سوڭعى مالىمەتكە قاراعاندا, ءتۋريزمنىڭ ۇلەسى پولشانىڭ جالپى ىشكى ءونىمىنىڭ 6 پروتسەنتىن قۇرايدى. بۇل سەكتوردا 700 مىڭعا جۋىق ادام ەڭبەك ەتەدى. قازاقستان ءۇشىن دە ءتۋريزمدى دامىتۋ – باستى باعىتتاردىڭ ءبىرى. بۇل تۋرالى ەل پرەزيدەنتى ءوزىنىڭ حالىققا جولداۋىندا اتاپ ءوتتى. پولياك تۋروپەراتورلارى ەلىمىزدىڭ شيپاجايلى ورىندارىنىڭ الەۋەتى جوعارى ەكەنىن ايتىپ, ىنتىماقتاستىقتى دامىتۋعا نيەت ءبىلدىرىپر وتىر. ولاردىڭ دەرەگىنە سۇيەنسەك, قازاق جەرىنە ساياحاتتايتىن ەۋروپالىقتاردىڭ ۇشتەن ءبىر بولىگى – پولياكتار.
پاۆەل نيۆيادومسكي, پولياك تۋريستىك پالاتاسىنىڭ پرەزيدەنتى:
– ءتۋريزمدى دامىتۋ ءۇشىن بىزدە ارنايى باعدارلامالار دايىندالىپ, جۇزەگە اسىرىلدى. قازىر الەمنىڭ كوپتەگەن ەلدەرىندە پولشانىڭ تۋريستىك كەڭسەلەرى جۇمىس ىستەيدى. ءبىز تۇتىنۋشىلارعا الۋان ءتۇرلى تۋريستىك ونىمدەر ۇسىنىپ كەلەمىز. ال قازاقستانعا كەلەتىن بولساق, ۆارشاۆا-استانا تىكەلەي اۋە رەيسى اشىلعاننان بەرى ءسىزدىڭ ەلگە بارۋشى پولياك ساياحاتشىلارى 30 پروتسەنتكە ارتتى.
