حالىقارالىق مەكتەپ كىتاپحانالارىنىڭ كۇنى (International School Library Day) كوپتەگەن ەلدەردە جىل سايىن 1999 جىلدان باستاپ يۋنەسكو باستاماسىمەن قازان ايىنىڭ ءتورتىنشى دۇيسەنبىسىندە اتاپ وتىلەدى. جىل سايىن ول بەلگىلى ءبىر تاقىرىپقا ارنالادى.
بۇل تۋرالى العاش رەت مەكتەپ كىتاپحانالارىنىڭ حالىقارالىق اسسوتسياتسياسىنىڭ پرەزيدەنتى (International Association of School Librarianship, IASL) بلانش ۆۋلز جاريالادى.
وسى ورايدا, نازارلارىڭىزعا الەمدەگى ەرەكشە مەكتەپ كىتاپحانالارىن ۇسىنا كەتەيىك:
1. كەمبريدجدەگى مەكتەپ كىتاپحاناسى ( ۇلىبريتانيا)
باستاۋىش مەكتەپ وقۋشىلارىنا ارنالعان كىتاپحانا داۋىستاپ وقۋعا ارنالعان ارنايى ورىندارى بار جابىق كەڭىستىكتەن تۇرادى. جيھازدار - ۇلكەن ارىپتەر بەينەسىندە, ال قابىرعالاردا- اعىلشىن جازۋشىسى فيليپپ ءپيرستىڭ «توم جانە تولىق باق» پوۆەسىنەن الىنعان تسيتاتالار جازىلعان.
كىتاپحانادا قاراپايىم وقۋلىقتار جوق, سورەلەر تەك تانىمدىق جانە ويىن-ساۋىق ادەبيەتتەرگە تولى .
2. لوندونداعى دايىندىق مەكتەبىنىڭ كىتاپحاناسى ( ۇلىبريتانيا )
كىتاپحانانىڭ بولماۋى ماسەلەسىن, روزەندال دايىندىق مەكتەبىنىڭ باسشىلىعى لوندوننىڭ تانىمال سيمۆولى - قىزىل ەكى قاباتتى اۆتوبۋستىڭ كومەگىمەن, تولى كىتاپتار جانە مەكتەپ اۋلاسىندا ورنالاسقان وقۋعا ىڭعايلى ورىندىقتار ارقىلى شەشكەن. بۇل كىتاپحاناعا تەك مەكتەپ وقۋشىلارى عانا ەمەس, ءار سارسەنبى سايىن ادەبي اۆتوبۋستىڭ بارلىق قالاعان وقىرماندار كەلە الادى .
3. فرەدەريكسحاۆنداعى مەكتەپ كىتاپحاناسى (دانيا)
قىزىل پيراميدا تۇرىندەگى كىتاپحانا مەكتەپ عيماراتىنىڭ ورتاسىندا, وقۋشىلاردىڭ بارلىق نەگىزگى جولداردىڭ قيىلىسىندا ورنالاسقان.
4. سافرون-ۋولدەندەگى دەيما برەدبەري مەكتەبىنىڭ كىتاپحاناسى ( ۇلىبريتانيا ))
ءبىلىم اعاشى - مەكتەپ كىتاپحاناسىنىڭ قاق ورتاسىندا ورنالاسىپ, وزىنە وقىرمان تارتىپ تۇرادى. ول - وقۋشىلاردىڭ نازارىن كىتاپحاناعا عانا ەمەس, وقۋعا دا اۋدارادى.
