وسى جولى ءداستۇرلى جيىن الەمنىڭ تۇكپىر-تۇكپىرىنەن كەلگەن 20-دان استام مەملەكەتتىڭ ەكى مىڭعا جۋىق وكىلىنىڭ باسىن قوسىپ, رەكوردتى جيىندار قاتارىنا كىردى. «نازارباەۆ زياتكەرلىك مەكتەپتەرى» دببۇ مەن وبلىستىق اكىمدىكتەر اراسىندا جاساسقان مەموراندۋمدار اياسىنداعى كونفەرەنتسياعا قازاقستاننىڭ وڭىرلەرىنەن ءبىلىم بەرۋ سالاسىنىڭ 700 مامانى قاتىستى. ەڭ ۇلكەن دەلەگاتسيالار قاتارىن قاراعاندى وبلىسى مەن استانا قالاسىنىڭ وكىلدەرى تولىقتىردى.
اشىلۋ سالتاناتىنا قر ءبىلىم جانە عىلىم ءمينيسترى ەرلان ساعاديەۆ پەن نازارباەۆ ۋنيۆەرسيتەتەنىڭ پرەزيدەنتى شيگەو كاتسۋ جانە «نازارباەۆ زياتكەرلىك مەكتەپتەرى» دببۇ ءتورايىمى كۇلاش ءشامشيدينوۆا قاتىستى.
– ء بىزدىڭ جىل سايىن وتكىزەتىن حالىقارالىق كونفەرەنتسيامىز مەملەكەتىمىزدىڭ جانە الىس-جاقىن شەت ەلدەردەن كەلگەن ءبىلىم بەرۋ جۇيەسىنىڭ وكىلدەرى ءۇشىن تاجىريبە الماسۋ الاڭىنا اينالدى. بۇل كونفەرەنتسيا-مەرەيتويلىق جانە زياتكەرلىك مەكتەپتەردىڭ ون جىلدىعىنا ارنالادى, – دەپ اتاپ ءوتتى كۇلاش ءشامشيدينوۆا.
داستۇرگە ساي, الەم مويىنداعان ساراپشىلار مەن عالىمدار مىنبەردەن ءسوز الدى. باستى بايانداماشىلاردىڭ قاتارىندا كەمبريدج ۋنيۆەرسيتەتىنىڭ ءبىلىم بەرۋ فاكۋلتەتىنىڭ دەكانى سيۋزان روبەرتسون, لوندون ۋنيۆەرسيتەتى ءبىلىم بەرۋ كوللەدجىنىڭ قۇرمەتتى پروفەسسورى, «قارىمدى ء بىلىم» تەورياسىنىڭ اۆتورى مايكل يانگ, گونكونگ ۋنيۆەرسيتەتىنىڭ ءبىلىم بەرۋ ساياساتى دەپارتامەنتىنىڭ ديرەكتورى كاي-مينگ چەنگ, EduCluster Finland سىرتقى بايلانىستار جانە يننوۆاتسيا جونىندەگى ديرەكتور دەۆيد مارش, ماسساچۋسەتس تەحنولوگيالىق ينستيتۋتىنىڭ پروفەسسورى توماس حسۋ, سونداي-اق ءبىلىم بەرۋ سالاسىنداعى الەمگە ايگىلى عالىمدار مەن توپ-مەنەدجەرلەر قاتىستى.
كوكشەتاۋ, سەمەي, قاراعاندى, تاراز, بقو-تارىنداعى ورتا مەكتەپ مۇعالىمدەرىنىڭ وقىعان باياندامالارى كوپتىڭ قىزىعۋشىلىعىن تۋعىزدى.
ورتا ءبىلىم بەرۋ سالاسىنداعى زەرتتەۋلەرگە سۇرانىس بار ەكەنى باياندامالاردىڭ اتاۋلارىنان اق بەلگىلى: ء«بىلىم بەرۋدى باسقارۋداعى كوشباسشىلىق» گۇلجانات ابدراحمانوۆا استانا قالاسىنان, ء «بىلىم بەرۋدىڭ جاڭارتىلعان مازمۇنى پەداگوگتى كوشباسشىعا اينالدىرۋ» اقسايدان كەلگەن مۇعالىمدەر گۇلنارا ەسماعۇلوۆا مەن يرينا ولحوۆيكتىڭ بايانداماسى.
كونفەرەنتسيانىڭ كوركىن اشقان شارالاردىڭ ءبىرى – حالىقارالىق گۋمانيستىك پەداگوگيكا ورتالىعىنىڭ پرەزيدەنتى, جازۋشى پااتا ءاموناشۆيليدىڭ, ەلىمىزگە تانىمال جۋرناليست گۇلنار باجكەنوۆانىڭ, ەكىتىلدى جانە ءۇشتىلدى باعدارلامالار سالاسىنداعى حالىقارالىق عىلىمي كەڭەسشى پيتەر مەحيستونىڭ, مەتودولوگيالىق وقىتۋ مەن ءبىلىم الماسۋ سالاسىنىڭ مامانى دەۆيد مارشتىڭ قاتىسۋىمەن وتكەن اۆتوگراف-سەسسيا بولدى.
كونفەرەنتسيا 12 باعىت بويىنشا 50 دەن استام ءىس-شارالاردى قامتىدى. بيىلعى جىلدىڭ ەرەكشەلىكتەرىنىڭ ءبىرى – «وقۋشى داۋىسى» جوباسى العاش رەت تاربيەلەنۋشىلەردىڭ قاتىسۋىمەن ءوتىپ قازاقستانداعى حالىقارالىق باكالاۆريات مەكتەبىنىڭ جۇمىسى تانىستىرىلدى. سونداي-اق العاش رەت ينكليۋزيۆتى ءبىلىم بەرۋ بويىنشا سەكتسيا ۇيىمداستىرىلدى.
باستى تاقىرىپتىردىڭ ىشىندە – جاڭا ۋاقىت پەن ءبىلىم بەرۋ جۇيەسىندەگى ورنىقتى وزگەرىستەر, وقىتۋشىلار مەن ستۋدەنتتەر ءۇشىن قاۋىپسىز ورتانى قۇرۋ, سونداي-اق ءبىلىم بەرۋدەگى ساندىق تەحنولوگيالار.
كونفەرەنتسيا بارىسىندا «نازارباەۆ زياتكەرلىك مەكتەپتەرى» فرانتسيانىڭ قازاقستانداعى ەلشىلىگى مەن Bilimkana جەكەمەنشىك مەكتەپتەر جەلىسى (قىرعىزستان), جانە ل. گۋميلەۆ اتىنداعى ەۋرازيا ۇلتتىق ۋنيۆەرسيتەتىمەن ءوزارا ارىپتەستىك تۋرالى مەموراندۋمعا قول قويدى.
بۇگىنگى كۇنى استانالىق كونفەرەنتسيا دۇنيەجۇزىلىك جانە وتاندىق ءبىلىم بەرۋ سالاسىنىڭ كەلەلى ماسەلەلەرىنە ارنالعان عىلىم الەمىندەگى بەدەلدى جيىنداردىڭ بىرىنە اينالدى.
