جيىنعا قاتىسقان ساراپشىلاردىڭ ايتۋلارىنا قاراعاندا, كورەي تۇبەگىندەگى وڭ وزگەرىستەر يادرولىق قارۋدى تاراتپاۋدى نىعايتۋ شەڭبەرىندەگى ستراتەگيالىق سۇحباتتار ءۇشىن جاڭا سەرپىلىس بەرەدى. قازاقستان يادرولىق قارۋسىزدانۋ ءۇشىن جاھاندىق قوزعالىسىنىڭ بەلسەندى مۇشەسى رەتىندە تاراپتاردىڭ ۇستانىمدارىن جاقىنداستىرۋعا باعىتتالعان ۇمتىلىستارىن قولدايدى جانە وسى ۇدەرىستە جان-جاقتى كومەك كورسەتۋگە ءاردايىم دايىن.
ەكى كورەي مەملەكەتىنىڭ اراسىنداعى قارىم-قاتىناستاردىڭ دامۋىنىڭ ءارى قارايعى تراەكتورياسىن تالقىلاۋ مەن ساراپشىلار سۇحباتى – بەيبىت ۇدەرىستىڭ اجىراماس قۇرامداس بولىگى جانە بەيبىت قۇرىلىسقا قوسقان زور ۇلەسى.
حالىقارالىق دوڭگەلەك ۇستەلدىڭ جۇمىسى «كورەي تۇبەگىندەگى قازىرگى احۋال جانە كورەي رەسپۋبليكاسىنىڭ بەيبىتشىلىكتى قامتاماسىز ەتۋ بويىنشا ساياساتى» جانە «قازاقستاننىڭ يادرولىق قارۋدى تاراتپاۋداعى ءرولى جانە كورەي تۇبەگىندەگى احۋالدى رەتتەۋگە جاردەمدەسۋى» سەكتسيالارى بويىنشا ءوربىدى.
دوڭگەلەك ۇستەل جۇمىسىنا حالىقارالىق جانە يادرولىق قاۋىپسىزدىك سالاسىنىڭ جەتەكشى ساراپشىلارى, قازاقستان رەسپۋبليكاسى سىرتقى ىستەر مينيسترلىگىنىڭ جاۋاپتى قىزمەتكەرلەرى, سونىمەن قاتار قازاقستاندا اككرەديتاتسيادان وتكەن ديپلوماتيالىق ميسسيالار مەن حالىقارالىق ۇيىمداردىڭ باسشىلارى قاتىستى.
سەرىك ابدىبەك,
«ەگەمەن قازاقستان»
