الەم • 17 قازان، 2018

ارمەنيا پرەزيدەنتى ۇكىمەتتىڭ وتستاۆكاسىن قابىلدادى

64 رەت كورسەتىلدى

كەشە كەشكە ارمەنيا پرەزيدەنتى ارمەن ساركيسيان ۇكىمەتتىڭ وتستاۆكاسىن قابىلدادى، دەپ حابارلايدى Armenpress.

ارمەنيا پرەمەر-ءمينيسترى نيكول پاشينيان ارميان قوعامدىق تەلەۆيدەنيەسىنە بەرگەن سۇحباتىندا وتستاۆكاعا ءوتىنىش بەرگەنى تۋرالى ايتتى. كەشە كەشكە ارمەنيا پرەزيدەنتى ارمەن ساركيسيان ۇكىمەتتىڭ وتستاۆكاسىن قابىلدادى.

پرەمەر-مينيستر ن.پاشينيان وتستاۆكاعا كەتۋى تۋراسىندا France24-كە بەرگەن سۇحباتىندا دا ايتقان بولاتىن. سۇحباتتا ول ۇستىمىزدەگى جىلدىڭ 10 جەلتوقسانىندا مەرزىمىنەن بۇرىن پارلامەنتتىك سايلاۋ وتكىزۋ ماقساتىندا ەل پارلامەنتىن تاراتۋ باستاماسىن كوتەرۋ ءۇشىن 15 قازاندا وتستاۆكاعا كەتەتىنىن ايتقان.

ايتا كەتسەك، ارمەنيا پارلامەنتىنىڭ دەپۋتاتتارى 2018 جىلعى 8 مامىر كۇنى وتىرىستا وپپوزيتسيا كوشباسشىسى نيكول پاشينياندى ەلدىڭ پرەمەر-ءمينيسترى قىزمەتىنە سايلاعان. قولدانىستاعى زاڭناماعا سايكەس، پرەمەر-مينيستر وتستاۆكاسىنان كەيىن ارمەنيا پرەزيدەنتى ۇكىمەتتىڭ وتستاۆكاسىن قابىلدايدى. كەيىن جەتى كۇننىڭ ىشىندە پارلامەنت فراكتسيالارى پرەمەر-مينيستر لاۋازىمىنا كانديداتتاردى ۇسىنادى. پرەمەر-مينيستر پارلامەنت وتىرىسىندا دەپۋتاتتاردىڭ داۋسى ارقىلى سايلانادى. ەگەر داۋىس بەرۋ كەزىندە پرەمەر-مينيستر سايلانباسا، جەتى كۇننەن كەيىن جاڭا سايلاۋ وتكىزىلەدى. وعان دەپۋتاتتاردىڭ جالپى سانىنىڭ ۇشتەن ءبىرى ۇسىنعان كانديداتتار قاتىسادى. ەڭ كوپ داۋىس جيناعان كانديدات جەڭىمپاز بولادى. ەگەر پرەمەر-مينيستر ەكىنشى رەت وتكىزىلگەن سايلاۋدا دا سايلانباسا، ارمەنيا ۇلتتىق جيىنى (پارلامەنت) تاراتىلىپ، كەزەكتەن تىس پارلامەنت سايلاۋى وتەدى. ارمەنيادا كەزەكتەن تىس پارلامەنت سايلاۋى بيىلعى جەلتوقساندا-اق ءوتۋى مۇمكىن. ايتا كەتەيىك، ارمەنيادا وسى جىلدىڭ 13 مامىرىندا جاڭا ۇكىمەت جاساقتالعان ەدى.

سوڭعى جاڭالىقتار

الماتىدا تروللەيبۋس ورتەندى

وقيعا • 24 ماۋسىم، 2022

تۇركپا-نىڭ اتاۋى وزگەرەدى

پارلامەنت • 24 ماۋسىم، 2022

ۇقساس جاڭالىقتار