مەملەكەت باسشىسىنىڭ ءاربىر باستاماسى قازاقستاندىقتاردىڭ ءال-اۋقاتىن جاقسارتۋعا باعىتتالعان. حالىقتىڭ تۇرمىس ساپاسى مەن دەڭگەيىن ارتتىرۋ – جالپىۇلتتىق باسىمدىق.
ءبىرىنشى باستاما بويىنشا پرەمەر-مينيستر «7-20-25» باعدارلاماسىن ىسكە اسىرۋدىڭ جانە ونى جۇزەگە اسىرۋداعى جەرگىلىكتى اتقارۋشى ورگانداردىڭ جۇمىسىنىڭ ماڭىزدىلىعىن اتاپ ءوتتى.
ب. ساعىنتاەۆ ۇكىمەت مۇشەلەرىنىڭ نازارىن جۇمىستى جانداندىرۋ قاجەتتىگىنە اۋداردى. «7-20-25» باعدارلاماسى بويىنشا تۇرعىن ءۇي سالۋ ءۇشىن بارلىق مۇمكىندىكتەر بار, قارجىلاندىرۋ ماسەلەسى شەشىلگەن. كەيبىر وڭىرلەردە بۇل باستاما جوعارى دەڭگەيدە ىسكە اسىرىلىپ جاتىر, الايدا, جۇمىستاردىڭ تومەن قارقىنمەن جۇرگىزىلىپ جاتقانى دا بايقالىپ وتىر. بۇل قۇرىلىس قارقىنىنىڭ سۇرانىسقا بايلانىستى ەكەندىگىمەن تۇسىندىرىلەدى. وسىعان بايلانىستى, وبلىس اكىمدىكتەرىنە قۇرىلىس كومپانيالارىمەن جانە بانكتەرمەن ءتۇسىندىرۋ جۇمىستارىن جۇرگىزۋ تاپسىرىلدى.
ەكىنشى باستاما بويىنشا بارلىق دايىندىق جۇمىستارى جۇرگىزىلگەنى اتاپ ءوتىلدى. تومەن جالاقى الاتىن جۇمىسكەرلەردىڭ ەڭبەكاقىسىن ارتتىرۋ ءۇشىن سالىق جۇكتەمەسىن تومەندەتۋ بويىنشا قولدانىستاعى زاڭناماعا قاجەتتى وزگەرىستەر ەنگىزىلدى. بۇل جۇمىستار 2019 ج. 1 قاڭتارىنان باستالادى.
ءۇشىنشى باستامانى ىسكە اسىرۋ اياسىندا, ب. ساعىنتاەۆ ءبىلىم جانە عىلىم مينيسترلىگىنە وبلىس اكىمدىكتەرىمەن بىرلەسىپ ستۋدەنت جاستاردى جاتاقحانالارمەن قامتاماسىز ەتۋ جۇمىستارىن جانداندىرۋدى تاپسىردى.
قارجى مينيسترلىگى جاتاقحانالار قۇرىلىسىن قارجىلاندىرۋدى بىرتىندەپ ارتتىرۋى ءتيىس.
ءتورتىنشى باستامانى ىسكە اسىرۋ بويىنشا پرەمەر-مينيستر ەڭبەك جانە حالىقتى الەۋمەتتىك قورعاۋ مينيسترلىگىنە وبلىس اكىمدىكتەرىمەن جانە «اتامەكەن» ۇكپ بىرلەسىپ ءبىر اي ىشىندە كاسىپكەرلەردىڭ شاعىن نەسيە الۋلارى ءۇشىن تۋىنداپ وتىرعان بارلىق ماسەلەلەردى شەشۋدى تاپسىردى.
ەل حالقى گازدىڭ جۇرگىزىلۋىن كۇتىپ وتىر. وسىعان وراي, بەسىنشى باستامانى ىسكە اسىرۋ اياسىندا “سارىارقا” گاز قۇبىرىنىڭ ققرىلىسى بەلگىلەنگەن مەرزىمدە باستالىپ, ۋاقىتىلى اياقتالۋى كەرەك.
«پرەزيدەنتتىڭ بەس الەۋمەتتىك باستاماسىنىڭ» جۇزەگە اسىرىلۋ بارىسىنا ءار اپتا سايىن مونيتورينگ جۇرگىزىلەتىن بولادى.
