ۇكىمەتارالىق كوميسسيا وتىرىسى بارىسىندا ساۋدا-ەكونوميكالىق ىنتىماقتاستىق, وتىن-ەنەرگەتيكالىق كەشەن, اتوم ەنەرگياسىن بەيبىت ماقساتتا قولدانۋ, ونەركاسىپ, كولىك, اۋىل شارۋاشىلىعى, دەنساۋلىق ساقتاۋ, قورشاعان ورتانى قورعاۋ, ءبىلىم بەرۋ جانە عىلىم, اقپاراتتىق تەحنولوگيالار مەن بۇقارالىق كوممۋنيكاتسيا, مادەنيەت, تۋريزم, ايماقارالىق جانە شەكارا ماڭىنداعى ىنتىماقتاستىق, سونداي-اق ەكى ەلدىڭ ىسكەر توپتارىنىڭ ءوزارا ءىس-قيمىلدارىنداعى ەكىجاقتى ىنتىماقتاستىقتى دامىتۋ ماسەلەلەرى تالقىلاندى.
قر ءبىرىنشى ۆيتسە-پرەمەرى ا. مامين مەملەكەتارالىق قاتىناستاردىڭ بارلىق دەڭگەيىندە قازاقستان مەن رەسەي اراسىنداعى قارىم-قاتىناستىڭ تابىستى ەكەنىن اتاپ ءوتتى.
2017 جىلى قر مەن رف اراسىنداعى ءوزارا ساۋدا-ساتتىقتىڭ ەداۋىر ۇلعايعانى بايقالدى, بۇل كورسەتكىش 34,1%-عا ءوسىپ, $17,5 ملرد-قا جەتتى. ءوزارا ساۋدا كورسەتكىشتەرىنىڭ وڭ سەرپىنى ساۋدا اينالىمىن $20 ملرد-قا جەتكىزۋگە مۇمكىندىك بەرىپ وتىر.
رەسەي قازاقستاننىڭ نەگىزگى ينۆەستيتسيالىق سەرىكتەستەرىنىڭ ءبىرى, سوڭعى 12 جىل (2005–2017 جج.) ىشىندە ينۆەستيتسيالار اعىمى $12 ملرد قۇرادى. رف-تەن قر-عا تىكەلەي ينۆەستيتسيالار اعىمى 2018 جىلدىڭ ءى جارتى جىلدىعىندا وتكەن جىلدىڭ وسىنداي كەزەڭىمەن سالىستىرعاندا 1,5 ەسەگە — $821 ملن دەيىن ارتتى.
جالپى سوماسى $3,6 ملرد بولاتىن, 12 مىڭ جۇمىس ورنىن اشۋعا مۇمكىندىك بەرەتىن 50 ينۆەستيتسيالىق جوبا قارقىندى ىسكە اسىرىلىپ جاتىر.
ۇاك وتىرىسىنىڭ بارىسىندا قازاقستان مەن رەسەيدىڭ ەكىجاقتى ءوزارا ىنتىماقتاستىعىنىڭ باستى باعىتتارىنىڭ ءبىرى ايماقارالىق جانە شەكارا ماڭى ىنتىماقتاستىعى بولىپ تابىلاتىنى اتاپ ءوتىلدى.
ۇكىمەتارالىق كوميسسيانىڭ XX وتىرىسىنىڭ قورىتىندىسى بويىنشا ۇاك تەڭ توراعالارى اسقار مامين مەن انتون سيلۋانوۆ قازاقستان–رەسەي ۇكىمەتارالىق كوميسسيانىڭ XX وتىرىسىنىڭ حاتتاماسىنا قول قويدى.
قازان قالاسىنا جۇمىس ساپارى اياسىندا قر پرەمەر-ءمينيسترىنىڭ ءبىرىنشى ورىنباسارى اسقار مامين تاتارستان رەسپۋبليكاسىنىڭ پرەزيدەنتى رۋستام ميننيحانوۆپەن كەلىسسوزدەر وتكىزدى.
كەزدەسۋ بارىسىندا تاراپتار قازاقستان مەن تاتارستان اراسىنداعى ەكىجاقتى قارىم-قاتىناستىڭ بارلىق سالاسى, ونىڭ ىشىندە ساۋدا-ەكونوميكا سالاسى بويىنشا قارقىندى ىنتىماقتاستىقتى اتاپ ءوتتى, ەكونوميكالىق جانە ينۆەستيتسيالىق بايلانىستاردى ارتتىرۋعا مۇددەلى ەكەندەرىن تانىتتى.
2017 جىلدىڭ قورىتىندىسى بويىنشا سىرتقى ساۋدا اينالىمى 1,7 ەسەگە ارتىپ, $700 ملن-نان اسقان. 2018 جىلدىڭ I جارتى جىلدىعىنىڭ قورىتىندىسى بويىنشا ءوزارا ساۋدا اينالىمىنىڭ كورسەتكىشى 67%-عا ارتىپ, $400 ملن-عا جۋىق بولدى. بيىلدىڭ وزىندە ءوزارا ساۋدا اينالىمى كولەمىن $1 ملرد دەيىن جەتكىزۋ مۇمكىندىگى بار.
اسقار مامين مەن رۋستام ميننيحانوۆ ماشينا جاساۋ, كولىك پەن لوگيستيكا, مۇناي حيمياسى, اوك, ات-تەحنولوگيالار, شاعىن اۆياتسيا جانە ت. ب. سالالاردا ىنتىماقتاستىقتى دامىتۋ كەرەكتىگىن اتاپ ءوتتى.
قر ءبىرىنشى ۆيتسە-پرەمەرى ا. مامين مەن تاتارستان پرەزيدەنتى ر. ميننيحانوۆ قازاقستان مەن تاتارستان اراسىنداعى ىنتىماقتاستىقتى دامىتۋ بويىنشا ءىس-شارالار جوسپارىنا قول قويدى.
