2017 جىلى ەۋرووداق قۇرامىنداعى ءۇش ەل حالقىنىڭ ۇشتەن بىرىنە كەدەيلەنۋ قاۋپى ءتونىپ تۇرعان. ولار: بولگاريا (38,9%), رۋمىنيا (35,7%) جانە گرەكيا (34,8%). ال حالقىنىڭ ءال-اۋقاتى جاقسىراق ەلدەردىڭ ىشىندە چەحيا كوش باستاعان. ونىڭ جالپى حالقىنىڭ 12,2% عانا كەدەيلەنۋ قاۋپى بار. كەيىنگى ورىندارعا فينليانديا (15,7%), سلوۆاكيا (16,3%) جانە نيدەرلاندى (17%) ورنالاستىرىلعان.
2008-2017 جىلدار ارالىعىندا ەۋروپا وداعىنىڭ ونداعان ەلىندە كەدەيلىك نەمەسە الەۋمەتتىك وقشاۋلانۋ قاتەرى تونگەن تۇرعىنداردىڭ ۇلەس مولشەرى ارتا تۇسكەن.
حالقىنىڭ باسىم دەنى كەدەيلىكتە تۇراتىن ەلدەردىڭ كوشىندە گرەكيا (2008 جىلى 28,1% بولسا, 2017 جىلى 34,8% جەتكەن) تۇر. كەيىنگى ورىنداردا يتاليا (25,5%-دان 28,9%-عا دەيىن), يسپانيا (23,8%-دان 26,6%-عا دەيىن), نيدەرلاندى (14,9%-دان 17%-عا دەيىن), كيپر (23,3%-دان 25,2%-عا دەيىن) جانە ەستونيا (21,8%-دان 23,4%-عا دەيىن) كەلەدى. مۇنداي ساناتتاعى ادامداردىڭ سانى اناعۇرلىم ازايعان ەلدەر دە اتاپ ءوتىلدى. ولار: پولشا (2008 جىلى 30,5% بولسا, 2017 جىلى 19,5% ازايعان), رۋمىنيا (44,2%-دان 35,7%-عا دەيىن), لاتۆيا (34,2%-دان 28,2%-عا دەيىن) جانە بولگاريا (44,8%-دان 38,9%-عا دەيىن).
