ديالوگ الاڭدارىندا ۇكىمەتتىك ەمەس ۇيىمداردىڭ الەۋەتى دۇرىس پايدالانىلمايتىنى اتاپ كورسەتىلدى.
«ۇكىمەتتىك ەمەس ۇيىمداردىڭ تاجىريبەلەرى جەتكىلىكتى. جاڭاشىلدىق باعىتتاعى قادامدارى قۇپتارلىق. بىراق اتقارىلعان شارالار ءالى جەتكىلىكسىز. تۇپكى ناتيجە, تيىمدىلىك جاعى قۋانتا قويمايدى», دەدى پاتەر يەلەرى كووپەراتيۆى ايماقتىق قاۋىمداستىعىنىڭ توراعاسى سەرگەي حۋدياكوۆ.
قازاقستاننىڭ ازاماتتىق اليانسىنىڭ ۆيتسە-پرەزيدەنتى مۇساعالي دۋامبەكوۆتىڭ پىكىرىنشە, «اۋىل–ەل بەسىگى» جوباسى شالعاي ەلدى مەكەن تۇرعىندارىن جۇمىسپەن قامتۋعا باعىتتالۋى كەرەك. تەرىسكەيدە جۇزدەن استام ۇكىمەتتىك ەمەس ۇيىمدار تىركەلگەنىمەن, تورتتەن ءبىرى عانا بەلسەندى جۇمىس ىستەيدى. قازاقستاننىڭ ازاماتتىق اليانسى–ۇلكەن كۇش. وعان بۇگىندە جارتى مىڭعا جۋىق بىرلەستىك مۇشە.
سولتۇستىك قازاقستان ازاماتتىق اليانسى اسسوتسياتسياسىنىڭ ءتورايىمى ساۋلە سۇلەيمەنوۆا جيىندا شەكارالاس ايماقتا ورنالاسقان ەلدى مەكەندەردىڭ وزەكتى ماسەلەلەرىن كوتەردى. جاستار اراسىندا رەسەي فەدەراتسياسى مەن وزگە دە جاقىن شەتەلدەرگە وقۋعا, جۇمىسقا كەتۋشىلەر قاتارى كوپ. بۇل رەتتە بىرلەستىكتەر مەملەكەتتىك ورگاندارمەن بىرلەسە وتىرىپ, ناقتى جۇمىستار اتقارۋى ءتيىس.
بيىل ۇكىمەتتىك ەمەس ۇيىمداردىڭ جۇمىسىن جانداندىرۋعا ەل قازىناسىنان 20 ميلليارد تەڭگە قاراجات ءبولىنىپ وتىر.
ءومىر ەسقالي,
«ەگەمەن قازاقستان»
سولتۇستىك قازاقستان وبلىسى
