قازاقستان • 21 قازان، 2018

ۇلتتىق پالاتادا ءتۋريزمدى دامىتۋ باعدارلاماسى تانىستىرىلدى

375 رەت كورسەتىلدى

تانىستىرىلىم مادەنيەت جانە سپورت ۆيتسە-ءمينيسترى ەرلان قوجاعاپانوۆ جانە «اتامەكەن» ۇكپ باسقارما توراعاسىنىڭ ورىنباسارى ولجاس ورداباەۆتىڭ قاتىسۋىمەن ءوتتى.

كوشپەلى جانە ىشكى ءتۋريزمدى دامىتۋدىڭ 2019-2023 جىلدارعا ارنالعان مەملەكەتتىك باعدارلاماسى 10 نەگىزگى باعىتتان تۇرادى. ونىڭ ءبىرى – تۋريزمگە ارنالعان الەۋەتتى تەرريتوريانى انىقتاۋ.

مينيسترلىك زەرتتەۋ جۇرگىزىپ، ەلگە تۋريستەردىڭ اعىنىن قامتاماسىز ەتكەن ۇزدىك 10 جەردى انىقتادى. جاڭا مەملەكەتتىك باعدارلاما اياسىندا 600 ملرد تەڭگە باسىمدىققا يە جەرلەردى دامىتۋعا تارتىلاتىن بولادى.

«قازاقستان – تۋريستىك جەرلەرى كوپ ۇلكەن مەملەكەت. بارلىق جەرلەردى بىردەي دامىتۋعا قاراجات كوزى جەتپەيدى، سوندىقتان ءبىز اناعۇرلىم تارتىمدى تەرريتوريانى بەلگىلەدىك. ماسەلەن، ءتۋريزمدى دامىتۋ كارتاسىنا  الاكول مەن بالقاش جاعالاۋى، الماتى مەن الماتى وبلىسى تاۋ كلاستەرى كىردى»، – دەپ مالىمدەدى قر مادەنيەت جانە سپورت ۆيتسە-ءمينيسترىنىڭ كەڭەسشىسى ەركەبۇلان حاسەنوۆ.

كارتاعا بارلىعى 60 وبەكت ەندى، ولاردىڭ باسىم بولىگى وڭىرلەردە ورنالاسقان. جاڭا باعدارلاماعا سايكەس  باسىمدىققا يە 10 جوبا سالىقتىق جەڭىلدىكتەر الادى. سونىمەن قاتار بۇل تەرريتوريالاردا باسقارۋشى كومپانيالار قۇرىلادى، ولارعا ارناپ جەر ۋچاسكەلەرى دايىندالىپ، قاجەتتى سىرتقى ينفراقۇرىلىم تارتىلادى.

نەگىزگى  شارالار تىزىمىنە تۋريزم سالاسىنداعى بيزنەسكە جەڭىلدىكپەن نەسيە بەرۋ شاراسى ەندى. اتالعان شارا 20 جىلعا دەيىن 14% مولشەرلەمەمەن نەسيەلەۋدى قاراستىرادى، مولشەرلەمەنىڭ جارتىسىن مەملەكەت سۋبسيديالايدى.

باعدارلامادا سونداي-اق ماركەتينگكە باسا نازار اۋدارىلعان. ەركەبۇلان حاسەنوۆتىڭ ايتۋىنشا، الەمدە گرۋزيا، قىرعىزستان، ءازىربايجاننىڭ تۋريستىك ايماقتارى تانىمال، بۇل ناقتى جۇمىس پەن ۇلكەن بيۋدجەتتىڭ ناتيجەسى.

«بيۋدجەتتى 7 ملرد تەڭگەگە دەيىن ۇلعايتۋ ماقساتىندا BED TAX –  تاۋلىگىنە 1 جاتىن ورىن ءۇشىن تۋريستەردەن 2 اقش دوللارى مولشەرىندە تۋريستىك جيناۋدى ەنگىزۋ كەرەك. وسى رەتتە حوستەلدەر مەن مەيمان ۇيلەرگە توقتاعان تۋريستەر بۇل تولەمدەردەن بوساتىلادى. بۇل شارا كەلەشەكتە بيۋدجەتكە تۇسەتىن اۋىرتپالىقتى  ازايتاتىن بولادى. پيلوتتىق جوبا استانادا ىسكە اسادى»، – دەدى حاسەنوۆ.

باعدارلاما اياسىندا e-Visa جانە ە-Hotel جۇيەسىن ەنگىزۋ جانە «شاقىرۋ» وپتسياسىن الىپ تاستاۋ ۇسىنىلدى. سونىمەن قاتار مينيسترلىك بوس اۋانىڭ 5 ساتىسى بويىنشا «اشىق اسپان» ساياساتىن ەنگىزۋ ۇسىنىسىن العا تارتتى.

«شىعىنداردىڭ ۇلكەن ۇلەسىن اۆتوكولىككە كەتەتىن شىعاندار قۇرايدى. ءبىز استانا، الماتى، اقتاۋ جانە شىمكەنت ۇستىندەگى بوس اۋانىڭ بەسىنشى ساتىسىن ەنگىزۋدى ۇسىنامىز، ارينە وتاندىق اۆيا تاسىمالداۋشىلار مۇددەسى ەسكەرىلۋ كەرەك. وسىلايشا شىعىندار ازايادى، ۇشۋ بيلەتتەرىنىڭ وزىنەن 20%-عا دەيىن قىسقارۋ ورىن الادى»، – دەپ ايتىلدى تانىستىرىلىمدا. 

باعدارلاما ازىرلەۋشىلەرى اۆياكەروسينگە دەگەن باعالاردى مەملەكەتتىك رەتتەۋدى قايتارۋ، اۆياكومپانيانىڭ وتىن ساتىپ الۋ شىعىندارىن سۋبسيديالاۋ، «Kids go Free» قاعيداسى بويىنشا وقۋ دەمالىسى كەزىندە بالالاردىڭ ۇشۋىن سۋبسيديالاۋ ۇسىنىلدى. وسى شارالار ەل ىشىندەگى ساياحاتتى ىنتالاندىرىپ، جولاۋشىلار اعىنىن ۇلعايتادى.

«اتامەكەن» ۇكپ باسقارما توراعاسىنىڭ ورىنباسارى ولجاس ورداباەۆتىڭ پىكىرىنشە، باعدارلاما شىن مانىندە ستراتەگيالىق مىندەتتەردى قامتىپ وتىر، الايدا وندا شاعىن بيزنەستى قولداۋدىڭ ىنتىلاندىرۋ شارالارى جوق. سپيكەر وزبەكستاندا قولدانىستاعى باعدارلامانى مىسالعا كەلتىردى.

«وندا بيزنەس وكىلدەرى ينفراقۇرىلىم وبەكتىلەرىن سالۋعا مەملەكەتتەن سۋبسيديا الا الادى. نەمەسە قوناقۇيلەر مەن وتەلدەردى «جۇلدىزداردى» الۋعا ىنتالاندىرۋ. بىزدە مۇنداي اۋديت شامامەن 300 مىڭ تەڭگە تۇرادى، سونىڭ ناتيجەسىندە ەلدەگى وتەلدەردىڭ نەبارى 8،5%-ىندا «جۇلدىزى» بار. وسىنداي موتيۆاتسيانى قۇرايىق، شىعىننىڭ جارتىسىن بولسا دا وتەپ بەرەيىك. بيزنەس بۇل جۇيەنى ەنگىزۋگە، وناقتارعا ۇسىنىپ وتىرعان جاعدايدى جاقسارتۋعا دايىن بولادى. وكىنىشكە قاراي بۇل شارالار، جانە شاعىن جانە ورتا كاسىپكەرلىكتى قولداۋ بويىنشا باسقا دا  ىنتىلانلدىرۋ قۇرالدار باعدارلامادا قاراستىرىلماعان»، – دەپ مالىمدەدى ولجاس ورداباەۆ.

ءوز كەزەگىندە قر  مادەنيەت جانە سپورت ۆيتسە-ءمينيسترى ەرلان قوجاعاپانوۆ باعدارلاما جوباسىنىڭ قازىرگى نۇسقاسىن مەملەكەتتىك ورگاندار الدىندا قورعاۋ كەرەك ەكەنىن ايتتى.

«كوپتەگەن شارالارىمىز قاۋىپ الدىندا تۇر، كوپ شارالاردى «كەسىپ»، دايەكتەرىمىزبەن كەلىسپەي وتىر. قايتادان قىزمەتسىز سورەدە شاڭ باسىپ جاتاتىن قۇجات الامىز دەگەن بولجام بار. ويتكەنى، ءار مەملەكەتتىك ورگاننىڭ ءوزىنىڭ فۋنكتسياسى بار،  سونى ورىنداۋعا تىرىسادى. قارجى مينيسترلىگى بارىنشا از قاراجات بولۋگە، ءتىپتى بولمەۋگە تىرىسادى. ەكونوميكا مينيسترلىگى دە ەكونومدايدى. سوندىقتان بارلىق مۇددەلى تاراپتاردىڭ قولداۋىنسىز ءبىز ماقساتقا جەتە المايمىز. بىزگە بارلىق الاڭداردا بەلسەندى قولداۋ كەرەك»، – دەدى ەرلان قوجاعاپانوۆ.

باعدارلامانىڭ نەگىزگى ازىرلەۋشىلەرىنىڭ (قر مادەنيەت جانە سپورت مينيسترلىگى) ايتۋىنشا، قۇجاتقا كىرگەن شارالار قازاقستانعا 2023 جىلعا قاراي ءجىو قۇرىلىمىندا تۋريزم ۇلەسىن 8%-عا  ۇلعايتۋعا مۇمكىندىك بەرەدى. تۋريستىك سالادا جۇمىس ىستەپ جاتقاندار سانىن 400-دەن 650 مىڭ ادامعا دەيىن ارتتىرۋعا، سىرتقى تۋريستىك اعىندى 6،5-دەن 9 ملن كەلىشۋلەرگە دەيىن، ال ىشكى تۋريستەردى 4،6-دان 8 ملن ادامعا دەيىن ۇلعايتۋعا جول اشادى. 

سوڭعى جاڭالىقتار

قاۋىپتى ىندەتكە قارسى قامدانىس

كوروناۆيرۋس • بۇگىن، 07:40

ۇلتتىڭ جاڭا بولمىسى

پىكىر • بۇگىن، 07:35

پيك-ءتىڭ ورنىنا – جاڭا ۇيىم

ايماقتار • بۇگىن، 07:27

قاۋىپتى ۆيرۋس شابۋىل جاسادى

تەحنولوگيا • بۇگىن، 07:09

كيبەرقاۋىپسىزدىك تۋرالى مالىمدەدى

تەحنولوگيا • بۇگىن، 07:08

ۇقساس جاڭالىقتار