قازاقستانداعى مال شارۋاشىلىعىنىڭ بۇگىنگى جاي-كۇيى تۋرالى تالقىلاعان ماماندار الەمدىك ترەندتەر, رەسپۋبليكاداعى ازىق-ت ۇلىك سەكتورىنىڭ دامۋ كەلەشەگى تۋرالى پىكىرلەرىن ورتاعا سالىپ, شەتەلدىك كومپانيالاردىڭ اگروتەحنولوگيالىق جەتىستىكتەردى قالاي پايدالاناتىندىعى جانە قازاقستاندىق اگراريلەردىڭ شەتەلدىك نارىققا شىعۋىنا قاتىستى ماسەلەلەرمەن ءبولىستى.
«KazBeef Ltd.» كومپانياسىنىڭ ديرەكتورى بەيبىت ەرۋباەۆ ەلىمىزدىڭ مال شارۋاشىلىعى الەۋەتىنىڭ مۇناي وندىرىسىنەن كەم تۇسپەيتىن دارەجەدە دامي الاتىندىعىنا قاتىسۋشىلاردىڭ نازارىن اۋداردى. ول ءۇشىن ءبىلىم ترانسفەرى, ينۆەستيتسيالار مەن زاماناۋي تەحنولوگيالاردى قولدانۋ جەتكىلىكتى. قازاقستان تاريحى جاعىنان دا, گەوگرافيالىق مۇمكىندىكتەرىمەن دە شارۋاشىلىقتى دامىتۋدا الەمدىك كوشباسشى دەڭگەيىنە كوتەرىلۋگە مۇمكىندىگى زور. جاڭا تەحنولوگيالاردى يگەرۋدە ءوزارا تاجىريبە الماسۋ, ينفراقۇرىلىمدىق, ۆەتەريناريا, سانەپيدەميولوگيا سالاسىنا قاتىستى تاۋەكەلدەر كەشەندى تۇردە شەشىمىن تابۋى قاجەت.
دوڭگەلەك ۇستەل بارىسىندا قازاقستاندىق جانە حالىقارالىق كومپانيالار وكىلدەرى پىكىر الماستى. نيدەرلاندتان كەلگەن عالىمدار ءوز تاجىريبەلەرىن ورتاعا سالدى. وسىلايشا سالا ماماندارى مال شارۋاشىلىعى سالاسىنداعى الەمدىك ترەندتەرمەن ءبولىسىپ, قازاقستانداعى اگرارلىق ازىق-ت ۇلىك نارىعىنىڭ ماسەلەلەرىن, ونىڭ ىشىندە وتاندىق ەت-ءسۇت سەكتورىن دامىتۋعا ارنالعان يننوۆاتسيالىق بيو جانە اگروتەحنولوگيالاردى قولدانۋ ارقىلى سالانىڭ الەۋەتىن ارتتىرۋداعى مۇمكىندىكتەردى قاراستىردى. سونىمەن قاتار اۋىل شارۋاشىلىعى ونىمدەرىنىڭ باعاسىن تومەندەتۋ, ەنەرگيا كوزدەرىن ۇنەمدەۋ ماقساتىندا «جاسىل» تەحنولوگيالاردى پايدالانۋ, قالدىقتاردى بيوگازسىز قايتا وڭدەۋ ءوندىرىسىنىڭ ماڭىزدىلىعى تۋرالى پىكىر الماستى.
دوڭگەلەك سۇتەل بارىسىندا قوزعالعان تاعى ءبىر ماڭىزدى ماسەلە مال شارۋاشىلىعىن جۇرگىزۋدىڭ وزىق ادىستەرىن پايدالانۋعا بايلانىستى جاساندى جولمەن ۇرىقتاندىرۋ, جانۋارلاردىڭ ساۋلىعىنا مونيتورينگ جۇرگىزۋ, مال باسىن ەلەكتروندىق ەسەپكە الۋ, ەگىستىككە جەرسەرىك ارقىلى ساراپتاما جاساۋعا قاتىستى تاجىريبەلەرىمەن بولىسكەن ماماندار ىنتىماقتاستىق اياسىن كەڭىتىپ, ءوزارا كەلىسىمشارتتار ارقىلى سالانىڭ دامۋىنا ىقپال ەتەتىن بولادى.
ەلۆيرا سەرىكقىزى,
«ەگەمەن قازاقستان»
الماتى
