بريتاندىق رەيتينگىلىك اگەنتتىكتىڭ ساراپشىلارى 26 مەملەكەتتىڭ وقۋ ورىندارى اراسىندا ءوزارا سالىستىرمالى اناليز جۇرگىزگەن.
ۇزدىك 300 جوو قاتارىنا ەنگەن قازاقستاندىق ۋنيۆەرسيتەتتەر: ءال-فارابي اتىنداعى قازۇۋ, ل.گۋميلەۆ اتىنداعى ەۋرازيا ۇلتتىق ۋنيۆەرسيتەتى, ق.ساتباەۆ اتىنداعى قازۇتزۋ, قبتۋ, قازاق اگروتەحنيكالىق ۋنيۆەرسيتەتى جانە اۋەزوۆ اتىنداعى وڭتۇستىك قازاقستان مەملەكەتتىك ۋنيۆەرسيتەتى. Quacquarelli Symonds QS رەيتينگى كەلەسى كورسەتكىشتەر نەگىزىندە جۇزەگە اسىرىلادى: وقۋ ورنىنىڭ اكادەميالىق بەدەلى, جۇمىس بەرۋشىنىڭ بەدەلى, وقىتۋشى/وقۋشى كوەففيتسيەنتى, حالىقارالىق زەرتتەۋ جەلىسى, ۆەب-ەففەكت, فيلوسوفيا دوكتورى اتاعى بار قىزمەتكەرلەر سانى, حالىقارالىق فاكۋلتەتتەر مەن حالىقارالىق ستۋدەنتتەردىڭ بولۋى», - دەپ اتاپ ءوتتى قر ءبىلىم جانە عىلىم مينيسترلىگىنىڭ ءباسپاسوز قىزمەتىنەن.
سونداي-اق ۋنيۆەرسيتەتتەردى باعالاۋ كەزىندە وزگە رەيتينگتەر بارىسىندا نازارعا الىنبايتىن كريتەريلەر قاراستىرىلعان. ول - زەرتتەۋ جۇمىستارى, وقىتۋ, الەۋمەتتىك جاۋاپكەرشىلىك, جاڭاشىلدىقتاردى ەنگىزۋ, قۇرال-جابدىقتار, قاشىقتىقتان وقىتۋ جانە اشىقتىق. شىعىس ەۋروپا جانە ورتالىق ازيانىڭ ۇزدىك 300 جوو-سى قاتارىنان تابىلعان جوعارى مەكتەپتەر سانى بويىنشا رەسەيلىك جوو-لار كوش باستاپ تۇر. ەكىنشى ورىندا تۇركيا بولسا, (46 جوو), ءۇشىنشى ورىندا - قازاقستان (25 جوو).
