قازاقستان ەىدۇ-نىڭ يسپانيا (30 ورىن), فرانتسيا (32), پولشا (33), پورتۋگاليا (34), شۆەيتساريا (38), جاپونيا (39), تۇركيا (43) سىندى ەلدەرىن باسىپ وزدى.
ۇسىنىلعان رەيتينگ ناتيجەلەرى قازاقستاننىڭ نەگىزگى 10 باعىتتىڭ 6-ۋى بويىنشا جوعارى ىلگەرىلەگەندىگىن كورسەتتى.
قازاقستان ءوزىنىڭ «مينوريتارلىق ينۆەستورلاردى قورعاۋ» ينديكاتورى بويىنشا ءبىرىنشى ورنىن ساقتاپ قالدى جانە رەيتينگ قورىتىندىسىندا مىناداي ينديكاتورلار بويىنشا العا شىقتى:
«كەلىسىم شارتتاردى ورىنداۋدى قامتاماسىز ەتۋ», رەيتينگتەگى 6-پوزيتسيادان 4-كە كوشۋ ارقىلى(+2);
«قۇرىلىسقا رۇقسات الۋ», رەيتينگتەگى 52-پوزيتسيادان 35-كە كوشۋ ارقىلى(+17);
«كاسىپورىن اشۋ»,رەيتينگتەگى 41-پوزيتسيادان 36-عا كوشۋ ارقىلى(+5);
«تولەۋ قابىلەتسىزدىگىن شەشۋ», رەيتينگتەگى 39-پوزيتسيادان 37-گە كوشۋ ارقىلى(+2);
«كرەديت الۋ», رەيتينگتەگى 77-پوزيتسيادان 60-قا كوشۋ ارقىلى(+17);
«حالىقارالىق ساۋدا», رەيتينگتەگى 123-پوزيتسيادان 102-گە كوشۋ ارقىلى(+21).
قالعان ءۇش ينديكاتور بويىنشا رەسپۋبليكانىڭ پوزيتسياسى: «مەنشىكتى تىركەۋ» ينديكاتورى بويىنشا 18 ورىن - 1 پوزيتسياعا, «سالىق سالۋ» ينديكاتورى بويىنشا 56 ورىن– 6 پوزيتسياعا, «ەلەكترمەن جابدىقتاۋ جۇيەسىنە قوسىلۋ» ينديكاتورى بويىنشا 76 ورىن – 6 پوزيتسياعاتومەندەگەن.
بۇدان ءبىر جىل بۇرىن قازاقستان «Doing Business» رەيتينگىندە 36-پوزيتسيانى يەلەنگەن بولاتىن.
ۇكىمەتتىڭ 2014-2018 جىلعى كەزەڭدەردە قازاقستانداعى ىسكەرلىك احۋالدى جاقسارتۋ بويىنشا بىرقاتار تەڭدەسسىز تۇبەگەيلى رەفورمالار جۇرگىزۋى قازاقستاننىڭ بۇگىندە «Doing Business» الەمدىك رەيتينگىندەگى ەلدەردىڭ توپ-30-دىعىنا ەنۋىنىڭ ناتيجەسى بولىپ تابىلادى.
