ەلەۋسىنوۆ پەن دوگەرتي اراسىنداعى جەكپە-جەك التى راۋندقا جوسپارلانعان بولاتىن. الايدا ءبىرىنشى راۋندتىڭ اياقتالۋىنا 30 سەكۋند قالعاندا وتانداسىمىزدىڭ سەريالى سوققىسىنان كەيىن تورەشى ايقاستى توقتاتۋعا ءماجبۇر بولدى. جەكپە-جەك قورىتىندىسى بويىنشا دانيار تەحنيكالىق نوكاۋتپەن جەڭىسكە جەتتى. كەزدەسۋدەن كەيىن وتانداسىمىز الداعى جوسپارىمەن ءبولىستى. «مەن اۋەسقوي بوكستا الىس قاشىقتىقتا ءجۇرىپ جۇدىرىقتاسۋ ءۇشىن كوپ ەڭبەك ەتتىم. ال كاسىپقوي بوكستاعى باپكەرىم دجون دەۆيد دجەكسون مەنى جاقىن جانە ورتا ارا قاشىقتىقتا جۇمىس ىستەۋدى ۇيرەتىپ جاتىر. قانداي جاعداي بولسىن تىنباي ەڭبەك ەتىپ, ۇلكەن جەكپە-جەكتەردە ءوزىمنىڭ مۇمكىندىگىمدى كورسەتۋىم كەرەك», دەدى ەلەۋسىنوۆ.
دانيار ەلەۋسىنوۆ كاسىپقوي بوكستاعى كەلەسى جەكپە-جەگىن 24 قاراشا كۇنى موناكونىڭ مونتە-كورلە قالاسىندا وتكىزەدى. ەددي ءحيرننىڭ مالىمدەۋىنشە, بۇل كەشتىڭ باستى ايقاسى رەسەيلىك دەنيس لەبەدەۆ پەن امەريكالىق مايك ۋيلسون اراسىندا وتپەك.
ءالي بيتورە,
«ەگەمەن قازاقستان»
