جۋرناليستەر قاۋىمىنىڭ ساياساتتان حاباردار بولىپ, ساۋاتتى ءارى ساپالى جاڭالىق تاراتۋى قاشان دا ماڭىزدى. ياعني, دارىسكە قاتىسۋشى ستۋدەنتتەردىڭ سىرتقى ىستەر مينيسترلىگىنىڭ ءباسپاسوز قىزمەتىمەن تانىسۋى قۇپتارلىق ءىس.
ءدارىس بارىسىندا تالعات جۇماعۇلوۆ سىرتقى ىستەر مينيسترلىگىندەگى ءباسپاسوز قىزمەتىنىڭ قىر-سىرىمەن تانىستىرىپ, كوميتەت جۇمىسى تۇرعىسىندا وي ءبولىستى. ءباسپاسوز رەليزدەرىن دايىنداۋ, كۇن تارتىبىندەگى ماسەلەلەردى شۇعىل تۇردە وزگەرتۋ, قولايسىز جاعدايلاردان قالاي شىعۋعا بولاتىنى تۋرالى سۇراقتارعا جاۋاپ بەردى.
سونداي-اق, بولاشاق جۋرناليستەرگە مەملەكەتتىڭ ءتىلدىڭ قولدانىلۋ دەڭگەيىن كوتەرۋگە ات سالىسۋعا شاقىردى. مينيسترلىككە قويىلاتىن سۇراقتاردىڭ 95%-ى ورىس تىلىندە, قالعانى قازاق تىلىندە ەكەنىن ايتتى. ساياسي قاقتىعىستار, تۇيتكىلدى ماسەلەلەردى شەشۋدەگى قازاقستاننىڭ ءرولى, ناقتى قانداي امالداردى قولدانۋعا بايلانىستى ساراپتامالىق سۇراقتاردىڭ كوپ قويىلۋى قاجەت ەكەنىن قاداپ ايتتى.
قازىرگى تاڭدا 2006 جىلى قۇرىلعان حالىقارالىق اقپاراتتىق كوميتەتتە قىزمەت اتقارادى. كوميتەتتىڭ ماقساتى – قازاقستاننىڭ حالىقارالىق ارەناداعى وڭ ءيميدجىن قالىپتاستىرۋعا باعىتتالعان مەملەكەتتىك ساياساتتى جۇزەگە اسىرۋ.
بۇگىنگى ءدارىستىڭ سپيكەرى تالعات جۇماعۇلوۆ الماتى قالاسىندا تۋىپ وسكەن. 1999 جىلدان بەرى سىرتقى ىستەر مينيسترلىگىندە جۇمىس ىستەيدى. ابىلاي حان اتىنداعى قازاق حالىقارالىق قاتىناستار جانە الەم تىلدەرى ۋنيۆەرسيتەتىندە وقىعان.
