ەلورداعا كەلگەن شىعىسقازاقستاندىق وقۋشىلاردىڭ ەلباسى نۇرسۇلتان نازارباەۆ ىرگەسىن قالاعان ل.ن.گۋميلەۆ اتىنداعى ەۋرازيا ۇلتتىق ۋنيۆەرسيتەتىن ارالاپ, العان اسەرلەرىن ورتاعا سالدى.
ەڭ الدىمەن جارمالىق مەكتەپ وقۋشىلارىنىڭ نازارى كىرە بەرىس فويەدەگى ۇلكەن ەكرانعا ءتۇستى.ءبارى وندا كورسەتىلىپ جاتقان «ەۋرازيا ۇلتتىق ۋنيۆەرسيتەتى» اتتى بەينەفيلمگە بايلانىپ قالعانداي. سويلەپ جاتقان شەتەلدىك ستۋدەنت دانا مۇقياتتىڭ ەۇۋ-دەگى بەينەسىن كورىپ, توپ-توبىمەن تۇرا قالعان. دانا مۇقيات:
«مەن ەۋرازيا ۇلتتىق ۋنيۆەرسيتەتىنىڭ ءبىرىنشى كۋرس ستۋدەنتىمىن, حالىقارالىق قاتىناستار ماماندىعى بويىنشا ءبىلىم الامىن. بولاشاقتا ءارتۇرلى ەلدەر اراسىندا ورتاق ءتىل تابىسۋعا كومەكتەسەتىن ديپلومات بولۋدى ارماندايمىن. مەنى ەۇۋ-دە كوپتەگەن شەتەل مەملەكەتتەرىنىڭ ۇزدىك وقىتۋشىلارى ساباق بەرەتىنى قىزىقتىردى. ەكىنشىدەن, مۇنداعى مۇعالىمدەر وتە ءبىلىمدى جانە تاجىريبەلى. حالىقارالىق قاتىناستار قازىرگى كەزدە ناعىز امبەباپ ماماندىق بولىپ سانالادى. وقۋ بىرگەننەن كەيىن ۋنيۆەرسيتەتتە العان ءبىلىمىم بولاشاعىما جول اشاتىنىنا سەنىمدىمىن. سوندىقتاندا وسى وقۋ ورنىن تاڭداعانىم وتە دۇرىس بولدى دەپ ويلايمىن,– دەپ, وقۋشىلاردىڭ ۋنيۆەرسيتەتكە دەگەن قىزىعۋشىلىعىن ودان سايىن وياتتى.
استانا قالاسىنداعى №67, №63 گيمنازيا, №64 ليتسەي, №49 ورتا مەكتەپ وقۋشىلارى جانە شىعىس قازاقستان وبلىسى جارما اۋدانىنىڭ وزات وقۋشىلارى ودان ءارى تسيفرلاندىرۋ بويىنشا پاۆيلونداردى ارالاپ شىقتى.
ءبىر بايقاعانىمىز, ءار وقۋشىنىڭ كوكەيلەرىندە الگىندە عانا وزدەرى ەكراننان كورىپ, داۋسىن تىڭداعان شەتەلدىك ستۋدەنت دانا مۇقياتتىڭ «وسى وقۋ ورنىن تاڭداعانىم وتە دۇرىس بولدى» دەگەن ءۇنى جاڭعىرىپ بارا جاتقانداي كورىندى.
