىقتاي اياقتالسا، قاراساي اۋد­ا­نىنداعى قاسكەلەڭ قالاسى مەن شامال­عان اۋىلىندا، تالعار قالاسىندا، كەگەن اۋدانىنىڭ كەگەن اۋىلىندا، اقسۋ اۋدانىنىڭ جانسۇگىروۆ كەنتىندە سپورت­تىق كەشەندەر قۇرىلىسى ءجۇرىپ جاتىر. 

سونداي-اق جوسپار بويىنشا 2019-2021 جىل ارالىعىندا الاكول اۋدانى دوستىق اۋىلىندا، ەسكەلدى اۋدانىنىڭ قارا­بۇلاق كەنتىندە، رايىمبەك اۋدانى­نىڭ نارىنقول اۋىلىندا، بالقاش اۋدانىنىڭ باقاناس اۋىلىندا، ىلە اۋدانىنىڭ بايسەركە اۋىلىندا، كوكسۋ اۋدانىنىڭ بالپىق بي كەنتىندە دە دەنە شىنىقتىرۋ-ساۋىقتىرۋ كەشەندەرى مەملەكەتتىك-جەكەشەلىك ارىپتەستىك اياسىندا سالىناتىن بولادى.

قالماحانبەت مۇقامەتقالي،

«ەگەمەن قازاقستان»

الماتى وبلىسى

سوڭعى جاڭالىقتار

ەلىن ورگە سۇيرەيتىندەر

رۋحانيات • بۇگىن، 07:06

باس قالا اۋەجايىنىڭ كودى وزگەردى

قازاقستان • بۇگىن، 06:59

تورىمىزدە تۇرۋى ءتيىس

اباي • بۇگىن، 06:46

ۇلى مۇرا – ۇلت مۇراتى

اباي • بۇگىن، 06:42

تۇتقاداعى تازالىق

قوعام • بۇگىن، 06:33

تاسقىنعا مونيتورينگ جۇرگىزىلدى

ايماقتار • بۇگىن، 06:31

جامان ىندەت جانازا كەزىندە جۇققان

كوروناۆيرۋس • بۇگىن، 06:27

جۇمىسسىزدار قولداۋعا مۇقتاج

پارلامەنت • بۇگىن، 06:25

ۇقساس جاڭالىقتار