ادەبيەت • 21 قازان، 2018

قوستانايدا قاينەكەي جارماعامبەتوۆتىڭ 100 جىلدىعى اتالىپ ءوتتى

217 رەتكورسەتىلدى

بيىل اقىن، ادەبيەتشى، زامانداستارى ەنتسيكلوپەديالىق ءبىلىم يەسى دەپ باعالاعان قاينەكەي جارماعامبەتوۆتىڭ تۋعانىنا 100 جىل تولدى. ول ءوزىنىڭ كىندىك قانى تامعان جانگەلدين اۋدانىندا اتالىپ وتكەن بولاتىن. ەندى وبلىس ورتالىعىندا ءىرى تۇلعاعا ارنالعان كەشتەر ءوتىپ جاتىر. سونىڭ ءبىرى بۇگىن قوستاناي مەملەكەتتىك پەداگوگيكا ۋنيۆەرسيتەتىندە جانە وبلىستىق ل.تولستوي اتىنداعى امبەباپ  كىتاپحاناسىندا ءوتتى.

پەداگوگيكا ۋنيۆەرسيتەتىندە وتكەن كەشتە فيلولوگيا عىلىمدارىنىڭ كانديداتى، اقىن سەرىكباي وسپان ۇلى ءوزى ماقالاسىندا ايتقانداي «قاينەكەيدىڭ قىرلارىنا» توقتالدى.

«راسىندا، ەنتسيكلوپەديالىق ءبىلىمى بار ادام ەدى. ادەبي شىعارماشىلىعىنا كەلسەك، ول قازاق ادەبيەتىندە باللادا جانرىن قالىپتاستىرعان كىسى. بەيىمبەت ءمايليننىڭ تۇڭعىش زەرتتەۋشىسى دە قاينەكەي بولاتىن. مەن الەم اقىندارىنىڭ افوريزمدەرىن زەرتتەپ ءجۇرمىن. قاينەكەي ولەڭدەرىندە افوريزم تۇنىپ تۇرادى» دەدى سەرىكباي وسپان ۇلى.

كىتاپحاناداعى كەشتە فيلولوگيا عىلىمدارىنىڭ كانديداتى ناعاشىباي مۇقاتوۆ ءوزى زەرتتەگەن قاينەكەيدىڭ ادەبيەتتەگى ەڭبەكتەرى تۋرالى كەڭىنەن اڭگىمەلەپ بەردى. ستۋدەنتتەر قاينەكەيدىڭ باللادالارىنان ۇزىندىلەر وقىدى. ەكى كەزدەسۋگە دە قاينەكەيدىڭ تۋىستارى، قىزى ءاليما قاينەكەيقىزى قاتىستى، ەستەلىكتەر ايتتى.

«اكەمنىڭ 100 جىلدىعى ونىڭ تۋعان جەرىندە اتالىپ ءوتىپ جاتىر. قازاق ادەبيەتىندەگى ءىزى جوعالماي، باعاسىن، جاقسى ءسوزىن ەستىپ جاتىرمىز. مەن اكەمنىڭ تۋعان جەرى، كىندىك قانى تامعان جەرىنە ءبىرىنشى رەت اياق باسىپ وتىرمىن. تورعاي وڭىرىنە بارىپ، اكەمنىڭ تابانىنىڭ ءىزى قالعان، بالالىق، جاستىق شاعى وتكەن توپىراققا ءتاۋ ەتەمىن. اكەمنىڭ سۇيەگى دە اتالارىمنىڭ قاسىندا، تۋعان جەردە جاتىر. ولاردىڭ باسىنا بارىپ، ارۋاعىنا قۇران وقىتىپ، تاعزىم ەتەمىن» دەدى ءاليما قاينەكەيقىزى.

كەشتەردە قاينەكەي شىعارماشىلىعى تۋرالى جانە ونىڭ كوزىن كورگەندەر ەستەلىكتەر ايتتى.

ءنازيرا جارىمبەت،

«ەگەمەن قازاقستان»

قوستاناي

سوڭعى جاڭالىقتار

ەگەمەندىكتەر ەلگە شىقتى

قازاقستان • بۇگىن، 11:19

ەلوردا ورتالىعىندا اۆتوكولىك ورتەندى

قازاقستان • 15 قاراشا، 2019

ءباسپاسوز ءرولى – باستى ماسەلە

ادەبيەت • 15 قاراشا، 2019

قازاقستانعا شەتەلدىك بانكتەر كەلەدى

ەكونوميكا • 15 قاراشا، 2019

قوستاناي فيلارمونياسىنا 75 جىل تولدى

رۋحانيات • 15 قاراشا، 2019

جاڭا ۇلگىدەگى كولىكتەر

قوعام • 15 قاراشا، 2019

ۇقساس جاڭالىقتار