ايماقتار • 16 قازان، 2018

ماڭعىستاۋدا «7 -20-25» باعدارلاماسى بويىنشا 194 ءوتىنىم قولداۋ تاپتى

135 رەتكورسەتىلدى

ماڭعىستاۋ وبلىسى قۇرىلىس، ساۋلەت جانە قالا قۇرىلىسى باسقارماسىنىڭ باسشىسى ەلدار ماشىرىقوۆ «پرەزيدەنتتىڭ بەس الەۋمەتتىك باستاماسى» جولداۋىنداعى «7-20-25» باعدارلاماسى تۋرالى باياندادى.

اعىمداعى جىلدىڭ 9 ايىنىڭ قورىتىندىسى بويىنشا 910،5 مىڭ شارشى مەتر تۇرعىن ءۇي قولدانىسقا بەرىلدى جانە دامۋ دەڭگەيى 137 % قۇرادى. (2017 جىلدىڭ 9 ايىندا – 664،8 مىڭ شارشى مەتر تۇرعىن ءۇي قولدانىسقا بەرىلدى). جىل سوڭىنا دەيىن ءىس جۇزىندە 1،0 ملن. شارشى مەتر تۇرعىن ءۇي پايدالانۋعا بەرىلەدى دەپ كۇتىلۋدە. وبلىس بويىنشا تۇرعىن ۇيمەن قامتاماسىز ەتىلۋ 1 تۇرعىنعا  22،4 شارشى مەتردى قۇرايدى (قر بويىنشا – 21،6 شارشى مەتر). پايدالانۋعا بەرىلەتىن تۇرعىن ۇيلەر كولەمىنىڭ قارقىنى جىل سايىن 10%-عا ءوسىپ وتىرسا جانە حالىق سانى 3%-عا وسسە (سوڭعى 5 جىلدا حالىق سانى ورتاشا ەسەپپەن 3%-عا ءوسىپ وتىرعان)، تۇرعىن ۇيمەن قامتاماسىز ەتىلۋ كولەمى 2025 جىلعا 1 تۇرعىنعا 30 شارشى مەتردى قۇرايدى. «7-20-25» يپوتەكالىق تۇرعىن ءۇي كرەديتتەۋ باعدارلاماسى نەگىزىندە 2-ءشى دەڭگەيلى بانكتەرمەن 1،6 ملرد. تەڭگەگە 194 ءوتىنىم قولداۋ تاپتى دەدى، باسقارما باسشىسى. اتالمىش باعدارلاماعا 700،0 ملن. تەڭگە باعىتتاۋ جوسپارلانۋدا. ناتيجەسىندە ماڭعىستاۋ وبلىسىنداعى حالىقتىڭ 1000 شاقتى پاتەردى ساتىپ الۋعا نەسيە الۋ قولجەتىمدىلىگىن جاقسارتادى (جىل سوڭىنا دەيىن اقتاۋ قالاسىندا 2300 پاتەر تاپسىرىلادى). قوسىمشا نەسيەلەر تۇرعىندارعا قايتارىمدىلىق، اقىلىلىق جانە ماقساتتى پايدالانۋ نەگىزدەرىندە بەرىلەدى. قوسىمشا نەسيەنىڭ جىلدىق مولشەرلەمەسى 7%-دان اسپايدى، نەسيە مەرزىمى – 3 جىل.

اۋىل شارۋاشىلىق باسقارماسىنىڭ باستىشىسى سەرىك قالدىعۇل ناتيجەلى جۇمىسپەن قامتۋ جانە جاپپاي كاسىپكەرلىكتى دامىتۋدىڭ 2017-2021 جىلدارعا ارنالعان مەملەكەتتىك باعدارلاماسى جايىندا باياندادى. بايانداماشىنىڭ مالىمەتىنشە، شاعىن قالالار مەن اۋىلدىق ەلدى مەكەندەردە كاسىپكەرلىكتى ونىڭ ىشىندە اۋىل شارۋاشىلىعى سالاسىن دامىتۋ ماقساتىندا، 2018 جىلعا رەسپۋبليكالىق بيۋدجەتتەن 1 244 089 ملن تەڭگە ءبولىنىپ، وبلىس اكىمدىگىنىڭ قاۋلىسىمەن «اۋىل شارۋاشىلىعىن قارجىلاي قولداۋ قورى» اق-نا – 821 837 200،0 تەڭگە جانە «اگرارلىق نەسيە كورپوراتسياسى» اق-نا – 422 251 800،0 تەڭگە ءبولىنىپ بەرىلگەن. قازىرگى تاڭدا 533 400 000،0  تەڭگە يگەرىلىپ، 144 ادامعا نەسيە بەرىلگەن جانە شامامەن 242 جۇمىس ورنى قۇرىلعان. قالعان نەسيە قاراجاتى جىل سوڭىنا دەيىن يگەرىلەدى دەپ كۇتىلۋدە. قوسىمشا قارجىنى تولىقتاي يگەرۋ ماقساتىندا 2017 جىلى وبلىس بويىنشا جاساقتالعان كاسىپكەرلىكتى دامىتۋدىڭ ايماقتىق كارتاسىمەن بەكىتىلگەن 25 كاسىپكەرلىكتىڭ ءتۇرى 44-كە كوبەيتىلىپ، قارجى ۇيىمدارىنا كوشىرمەسى جولدانعان.

جالپى 2017 جىلى وسى باعدارلاما نەگىزىندە وبلىسقا 474،0 ملن تەڭگە ءبولىنىپ تولىقتاي يگەرىلگەن. ناتيجەسىندە 130 ادامعا نەسيە بەرىلىپ، شامامەن 219 ادام جۇمىسپەن قامتىلعانىن اتاپ ءوتتى.

بيىل بولىنگەن نەسيە قارجىسى شەگىندە شامامەن 341 ادامعا نەسيە بەرىلىپ، 574 ادام جۇمىسپەن قامتىلادى دەپ جوبالانۋدا دەدى، سەرىك قالدىعۇل.

ءبىلىم باسقارماسى باسشىسىنىڭ مىندەتىن اتقارۋشى نۇرلىبەك قويجانوۆتىڭ مالىمەتىنشە، وبلىستاعى 27 كوللەدجدە (16-سى مەملەكەتتىك، 11-ءى جەكەمەنشىك) 21244 ستۋدەنت ءبىلىم الۋدا. ستۋدەنتتەردىڭ جاتاقحاناعا قاجەتتىلىگى -1800 ورىندى قۇرايتىنىن اتاپ ءوتتى. سونداي-اق ول، ەلباسى ن.ءا.نازارباەۆتىڭ «بەس الەۋمەتتىك باستاماسىن» جۇزەگە اسىرۋ ماقساتىندا قولعا الىنعان جۇمىستار جايىندا مالىمدەدى. اتاپ ايتساق، اقتاۋ قالاسىنان 200 ورىنعا ارنالعان جاتاقحانا (200 ورىندىق 3ب ش/ا 52ا عيماراتىندا) رەسپۋبليكالىق بيۋدجەت ەسەبىنەن ساتىپ الۋ راسىمدەرى جۇرگىزىلۋدە. اقتاۋ قالاسىنان 400 ورىنعا ارنالعان (400 ورىندىق 3ب ش/ا 52ا عيماراتىندا جانىنان) جاتاقحانا قۇرىلىسى ءمجا تەتىگى ارقىلى 2018 جىلدىڭ قاراشا ايىندا قۇرىلىسىن باستاۋ  سەكىلدى بىرنەشە جۇمىس جوسپارىن تانىستىردى.

گۇلايىم شىنتەمىرقىزى،

«ەگەمەن قازاقستان»

ماڭعىستاۋ وبلىسى

سوڭعى جاڭالىقتار

ەگەمەندىكتەر ەلگە شىقتى

قازاقستان • بۇگىن، 11:19

ەلوردا ورتالىعىندا اۆتوكولىك ورتەندى

قازاقستان • 15 قاراشا، 2019

ءباسپاسوز ءرولى – باستى ماسەلە

ادەبيەت • 15 قاراشا، 2019

قازاقستانعا شەتەلدىك بانكتەر كەلەدى

ەكونوميكا • 15 قاراشا، 2019

قوستاناي فيلارمونياسىنا 75 جىل تولدى

رۋحانيات • 15 قاراشا، 2019

جاڭا ۇلگىدەگى كولىكتەر

قوعام • 15 قاراشا، 2019

ۇقساس جاڭالىقتار