جالاعاشتا «اقبالا» تىگىن تسەحىنىڭ جۇمىس جاساپ تۇرعانىنا ون جىلدىڭ ءجۇزى بولعان. تسەحتى ىسكە قوسپاس بۇرىن ارنايى وقۋ ورنىندا وقىپ, كاسىپتىڭ قىر-سىرىن مەڭگەرگەن كاسىپكەر بۇگىندە كوپتەگەن وتباسىلارعا جاڭا جۇمىس ورنىن اشىپ بەرىپ وتىر.
– باجايلاپ قاراساڭىز, ءبىزدىڭ كوبىمىزدىڭ تۇتىناتىن بۇيىمدارىمىز بەن كيىپ جۇرگەن كيىمىمىزدىڭ باسىم بولىگى شەت مەملەكەتتەردەن ەكسپورتتالادى. قازىرگى كەزدە كاسىپكەرلەر وتاندىق ءونىمدى نارىققا مولىنان شىعارا باستادى. ءبىز دە جەرگىلىكتى ءونىمدى وركەندەتۋگە ءوز ۇلەسىمىزدى قوسساق دەگەن ماقسات بار. تۇتىنۋشى تالعامىنان شىعا بىلگەننىڭ ناتيجەسىندە كاسىپتى ودان ءارى دوڭگەلەنتۋگە مۇمكىندىك تۋدى. كاسىپ اشقان جىلدارى مەملەكەتتىك باعدارلاما ارقىلى جىلدىق ۇستەمەسى تومەن, جەڭىلدەتىلگەن نەسيە الدىق. بۇگىنگى تاڭدا سۇرانىسقا ساي جۇمىس جاساپ كەلەمىز, – دەيدى تسەح يەسى.
ۇلتتىق ناقىشتا كيىمدەر تىگىپ, تۇتىنۋشىلاردىڭ كوڭىلىنەن شىعىپ وتىرعان تسەح يەسى الداعى ۋاقىتتا بيزنەسىن كەڭەيتۋدى كوزدەپ وتىر.
باقتيار تايجان,
«ەگەمەن قازاقستان».
قىزىلوردا وبلىسى
