بەسارىقتا جاڭادان سالىنىپ جاتقان قۇرىلىس نىساندارىمەن تانىسقان حالىق قالاۋلىلارى 150-دەن استام اۋىل تۇرعىندارىن جۇمىسپەن قامتىپ وتىرعان «اباي - داۋلەت» سەرىكتەستىگىنىڭ ۇجىمىمەن جۇزدەستى.
وتكەن جىلى عانا جۇمىسىن باستاعان سەرىكتەستىك بەس مىڭنان استام قيسارى اسىل تۇقىمدى قويىن ءوسىرىپ وتىر. تۇيەشارۋاشىلىعى دا بار,
-ءبىزدىڭ سەرىكتەستىك بىرنەشە باعىتتا جۇمىس جاسايدى. ياعني, كۇرىش ەگىپ, ونى وزبەكستان, تاجىكستان ەلدەرىنە ەكسپورتقا شىعارسا, 22 باس ارۋانا تۇيەسىنەن كۇنىنە 70 ليتر تۇيە شۇباتىن ءوندىرىپ, قالا حالقىنا ساتۋعا شىعارىپ وتىرمىز. ونان بولەك 10000 ءتۇپ الما اعاشىن وتىرعىزدىق. كارتوپ, قاۋىن ەگىپ رەسەي مەملەكەتىنە ەكسپورتتاپ وتىرمىز. بولشاقتا مال سانىن كوبەيتىپ, اسىلداندىرىپ, ەت ونىمدەرىندە ەكسپورتقا شىعاراتىن بولامىز,-دەيدى سەرىكتەستىك ديرەكتورى مۇرات اباي ۇلى.
دەپۋتاتتار مەملەكەتتىڭ الدىندا تاياۋ جىلداردا ءوندىرىستى, شاعىن جانە ورتا كاسىپتى كوتەرۋ مىندەتى تۇرعاندىعىن ايتتى.
- الەم قازىر عارىشتىق جىلدامدىقپەن دامىپ وتىرعاندىقتان كەز-كەلگەن ساتتە ادام ويلاماعان نارسەلەر دۇنيەگە كەلۋدە.10 ادام جاسايتىن جۇمىستى 1 عانا تەحنيكا اتقارىپ وتىر. مۇنىڭ بارلىعى بىزدەن اسا قىراعىلىقتى, شاپشاڭ قيمىلداۋدى, جەدەل بەيىمدەلۋدى جانە بىرنەشە باعىتتا توپتاسىپ جۇمىس جاساۋدى تالاپ ەتەدى. وسى ورايدا «اباي-داۋلەت» جشس-ءنىڭ جۇمىسى كوڭىلگە قونىمدى ەكەن,- دەدى قازاقستان رەسپۋبليكاسى پارلامەنتى ءماجىلىسىنىڭ دەپۋتاتى, پارلامەنت ماجىلىسىندەگى «نۇر وتان» پارتياسى دەپۋتاتتىق فراكتسياسىنىڭ مۇشەسى قوجاحان جاباعيەۆ.
باقتيار تايجان,
«ەگەمەن قازاقستان»
قىزىلوردا وبلىسى
