حالىقارالىق دەڭگەيدەگى سايىستار دا وتكىزىلدى. اتاپ ايتقاندا, قازاقشا كۇرەس, جەلكەندى قايىق, اكادەميالىق ەسۋ, جاعاجاي ۆولەيبولى مەن فۋتبولى, قول كۇرەسى, گير كوتەرۋ, ارقان تارتۋ, بورەنەگە ورمەلەۋ, قوشقار كوتەرۋ سىندى جارىستار بويىنشا قاتىسۋشىلار باق سىنادى. جەڭىمپازدار مەن جۇلدەگەرلەردى وبلىس اكىمى ج.تۇيمەباەۆ ارنايى سىيلىقتارمەن ماراپاتتادى. سونداي-اق, قوناقتار شاردارا اۋدانىنىڭ تاريحىمەن, اۋىل شارۋاشىلىعى ونىمدەرى جانە ۇلتتىق قولونەر كورمەسىمەن تانىستى.
اۋدان ونەرپازدارى ارنايى مەرەكەلىك «Safari Shardara» ءانىن ورىندادى. تۇركىستان-وتىرار-شاردارا باعىتىندا ءجۇرىپ وتكەن موتوبايكەرلەر ساحنا الاڭىندا «MOTOKROSS» ونەرىن كورسەتىپ, جيىلعان قاۋىمدى شەبەرلىكتەرىمەن تامساندىردى. سۋ ايدىنىنداعى قايىقتار شوۋى دا اسەرلى بولدى. سايىسقا قاتىسقان 15 بالىقشى قايىقپەن جاعالاۋعا كەلىپ, ەلىمىزدىڭ تۋىن جەلبىرەتتى. بايداركا ەسۋشىلەر ونەرى «قازىنا», «شامسينۋر» بي توپتارى جانە تسيرك ونەرپازدارىنىڭ حورەوگرافيالىق كومپوزيتسياسىنا ۇلاستى.
عالىمجان ەلشىباي,
«ەگەمەن قازاقستان»
تۇركىستان وبلىسى
