وسىعان وراي الماتىداعى قر مەملەكەتتىك ورتالىق مۋزەيى مەن قازاقستان رەسپۋبليكاسىنداعى شۆەتسيا كورولدىگى ەلشىلىگى شۆەتسيا ينستيتۋتىمەن بىرلەسىپ «ينگمار بەرگماننىڭ ونەر مەن ءسان الەمىندەگى مۇراسى» اتتى مەموريالدىق كورمەسىن اشتى.
كورمەنىڭ اشىلۋ سالتاناتىندا قر مەملەكەتتىك ورتالىق مۋزەيىنىڭ ديرەكتورى, پروفەسسور نۇرسان ءالىمباي مەن قازاقستان رەسپۋبليكاسىنداعى شۆەتسيا كورولدىگىنىڭ توتەنشە جانە وكىلەتتى ەلشىسى ماتس فويەر مىرزا ءسوز الىپ, ينگمار بەرگماننىڭ الەمدىك كينو جانە تەاتر ونەرىنىڭ دامۋ تاريحىنا قوسقان ولشەۋسىز ۇلەسىن اتادى. 89 جىل ءومىر سۇرگەن رەجيسسەر 170-تەن استام تەاتر قويىلىمىنىڭ اۆتورى اتاندى. 60-تان استام كوركەم جانە دەرەكتى فيلمدەر ءتۇسىرىپ, باسىم بولىگىنىڭڭ ستسەناريىن ءوزى جازدى. بەرگماننىڭ شىعارماشىلىعى فەللين, انتونيوني, تاركوۆسكي سىندى دارا تۇلعالاردىڭ قاتارىندا.
سول سياقتى ينگمار بەرگماننىڭ «جەتىنشى ءمور» (1957), «قۇلپىناي القابى» (1957), «پەرسونا» (1966), «سىبىر مەن ايعاي» (1972), «فانني مەن الەكساندر» (1982) اتتى كارتينالارى الەمدىك كينوتۋىندىلار قاتارىنا ەنگەن.
كورمە ەكسپوزيتسياسى اۆتوردىڭ جەكە ءومىر جولى مەن شىعارماشىلىعى تۋرالى فوتوقۇجاتتاردان باستالادى. ونىڭ ءتۇسىرىم الاڭىنداعى جانە, اكتەرلارمەن جۇمىس ىستەپ جاتقان ساتتەرى, جەكە وتباسىلىق فوتوسۋرەتتەرى قويىلعان. ي. بەرگماننىڭ ايتقان دانالىق سوزدەرى مەن ونىڭ فيلمدەرىنە جاسالعان افيشالار كورمە زالىن تولىقتىرىپ تۇر.
كورمە اياسىندا, كەلۋشىلەر نازارىنا اۆتوردىڭ ءسان الەمى, مۋزىكا, تەاتر جانە بيگە ارنالعان قىسقامەتراجدى فيلمدەرى ۇسىنىلۋدا.
ايناش ەسالي,
«ەگەمەن قازاقستان»
الماتى
