06 قاراشا، 2018

ءۇش جىلدىق بيۋدجەت تانىستىرىلدى

180 رەتكورسەتىلدى

پارلامەنت سەناتىندا 2019-2021 جىلدارعا ارنالعان رەس­­پۋب­ليكالىق بيۋدجەتتى قالىپتاستىرۋعا ارنالعان زاڭ جوبالارىنىڭ توپتاماسى قارالدى، دەپ حابارلادى سەناتتىڭ ءباسپاسوز قىزمەتى.

ۇلتتىق ەكونوميكا ءمينيس­ترى­نىڭ ءبىرىنشى ورىنباسارى رۋس­لان دالەنوۆ ەلىمىزدىڭ 2019-2023 جىلدارعا ارنالعان الەۋمەت­تىك-ەكونوميكالىق دامۋ بولجا­مى جانە «قازاقستان رەسپۋ­ب­لي­كاسىنىڭ ۇلتتىق قورىنان 2019-2021 جىلدارعا ارنالعان كەپىل­دەندىرىلگەن ترانسفەرت تۋرالى» زاڭ جوباسىن سەناتورلارعا تانىستىردى. 
بايانداماشىنىڭ ايتۋىنشا، الداعى كەزەڭگە الەۋمەتتىك-ەكو­نو­ميكالىق دامۋ بولجامىن قا­لىپتاستىرۋدىڭ نەگىزىنە مۇناي­دىڭ باعاسى باررەلىنە 60 اقش دوللار دەڭگەيىندە بولاتىن ستسەناري قابىلداندى. ىشكى جالپى ءونىم 2019 جىلى 3،9 پايىز دەڭگەيىندە بولىپ، 2023 جىلعا 4،6 پايىزعا دەيىن ءوسۋى بولجانىپ وتىر. ىشكى جالپى ءونىمنىڭ جىلدىق ورتاشا قارقىنى 4،2 پايىزدى قۇرايدى. ءىجو-ءنىڭ نومينالدى كورسەتكىشى 2019 جىلى 64 145،7 ميلليارد تەڭگەدەن 2023 جىلعا 86 944،7 ميلليارد تەڭگەگە دەيىن وسەدى. ءىجو 2019 جىلى جان باسىنا شاق­قاندا 9،9 مىڭ اقش دوللارىن قۇرايدى، 2023 جىلعا 12،9 مىڭ دوللارعا ۇلعايادى. 
ۇلتتىق قوردان رەسپۋب­لي­كالىق بيۋدجەتكە بەرىلەتىن كەپىلدەندىرىلگەن ترانسفەرت مول­شەرىن 2019 جىلى – 2 450 ملرد تەڭگە، 2020 جىلى – 2 300 ملرد تەڭگە، 2021 جىلى – 2 000 ملرد سوماسىندا بەلگىلەۋ قاراستىرىلۋدا.
2019-2021 جىلدارعا بەل­گى­لەنگەن ۇلتتىق قوردان كەپىل­دەن­دىرىلگەن ترانسفەرتتىڭ مولشەرلەرى ۇلتتىق قورداعى قاراجاتتىڭ ءتيىستى قارجى جىلىنىڭ سوڭىنا ىشكى جالپى ءونىمنىڭ بولجامدى مانىنەن 30 پايىز مولشەرىندە تومەندەمەيتىن قالدىق بويىنشا شارتتىڭ ورىندالۋىن قامتاماسىز ەتەدى.
ۇلتتىق بانك توراعاسىنىڭ ورىنباسارى الپىسباي احمەتوۆ ەلىمىزدىڭ اقشا-نەسيە ساياساتى تۋرالى بايانداما جاسادى. قارجى رەتتەۋشىسىنىڭ مىندەتى ينفلياتسيانى بىرتىندەپ 4 پايىزدان تومەن دەڭگەيگە دەيىن تومەندەتۋ، بۇل سالىستىرمالى دەڭگەيدە دامىپ جاتقان ەلدەرگە ءتان ەكەندىگى تۋرا­لى ايتىلدى. 2018 جىلعى 10 اي­دا ينفلياتسيا 3،7 پايىزدى قۇر­دى. جىلدىق ينفلياتسيا 2018 جىل­دىڭ قازانىندا وتكەن جىلدىڭ اياعىنداعى 7،1 پايىزبەن سالىس­تىر­عاندا 5،3 پايىزعا دەيىن تومەن­دەدى. بۇل – 2015 جىلدىڭ قازانىنان باستاپ ەڭ تومەن كورسەتكىش.
ەلىمىزدىڭ قارجى ءمينيسترى ءالي­حان سمايىلوۆ سەناتورلارعا «2019-2021 جىلدارعا ارنالعان رەسپۋبليكالىق بيۋدجەت تۋرالى» زاڭ جوباسىن تانىستىردى. 
بايانداماشى اتاپ وتكەندەي، ءۇش جىلدىق رەسپۋبليكالىق بيۋدجەتتىڭ ءتۇسىمى 2019 جىلى – 9،8 ترلن تەڭگە، 2020 جىلى – 10 ترلن تەڭگە، 2021 جىلى – 10،5 ترلن تەڭگەنى قۇرايدى. رەسپۋبليكالىق بيۋدجەتتىڭ شىعىستارى 2019 جىلى 10،7 ترلن تەڭگە، 2020 جىلى – 11،1 ترلن تەڭگە، 2021 جىلى – 11،4 ترلن تەڭگە بولادى. بيۋدجەت تاپشىلىعى 2019 جىلى – 945 ملرد تەڭگە، 2020 جىلى – 998 ملرد تەڭگە، 2021 جىلى – 936 ملرد تەڭگەنى قۇرايدى. 
ءمينيستردىڭ ايتۋىنشا، رەسپۋبليكالىق بيۋدجەتتىڭ جوباسى 2019 جىلى 1،5 پايىزدان 2021 جىلعا قاراي 1،3 پايىزعا دەيىن ءىجو-ءنىڭ بيۋدجەت تاپشىلىعىن تومەندەتۋ ەسەبىنەن قارىزدى قاۋىپسىز دەڭگەيدە ۇستاپ تۇرۋ مىندەتىن قامتاماسىز ەتەدى. 

سوڭعى جاڭالىقتار

انا ءتىلى – ارىڭ بۇل...

رۋحانيات • كەشە

اباي مۇراسى ماڭگىلىك

اباي • 22 اقپان، 2020

قىلمىستىق ءىس قوزعالدى

ايماقتار • 22 اقپان، 2020

ماڭعىستاۋدا «ANTIKOR ORTALYGY» اشىلدى

رۋحانيات • 22 اقپان، 2020

تەننيس: ەلەنا رىباكينا فينالدا

تەننيس • 22 اقپان، 2020

باستى اقپارات (21.02.2020)

ۆيدەو • 21 اقپان، 2020

ۇقساس جاڭالىقتار