جارىستىڭ اشىلۋ سالتاناتىندا سويلەگەن سوزىندە وبلىس اكىمىنىڭ ءبىرىنشى ورىنباسارى ايداربەك ساپاروۆ سپورتشىلارعا تابىس تىلەدى.
بوز كىلەمگە ءبىرىنشى بولىپ شىققان تۇركىستان وبلىسىنىڭ وكىلى ەرسۇلتان مۇزافاروۆ سولتۇستىك قازاقستان وبلىسىنىڭ نامىسىن ارقالاي كەلگەن قارسىلاسىن تازا جىقتى. ول ەكىنشى بەلدەسۋىندە الاڭ يەسى الپىسوۆ دۋلاتتى دا ەركىن ۇتىپ, باس جۇلدەدەن ۇمىتكەر ەكەنىن تانىتقان ەدى. الايدا, 2014 جىلعى «ازيا بارىسى, ەكى دۇركىن الەم جەڭىمپازى مۇحيت تۇرسىنوۆتان جەڭىلىس تاپتى. مۇحيت شىعىستىڭ تۋماسى بولعانىمەن, قازىر «قىزىلجار ارلاندارى» كۇرەس ورتالىعىندا قىزمەت ەتەدى. مۇحيتتىڭ الدىن ازيا چەمپيونى, حالىقارالىق دارەجەدەگى سپورت شەبەرى, استانالىق سەيتەن ايبات وراپ كەتتى.
سەيتەن ايبات اقتىق بەلدەسۋدە م. جۇماباەۆ اۋدانىنىڭ وكىلى اقجىگىت ورالوۆتى بەلدەسۋ اياقتالۋعا ساناۋلى سەكۋندتار قالعاندا قاپى قالدىرىپ, «ۇزىنكول» شارۋا قوجالىعىنىڭ جەتەكشىسى قانات ءالمۇراتوۆ باس جۇلدەگە تىككەن جەڭىل كولىكتى قانجىعاعا بايلادى.
ء ومىر ەسقالي,
«ەگەمەن قازاقستان»
سولتۇستىك قازاقستان وبلىسى
