بۇل – بيىلعى ەگىن-تەرىن جيىلعاننان كەيىنگى وتكەن ءبىرىنشى جارمەڭكە. وندا ەت پەن كوكونىستەن باستاپ, ازىق-ت ۇلىكتىڭ ءتۇر-ءتۇرى بولدى. ونىڭ بارلىعى دا بازار نارقىنان تومەن باعامەن ساتىلدى.قالالىقتاردىڭ نەگىزگى قولدانىسىنداعى سيىر ەتىنىڭ كيلوگرامى 1250 تەڭگەدەن ۇسىنىلدى, ال بازار نارقى 1400 تەڭگەدەن كەم تۇسپەيدى. قوي ەتى 1500, جىلقى ەتى 1600 تەڭگەدەن كەتتى. ال بازار باعاسى مۇنان 300-400 تەڭگەدەي قىمبات.
جارمەڭكەگە اۋدانداردان 140 شارۋاشىلىق 138 توننا ازىق-ت ۇلىك ءتۇرىن اكەلدى. ونىڭ ىشىندە 14 توننا سيىر ەتى, 7 توننا جىلقى, 4 توننا شوشقا, 800 كليوگرامم قوي ەتى, 4 توننا 720 كيلوگرامم قۇس ەتى ساۋداعا ءتۇستى.
ونىڭ سىرتىندا جوعارى جانە ءبىرىنشى سورتتى بيداي ۇنىن, جارما مەن ماكارون ونىمدەرىن, 126 000 دانا جۇمىرتقانى قالالىقتار جوعارى سۇرانىسپەن الدى. بازار نارقىنان تومەن كوكونىس پەن بالىقتىڭ دا ساۋداسى قىزدى.
جارمەڭكەگە كەلگەن وبلىس اكىمىنىڭ ورىنباسارى عاۋەز نۇرمۇحامبەتوۆ جارمەڭكە سورەلەرىندەگى ساۋدانىڭ بارلىعىن دا ماماندار باقىلاۋىندا ۇستاعانىن, باعا بازار نارقىنان 15 پروتسەنتكە تومەن بولعانىن ايتتى. جارمەڭكەدە ساتىلعان ازىق-ت ۇلىكتىڭ جالپى قۇنى 60 ميلليون تەڭگەنى قۇرادى.
ءنازيرا جارىمبەت,
«ەگەمەن قازاقستان»
قوستاناي
